Цэлмэг тэнгэр, Зөөлөн буулт

Орчин үеийн монголын уран зураачдын бүтээлүүд II

2011-11-01T11:37:00.000+08:00

Урьдны бичлэгүүдээ харж байтал ийм бичлэг бичиж байснаа хараад үргэлжлүүлмээр санагдаад бичиж байна. Блогруугаа шагайгаагүй мөнчиг их удаж дээ :)

Ойлан Жанатхан гэдэг зураач надад их өвөрмөц санагддаг. Тэр бүр ашиглаад байдаггүй өнгө, хүйтэн хөндий, зэврүүн ч гэмээр зургууд нь энгийн байдлаас гаж ч цаанаа л сэтгэл татам байдаг юм.

Эх сурвалж: www.mongolianartgallery.com

Аваарын дохио

2011-04-06T12:07:00.000+08:00

За цаана чинь аваарын дохио өгнө гэнэ шүү. Энэ чинь тоглоом биш, нэг өдөр УБ-д маань газар хөдөлж мэднэ. Тэр үед яах ёстойгоо мэдэж авах хэрэгтэй. Харин би одоо юу ч мэдэхгүй ногооноороо байгаа дээрээ энэ бичлэгийг бичье гэж бодлоо.

За газар хөдөллөө. 7 марнитуд. Манай гэр 5 давхарт, байр маань чичрээд эхэллээ. Зүрх лүг лүг. Хамгийн түрүүнд хүү рүүгээ ухасхийх байх. Гүйгээд гадаа гарах уу? гэртээ байх уу? Бод бод. За юутай ч хүүгээ дулаан хувцаслъя. Юун хувцас өмсгөх вэ? тэр хооронд чинь байр нураад унавал яахав? Хөнжилд ороогоод гараад гүйе. 3 давхарт бууж явсан чинь дээрээс байшин нураад унавал яаанаа. Ээ бурхаан, би яах ёстой юм бэ? Ширээний доор нуугд гэдэг билүү? ширээн доороо орцон хэвтэж байтал тэр хэсэг газар доошоо цөмрөөд унавал одоо яах вэ? Би яах вэ дүүрсэн хүн, хүү минь одоо яаанаа??? Ээ юу вэ? Ширээ маань сэтгүүлийн ширээ, намхан шдээ. Бид 2 багтахгүй байна. Компютэрийн ширээ рүү гүйгээд доор нь нуугд. Хамаг бие чичирч байна, хүү маань уйлж эхэллээ. Нүд харанхуйлаад айж байна. Хэзээ тусламж ирэх болоо...

За ингэсээр байтал нурангид дарагдах нь байна тийм үү? Тэгэхээр яг одоо газар хөдлөвөл яах ёстойг гүүгл ахаас хайж уншъя байз.

Програмистын хүүхэд

2011-01-04T13:48:00.000+08:00

Манай хүү 6 сар хүрээгүй байхдаа аав ээжийгээ компютер дээр байхыг хараад сурсан уу бүү мэд кийборд нүдэх тун дуртай байлаа хө. Нүдээд л байна, нүдээд л байна. Тэгсэн удахгүй дэмий балбах биш гар хуруу нь ганц нэг товшдог болсон. Бодвол аав ээжийгээ кийборд балбадаггүй, товшдог гэдгийг мэдсэн болохоор тэр байх. Удаагүй байтал кийбордоо ганц нэг товшингоо дэлгэц дээр юу өөрчлөгдөх нь үү гэсэн байдалтай хардаг боллоо. Ганц нэг гар хуруугаараа хүрчихээд дэлгэц рүү нь харна, дахиад хүрээд дэлгэц рүү харна.Одоо бол дэлгэц асаагүй байхад тоохчгүй шдээ. Асвал тэгээд дайрч өгнө дөө кийборд руу.

Энэ юуных вэ? Програмист ээжтэйнх үү, блогчин аав ээжтэйнх үү? ккк...

Бүтэн нойртой шөнө

2010-12-23T16:47:00.000+08:00

Бүтэн нойртой унтах гэж юу байдгийг бүүр мартжээ хорвоо гэж. Багадаа ээжийгээ шөнө соргог унтаж, өглөө эрт сэрдэгт нь гайхдаг байж билээ. Шалтгаан нь 3 хүүхэд нь байсан юм байна. Хөл хүнд болсноосоо хойш л шөнөдөө заавал 1 сэрдэг байсан бол дор хаяж 2-3 сэрдэг болж. Нялх биетэй байхдаа мөнчиг их ядардаг байсан даа хөөрхий. Харин одоо энэ темпендээ бүүр дассан байх юм.

Одоо би орой унтаад огт сэрэхгүйгээр нойроо хангалттай аваад өглөө сэрэхэд авдаг мэдрэмжийг мэдрэхийг хүсэж байна. Ай хөөрхий хорвоо гэж.

Ичих нүүр элгэн дээр ирж наалдаад байх юм ккк

2010-11-29T15:21:00.000+08:00

Шилдэг Блогчдыг шалгаруулах ёслолын ажиллагаа 2010 гэж зохиогдож байгаа юм байна лээ. Тэгээд хөтөлбөрийг нь үзэж байтал "Улаан хивсний ёслол" гэж байв шүү. Инээд хүрээд байх юм. Нөхөр бид 2 очиж хэдэн блогчин нөхдийн гэгээн мэлмийг тольдоё уу гэтэл од ч биш дээ улаан хивсэн дээр гүйгээд байлтай биш ичих нүүр элгэн дээр минь ирж наалдаад хэрэг алга. Улаан хивснээс зугтаж тэнэг юм шиг эрт очилтой биш соёлгүй царайлж оройтож очихоос доо тийм ээ хэхэ. За блогчид минь тэнд уулзацгаая.

Гэснээс гадуур байгаа томууны вирус урьд хожид байгаагүй онцгүй туучий байна лээ шүү. Эдгэнээ гэж гонж, ужиг ихтэй юм байна лээ. Ханиад томуунаас хол байх билээ. Хүүхдэд хүргэв ээ ялангуяа.

За тэгээд шинэ жил ойртож байгаа биш сэтгэл гэгэлзээд сайхан байнаа.

Ёстой гомдмоор

2010-10-08T21:49:00.000+08:00

Гэр бүлийн хоёртойгоо хүүхдийн паркаар алхсан чинь ёстой гомдох сэтгэл төрөөд болдоггүй. Урьд байсан талбайны 4-ны 1 дээр нь 13хан ширхэг тоглоом шамбааралдуулаад барьчихсан байх юм. Ирэх жилийн 6 сарын 1нд яаж чигцэлдэцгээх бол гэж бодохоор толгой гашилаад... Өмнө нь тийм том талбай дээр л багталцаж яддаг байсан санагдаад бүр болж өгдөггүй.

Тоглоомын талбайг ямар том томоор нь булаагаа вээ. Алсыг харагч ажиллаж байсан бол дээрээс харж зүрхээ зүсүүлье гэсэн боловч засвартай байлаа. Гомдмоор юм. Багадаа аавынхаа гараас хөтлөөд тэр том талбайгаар хөлөө чилтэлээ алхаж, шавайгаа ханатлаа тоглодог байж билээ. Тэр сайхан мэдрэмжийг миний хүү эдлэхгүй бололтой. Нэг захаас нөгөө зах хүртэл 15 минут л зарцуулах юм билээ бүр маш тайван алхаад шүү.

За за, юутай ч Pirate Ship гэдэг тоглоом нь тун дажгүй санагдсан. Бас үнэгүй хэдэн тоглоом барьсан байна лээ. Уул нь бол тиймэрхүү тоглоом цэцэрлэг болгоны талбайд л байх ёстой эд боловч манай улсын ганц паркад л байна. За яахав, удахгүй гоё болох биз. Гэтэл гоё болгох цагт нь газрын асуудал бүр хүнд болоод ирнээ. Бодохоос ч хэцүү юм. Хайран газар, хүүхдийн парк минь гэж

Аавуудын өдөрт

2010-08-06T16:07:00.000+08:00

Манай эрчүүд гэж бас их инээдтэй улсууд шүү. Бүсгүйчүүдэд зориулсан дэлгүүр, эмнэлэг, гоо сайхны газар гээд маш олон зүйл байхад эрчүүдэд зориулсан зүйл ганцхан эрүүлжүүлэх байна гэж ярьдаг. Гэтэл "Эрчүүдийн эрхийг хамгаалах холбоо" (яг нэрийг нь мартчижээ. ганц хоёр үгийн алдаа гаргасан байж магадгүй) -ны тэргүүн нь эмэгтэй хүн байдаг юм байна шдээ хэхэ. Өчигдөр мэдээгээр хараад татаж унатлаа инээв.

Нээрээ 8 сарын 8 -нд Аавуудын баярыг тэмдэглэдэг юм байна шдээ манайд. Аавуудад аавуудын баярын мэнд :)

Төрөх 12 янзын арга байдаг

2010-07-10T16:40:00.000+08:00

Төрнө гэдэг амар ажил биш л дээ. Дээр үед Монгол ээжүүд маань хонио хариулж явахдаа хээр талд төрчихдөг байсан мөн араг түшээд гэртээ төрдөг гэх мэт бас Вьетнам ээжүүд цагаан будаа тарьж байхдаа өвдөхөөр нь модны доор төрчихөөд шинэ хүнээ нуруундаа үүрээд тэр дороо буцаад цагаан будаагаа тариад явдаг гэсэн төсөөлөхөд бэрх төрөлтүүдийн талаар бишгүйдээ олон сонсож байлаа. Үнэн эсэхийг мэдэхгүй ч хэрэв тэгдэг бол тэр ээжүүдийн физилогийн байдлыг бишрээд баршгүй нь.

Харин одоо үед юм их амар болж. Мэдээж дээрхтэй харьцуулвал шүү дээ. Нет ухаад явж байтал 12 янзын аргаар шинэ хүнээ төрүүлж болдог талаар уншлаа. Цөөн хэд нь төрүүлэх арга боловч ихэнхи нь төрөлтөд туслах зүйлс шиг санагдлаа. Ингээд уншсанаа сонирхуулвал

Байгалийн төрөлт. Энэ төрөлтийг хүн бүр л мэдэх байх. Байгалиас яаж төрөх ёстой түүгээрээ төрөх.
Гэртээ төрөх. Манайд бол хөдөөд гэртээ төрчихдөг л байх. Харин хотод түргэн дуудаад амжаагүй тохиолдолд л гэртээ төрж балрах байхдаа. Харин гадаадын орнуудад хэрэгтэй бүх зүйлсээ бэлдээд гэртээ төрж болдог. Гэхдээ мэдээж эмчийн туслалцаа авна. Төрөлтийн үед ямар ч хүндрэл гарч болно.
Эм ууж төрөх. Хэрэв та өвчин мэдрэхийг хүсэхгүй бол өвчин намдаах эм ууж төрж болох юм. Гэхдээ өвчин намдаах эм уусан ч өвдөлтийг мэдэрдэг гэж нэг ээжээс сонссон юм байна.
Хийсвэрээр төрөх. Гадаадын орнуудад хийсвэрээр төрлөө гэхэд сорви бараг байдаггүй утас шиг нарийн судал үлддэг гэж сонссон. Харин манайд хийсвэрээр төрвөл аймшигтай том сорвитой үлдэнэ. Эмнэлэгт олон сорвитой ээж нарыг харж байлаа. Богино загвартай цамц өмсөнө гэвэл мөрөөдөл л гэсэн үг. Мөн нэгэнт хийсвэрээр төрсөн бол дахин өөрөө төрөх боломжгүй болдог ба хамгийн ихдээ 3 удаа хүүхэд төрүүлж болдог. Бас гэдсээ боож баадагнах боломжгүй. Учир нь оёо нь наалдац үүсгэнэ гээд хориотой. Тэгэхээр сул унжсан гэдэстэй үлдэх магадлал их. Тэгэхээр аль болох өөрөөрөө төрөхийг санал болгох байна. Ямар ч боломжгүй үед аргагүйн эрхэнд л хагалгаа хийж хүүхдийг гаргаж авдаг.
Усан төрөлт. Акаполипсо дээр гардаг шиг усан дотор хүүхдээ төрүүлэх нь байна. Ийм төрөлт сүүлийн үед их болсон гэж сонссон. Усан төрөлтийн бичлэг ч үзэж байлаа. Хүйг тасалтал дөнгөж төрсөн нярайг уснаас яарч гаргахгүй байсан. Аргагүй биз, угаасаа л гэдсэндээ усан дотор байдаг юм чинь.
Гипноз төрөлт. Амьдралдаа анх удаа л сонсож байна. Хэрэв та зүүдэндээ ямар нэгэн өвчин мэдрэхгүйгээр төрөхийг хүсвэл энэ аргыг сонгож болно гэж бичсэн байсан. Нарлаг сайхан өдөр далайн эрэг дээр биеэ шарангаа эсвэл блогдонгоо хүүхдээ төрүүлж болно гэвэл сайхан л байх. Гэхдээ мэдээж маш сайн ховсдогч мөн эмч байх шаардлагатай байх. Биед амар ч эрсдэл ихтэй л арга байна.
Хэвтээ бус байрлалаар төрөх. Манайд тийм ч содон сонсогдохгүй байх. Бидний ээж аавуудыг араг түшээд төрүүлж байсан болохоор. Хэвтээ бус байрлалаар хүүхэд төрүүлэх хэд хэдэн байрлал байдаг гэнэ.
Бариа заслын аргаар төрөх. Энэ нь төрөлтийн өвдөлтийг намдаах бариа хийхийг хэлнэ. Тэрнээс бариа засал хийсээр байгаад хүүхэд гаргаж авна гэсэн үг биш. Тэгэх ч боломжгүй.
Цэгэн бариа хийж төрөх. Тодорхой цэгүүд дээр дарж төрөлтийн өвдөлтийг намдааж шинэ хүнээ төрүүлэх бас нэг арга байна гэнээ.
Хөл массаж хийж төрөх. Тасартал өвдөж байхад нь тайвшруулж амраах зорилготой бололтой. Хийлгэвэл үр дүнтэй байж мэдэх л юм.
Эмийн ургамал ууж төрөх. Бас л өвдөлт намдааж тайвшруулах арга
Анхилуун үнэр дунд төрөх. Сэтгэл санаанд л нөлөөлөх эд юм даа. Дуртай үнэрээ үнэрлээд эсвэл тайвшруулах үнэртэй лаа асаагаад үнэрт нь өвдөлтөө бага зэрэг мартаж болох л юм. Гэхдээ манайд тэгэх бололцоо бараг байхгүй дээ. Эмнэлэгт лаагаа чирээд асаагаад явна гэж байхгүй. Өвдөж ядаж байхад лаа асаагаад төрөх орон дээр гарах болход нөгөө лаагаа бас бариад явна гэвэл хэдэн сувилагч нарт хяргуулах биздээ.

За ийм хэдэн арга байдаг юм байна. Бичлэгийн эхэнд бичсэн шиг төрнө гэдэг амар ажил биш ч гэсэн бүр хэцүү зүйл бас биш юм билээ шүү анхлан төрөгч ээжүүдээ.

Quiza маш муу продюсэр

2010-06-07T16:36:00.000+08:00

Quiza гээд реппер байдаг даа. Тэр бүсгүйчүүдтэй хамтран ажиллаж чаддаггүй гэдгээ дахин нотлох шиг боллоо. Сая 3 охин хамтлагын шинэ дуу "Дачах уу" гэдэг дууг сонслоо, клипийг нь үзлээ. (соёлоос их хоцрогдсоон. сая л сонслоо) Тэгсэн инээд хүрээд тээр нэг жил Сэрчмаагаар сайхан тоглоогүй юу гэж бодогдлоо. Сэрчмаа ч гэж Сэрчмаа. Нэг их хачин дууг нь дуулж, модон хөдөлгөөнөөр бүжиглэж энэ тэр... Олон хүний амны зугаа болоогүй юу. Нэг л их стилээ өөрчилсөн бүсгүй пээдгэр гэгч нь шууд нэвтрүүлэгт орж байсан чинь настай эгч эфирт холбогдоод "Миний охин бүжиглэж чадахгүй бол өөр хүн клипэндээ тоглуулахгүй дээ. Их модон хөдөлгөөнтэй харагдаж байсан" гэж хулхийг нь буулгаж билээ. Би ч сайхан инээж авсан даа.

Ай хөө, зэ хөө энэ удаад 3 охин. Дуу нь ч яахав гайгүй юм. Харин тэр клип нь ээ хэхэ. Тэр өгзөгийг гаргах хэрэггүй л байсан юм. Өгзөг гаргахыг хүссэн бол сайхан өгзөгтэй бүжинчин хөлсөлж болох л байсан шүү дээ.

Quiza минь ээ, бүсгүйчүүдийн бааданг нь чангалж олны амны зугаа болгохоо больчихийчэээ больчихийч.

Чингис хаан өвөө дээрээ очмоор байна

2010-06-04T15:44:00.000+08:00

Хүүхдүүд гэдэг ёстой хөөрхөн золигнууд шүү. 3, 5н настай 2 дүү маань цэцэрлэг хаагдсан гээд өдөрт манайд байгаа. Дэрсхэн хоёр болохоор бие биенээ саатуулаад амар юм. Тэгсэн өнөөдөр гэнэт нэг нь ингэж байна "Чингис хаан өвөө дээрээ очмоор байна". Би гайхаад юу билээ гэж хэсэг гайхлаа. Тэгээд "Ямар өвөө?" гэхэд "Дээр би дүүтэйгээ Чингис хаан өвөө дээр очоод, тэгээд гоё хоол идсэн" гэлээ. Тэгсэн тэр нь өвөл Цончинболдог яваад Темка өвөөгийн морин дээр гараад, хооллочихоод ирсэнийгээ хэлж л дээ.

Ингэж хөөрхөн юм ярихыг нь мэдсэн бол анхнаасаа "Энэ хөшөө бол Темка өвөөгийн хөшөө" гээд заагаад өгчихдөг байж. Тэгсэн бол "Темка өвөө дээрээ очмоор байна" гэж хайр хүргэхгүй юу хэхэхэ.

Эрэгтэй хүний нүцгэн үнэн

2010-04-15T12:45:00.000+08:00

Артгаа ах маань эмэгтэй хүний нүцгэн үнэнийг бичюү гээд бичиж. Тэгвэл би эрэгтэй хүний нүцгэн үнэнийг бичихээр шийдлээ. Анх их эзэн гээд байдаг бурхан дэлхийг 7 хоногийн дотор бүтээсэн үеэс эхлээд үүх түүхийг нь бичье.

Хонь хурганууд минь гээд биднийг нэрлээд байдаг Их эзэн, Христ хэн ч билээ нөгөө айхтар бурхан маань хүнийг буюу Адамыг дэлхийг бүтээж эхлээд 6 дахь өдөр нь бий болгожээ. Бүхнийг захируулах гэж. Тэгээд бүх амьтад хосоороо байж үр төлөө үлдээдэг атал Адам хүүг яаж гарцаар байлгахав гээд нэгэн сайхан бүсгүйг түүний эхнэр болгон бүтээж. Түүний нэрийг Лилит гэнэ. (за дуугүй бай, тэр Ева чинь 2 дахь нь)

Үнэхээрийн сайхан бүсгүй бүтээгээд Адамд богтолж өгсөн байтал тэр Адам гээч нөхөр үнэхээр “доожоогүй” нэгэн байсан байгаа юм. Эр хүний анхных нь шүү дээ. Дэлхийн анхны эр хүн. Адам арчаатай нэгэн байсан бол Лилиттэйгээ сайхан амьдраад, бүх зүйл одоо байгаагаас өөр болж болох л байсан. Гэтэл Лилитэд Адам дутуу санагдаад ирэх нь тэр. Аргагүй шүү дээ. Хэрэв дэлхийн цор ганц эр хүн болох Адам ямар нэг зүйлээрээ Лилиттэй тохирохгүй бол өөр юм хүсэж эхлэх нь тодорхой биздээ.

Тэгээд Лилит маань сахиусан тэнгэртэй болзож эхлэх нь тэр. Яахын бэ, өөр арга байхгүй байна шдээ. Адам гэж нэг арчаагүй хог, тэгтэл өөр эрэгтэй хүн байдаггүй. Тэгэхээр тэнгэрийн элч л үлдэж таарнаа? За ингээд Адамын тархийг базаад эхэлтэл нөгөө бурхан гээч нь өнөөдрийн энэ цагт эхнэр нөхөр 2 хэрэлдэхэд эхнэрүүд “Яс юман дээрээ тэр Адам чинь арчаагүй л новш байсан шдээ” гэж ганц үг хэлээд эрэгтэй хүний нэр нүүрийг бааснаас ч долоон дор юмтай хутгаж хаяуулахгүйн тулд нэг арга сэдсэн нь шулам, чөтгөр, эмэгтэй хүний дүрд хувилсан Сатан зэрэг байлаа.

Ингээд үзэсгэлэн төгс, ухаан билэг хурц Лилит маань шуламс болж хувирах нь тэр. Тэгэхээр нөгөө харанхуйн гүн, өөр юу ч байдаг юм тэр тамын газар луу нь цөлж таарнаа хөөрхийг. Тэгээд бас салхийг эзэгнэж түүгээр өвчин, уй гашууг бүгдэд тараадаг гээд улам жигшүүлнэ. Ер нь хэн зүгээр сууж байгаад хэлмэгдэхдээ дуртай байхав. Уурлана, хорсоно. Ингээд Лилит маань өшөөгөө авах гэж Адамд өс санана. Тэгээд салхиар Адамыг чадах гэж вирус, нян юу ч байдаг юм тарааж л дээ. Тэрийг хэдэн зуун жилийн техник технологи, шинжлэх ухаан хөгжсөн одоо цагт биш бүүр навчнаас өөр биеэ халхлах зүйлгүй байсан тэр үед сэдэж олсон байна гэхээр агуу байгаа биз?

Ингээд л шуламс, ад зэтгэр гэдэг зүйл үүсэх нь тэр. Тэгээд дараа дараачийн хүмүүс бий болж эхлэхэд багаас нь хар ПиАр хийгээд эхлэхээр угаасаа бүгд жигших нь тодорхой байлаа.

Одоо нөгөө Адам хүү ганцаараа үлдсэн. Тэгэхээр бас нэг эхнэр бүтээх хэрэгтэй болно. Бурхан тэнэг биш болохоороо бодноо доо. “За, ижил хэмжээнд эмэгтэй хүнийг бүтээж болохгүй юм байна. Одоо тэгвэл Адамыг хавиргаар хамаагүй ухаан муутай нэгнийг бүтээе” гээд Адамын хавиргаар өөр нэгэн эмэгтэй хүнийг бүтээсэн нь Ева байжээ. Тэгтэл Артга ах бичиж “ Адам зүгээр мөрөөрөө суужаахад, Ева л гүйж очиж тэр алимыг идсэн биз дээ тээ” гэж. Аргагүй шдээ, Адам шиг арчаагүй гарын хавиргаар бүтээгдсэн хүнд ямар юмных нь ухаан билэг гэж юм байх билээ. Гоё алим харагдсан л биз, тэрийг нь идээ л биз. Өөрөө тэнэг хүн бүтээж түүгээрээ Адам хүүгийн эхнэр хийчихээд албатай юм шиг хоёуланг нь тэр сайхан ойгоосоо хөөж байгаа юм.

Адам ч гэж Адам. Өөрийнх нь хавиргаар бүтээгдсэн хүний үгэнд ороод бас алим идэж л байдаг. Дурак шүү нээрээ. Идэх мөрөөрөө ганцаараа ид, би өөр эхнэр хийлгүүлчихнэ гээд хэлчихэж чадаагүй л байгаа юм. Еватайгаа таарсан Адам. Эцсийн эцэст дэлхийн анхны эр хүний ухаан гэж ийм л байсан байгаа юм.

Бас та нар мэдэх үү? Есүс гээч нөхөр бас ноотой нэгэн байсан талаар. Есүсийн толгой дээр түүний эхнэр байж тэр бүх шашин ухуулгын гол эзэн нь эхнэр байсан гэдгийг. Да Винчи кодыг үзээрэй. Тэр Есүсийн эхнэр яг Лилитийн охин байсан байх. Би тэгж боддог юм. Тэгээд Есүсийн тархийг базаад эхлэхээр бас л шуламс, ад зэтгэр гээд хомроголон устгал хийгээд л. Дэмий л байхгүй юу.

За ингээд дэлхийн анхны эр хүний нүцгэн үнэнийг бичихэд ийм байна. Тэгээд мөрөөрөө блогдоод сууж байхад жендерийн асуудал хөндөж хачин хачин юм бичиж гэдэн годон хөдөлгөхөөр яаж зүгээр суухав. Мөрөөрөө л байгаарай зүгээр гээд хэлчихье.

Гишүүдийн утас

2010-03-30T17:07:00.002+08:00

Мессенжерээр заримдаа их дажгүй дажгүй спамууд ирдэг шүү. Тэдний нэг нь энэ болой.

Монгол улсын Ерөнхийлөгч Цахиагийн Элбэгдорж 99112934, 91116565
Монгол улсын Ерөнхий сайд Сүхбаатарын Батболд 99118779
Тэргүүн шадар сайд Н.Алтанхуяг 99114169
Шадар сайд М.Энхболд 99115451
Монгол Улсын Их Хурлын дарга Д.Дэмбэрэл 99113703
УИХ-ын дэд дарга Г.Батхүү 99114403
УИХ-ын дэд дарга Н.Энхболд 99117220, 92007220
УИХ-ын гишүүн З.Алтай 99118563
УИХ-ын гишүүн П.Алтангэрэл 99582211, 99112533
УИХ-ын гишүүн Р.Амаржаргал 99119387
УИХ-ын гишүүн Д.Арвин 99119791
УИХ-ын гишүүн Х.Бадамсүрэн 99112292 1,5 sayaa avtsgaayaa

70 мянгаараа юу хийх вэ?

2010-03-24T16:01:00.003+08:00

Одоо 4 сарын 1-ээс эхлээд 70 мянган төгрөгийг бүх хүнд олгоно гээд байгаа даа. Арай ч 4 сарын нэгээн гээд маасайгаад сууж байхгүй биз. За юутай ч өгнө. Очерлоод, алалцаад авсан болдог л байх даа хүн юм зүгээр өгөөд байхад.

Авчихлаа гэхэд түүгээрээ юу хийх вэ гэсэн асуудал гарч ирнэ. Асуудлыг нарийн авч үзнээ гэдэг шиг нарийн авч үзвэл олон хүн сайхан ууж идээд дуусгах байх гэж би бодоод байгаа юм.

Харин би бол эмч нартаа авлига өгнө тэр мөнгөөр нь. Нөхөр бид хоёр нийлээд 140 мянган төгрөг авна. Түүний 50 хувийг эх барьсан эмчид үлдсэн мөнгийг сувилагч нарт хуваагаад авлиганд өгнө. Тэгэнгүүт нөгөө үнэгүй эх барих, сувилах ёстой хүмүүс маань голноо аягүй бол. Тэгвэл одоо нэмээд л өгдөг байх даа.

Уул нь жирэмсэн хүн төрөх үйлчилгээг үнэгүй авах ёстой ч миний мэдэхийн сүүлийн 8 жил авлигын мөнгө өгөхгүй бол хохино болдог болсон хорвоо. Төрж байсан хүмүүсээс сонсох нь ээ 1 эмч эх барьж, 3 -4 сувилагч асардаг юм шиг байгаа юм. Тэгэхээр нөгөө моньднууд маань чамлахгүй л бол авлиганы мөнгөний асуудал шийдэгдчихэж байгаа юм. Гэхдээ ингээд ганц авилга өгөөд л эрүүл саруул сайхан төрчихдөг бол сайхнаа.

Гэтэл одоо авлига өгөөд ч эрүүл саруул төрөх нь эрсдэлтэй болчихоод байгаа. Ид зуны эхэн сараар төрдөг. Хүйн халдвар гээч юм дахиад гарчихвал халуунаар бүүр заваарсан юм болох нь ээ. За тэр халдвар нь намжсан, 4 хүүхдийн амиар ухаан сэхэл аваад арга хэмжээ авагдсан гэхэд нэг өрөөнд 3-5 эх зэрэг дуу дуугаа авалцан төрдөг гэж сонслоо. Тэгэхээр би гэж нэг цэмбэгэнэсэн хүн яаж ч цэмбэгэнээд нөхцөл байдаг тэгж таарч байгаа болохоор нөгөө 2-4 хүнээс ямар нэгэн халдвар авахгүй гэсэн магадлал байхгүй болж байгаа юм. За тэгээд яг төрөхөө дөхөөд ирэхээр Шрекийн муурны нүд гаргаад хэдэн эмч нараа бараадаад нэг өрөөнд 10 өөр ээжтэй ч байтугай хамт 2 яс салвал боллоо гээд уйлан дуугараад сууж байх биз.

Ээдээ, цаг цөвүүн болно гэж ийм л байдаг байхдаа. Эмч нар нь үүргээ ухамсарласан, элдэв далд ноцтой асуудалгүй шинэ төрөх эмнэлэгтэй болдог ч болоосой. Энэ их 70 мянгаараа ядаж ганц ч болтугай төрөх эмнэлэг барьсан бол аштай юу даа.

Айдсаа хуваалцсан: Жирийн нэг жирэмсэн эх

Юм бүхэн учиртай

2010-03-19T19:11:00.002+08:00

Нэг чулууны мэргэжилтэн ах манайд цагаар ажиллаж байгаа юм. Тэр ах чулууны талаар маш сайн мэдлэгтэй боловч зогсож өгдөггүй чалчаа хүн. Гэхдээ хааяа тун сонирхолтой зүйл ярьна.

Жишээ нь хөөрөг: Хөөрөг хэдий Монголд үүссэн түүхгүй ч (Жунхаа л юм билээ) Монголчуудын хэрэглээний нэг чухал зүйл юм. Монголчууд хөөргийг харилцааны зэвсэг болгож сурсан байгаа юм. Хэрэв хэн нэгэн уй гашуу болсон айлд очоод тамхилвал хөөргийг нь буцааж өгөхдөө толгойг нь их чангалж өгдөг. Энэ нь сэтгэлээ чанга бариарай гэсэн санааг илтгэдэг гэх мэт. Нээрээ бодох нь ээ хөөргөөр дамжуулж хоорондоо нарийн ширийн нууц яриаг илээр ярилцаж болдог юм шиг.

Үүнтэй адилхан найранд дуулдаг дуу болгон учиртай. Эртнээс манайхан найрлахдаа нанчилдаантай юутай ийтэй нь баярладаг байсан байгаа юм. Одоо ч тэгдэг. Харин найрын дугарааны нэг зорилго нь жавар үргээхдээ ч биш аж. “Уул нь би танайд агсам тавих гэж ирсэн юм. Уртын дуунд чинь харин уяраад гарлаа” гээд үг байдаг даа. Юм бүхэн учиртай юмаа хүү минь гэж.

Харин одоо бид нар олон зүйлийг их бодлогогүй хийдэг болж. Сүүлийн үеийн жишээ гэвэл сая эмэгтэйчүүдийн эрхийг хамгаалах өдөр болсон доо. Тэр баяраар хэсэг найзууд гитар тоглонгоо дуу дуулж өгөв. “За бүсгүйчүүддээ зориулаад дуулъя” гээд нэг дуу эхлүүлэв ээ. Тэгснээ эхнэрүүддээ зориулж ингэж дуулж байгаа юм: “3 жил үнэнч хүлээсэнсэн Хуриман дээр минь ирнэ гэж санасангүй Гомдолтой нүдээр намайг ширтэнэ ...”. Эхнэртээ зориулж дуулав уу эксдээ зориулж дуулав уу? Энэ их ноцтой асуулт аа.

Би хэдий “Хар торгон хамжаар” гэдэг дуунд дуртай ч хуриман дээрээ дуулвал ёстой нөхөр болж байгаа хүнээ хийж байгаа хэрэг болноо доо. “Хаяад явахыг чинь мэдсэн бол Хайран чиг оёоод өгсөн 10 хуруу минь дээ” гээд л. Хуриман дээрээ эксээ санаад дуулж байгаа болно биздээ энэ чинь? Эсвэл хэн нэгний хуриман дээр дуулвал нөгөө хуримлагч залууд хайртай байсан байж таарах нь. Сүйт бүсгүй ч учрыг ухаж ойлгодог хүн бол залуугынхаа мангай дундуур нь дэлсээд авах нь ээ?

Залуучууд аа, аливаа юмыг учиртайхан хийж байяа үүнээс хойш.

Эрчүүдийн үү, бүсгүйчүүдийн үү?

2010-03-09T18:03:00.001+08:00

Мартын 8 гэдэг уул нь цалингаа нэмүүлэх гэсэн эмэгтэйчүүдийн тэмцлийн өдөр байж л дээ. Эрхээ хамгаалж хэсэг бүлэг бүсгүйчүүд тэмцээд бодвол хамгаалж чадсан болоод л одоо баяр болтолоо өргөжөө байлгүй.

Тэгсэн өчигдрийн байдлаар миний анзаарсанаар бол эрчүүдийн эрхээ хамгаалах өдөр ч юм уу, эрчүүдийн баяр шиг л боллоо. Хаа сайгүй л тасарч унасан эрэгтэй хүмүүс, эсвэл эхнэр, найз бүсгүйгээ баярлуулж байна гээд согттолоо уусан нөхөр, найз залуусыг л харах шив.

Эсвэл бэлэг сэлт авч өгсөн юм чинь үлдсэн мөнгөө өөртөө зарцуулна гэж бодоод тасартлаа уудаг юм болов уу энэ залуус хэхэ. Бүсгүйчүүд нь 3 сарын 18нд Халх голыг чөлөөлж байхад эмэгтэйчүүд л гол үүргийг гүйцэтгэж байлаа. Бид цэрэг эрсээс ялгаа юу байхав, тэднийг чинь төрүүлдэг нь гээд наргиж цэнгээд унавал яах болдоо хөөрхий.

Мартын 8

2010-03-07T15:55:00.000+08:00

Цагаан сарын дараа Мартын 8. Олон улсын эмэгтэйчүүдийн баяртаа биш ээжийн төрсөн өдөртөө гол утга учир нь байдаг юм. Ямар их дарамт вэ (ккк), яг цагаан сарын дараа болдог. Дараа жилээс хүссэн юмыг нь авч өгөх бүүр илүү мөнгө бэлдэхээс дээ.

Блогчин бүсгүйчүүддээ, блогчин ээж нартаа баярын мэнд.

Орчин үеийн монголын уран зураачдын бүтээлүүд

2010-01-12T18:02:00.000+08:00

Би уран зургийн талаар сайн мэдлэггүй, бас тийм сайн ойлгодоггүй ч гэсэн алтны дэргэдэх гууль шарладгын үлгэрээр бага сага гадарлахтайгаа болоод байгаа.

Ингээд өөрийн мэдэх, сайн гэж бодсон зураачдын бүтээлийг та бүхэнд толилуулъя гэж бодлоо. Эдгээр зураачид монголын орчин үеийн уран зургийн томоохон төлөөлөл болсон төдийгүй, гадаадын олон оронд үзэсгэлэнгээ гаргаж, олон улсын Art Fair-уудад байнга амжилттай оролцдог зураачид юм.

1. Цэрэннадмидын Цэгмид.

Цэгмид гуайн зургууд их таалагддаг юм. Гэтэл саяхан 25-р сувгаар гардаг “Би” нэвтрүүлгээр “Төрийн соёрхолт зураач” гэсэн тодотголтойгоор гарч байна. Бурхан минь, тийм байлгүй дээ. Үнэхээр сайн бас содон бүтээлүүдтэй. Гэхдээ ямар бүтээлээрээ Төрийн соёрхолт авсан талаар мэдэхгүй л байна. Би буруу ойлгоогүй бол Төрийн соёрхолт гэсэн шагналыг бүтээлээр олгодог байхаа?

2. Цэенцогзолын Батжаргал

Эхний зургийг нэгэн олон улсын үзэсгэлэн дээр маш үнэтэй зарсан. Надад ч бас их таалагддаг юм. Эмэгтэй хүний гоо үзэмжит бие гээд л бүх л зүйл.

Үргэлжлэл бий...

Эх сурвалж: http://mongolianartgallery.com/

Соёлч зан хэрэгтэй юу?

2010-01-07T12:26:00.002+08:00

Өчигдөр Аватар кино үзсэн юм. Киноны тухай биш өөр зүйлийн тухай бичих гээд мунгинаж сууна. Кино эхлээд 35 минут болж байхад уварч, цуварсан хүмүүс урдуур хойгуур гүйгээд тун их үймүүлэв ээ цагтаа ирсэн хүмүүсийг. Ер нь байнга л давтагддаг зүйл. Гэтэл өчигдөр бүүр 35 минутын турш хөмсөг зангидуулахаар нь хэл ам загатнаад бичмээр санагдаад тэвчсэнгүй.

Намайг оюутан байхад магистр багшийг 15 минут, доктор багшийг 30 минут хүлээдэг гэдэг байсан. Гэтэл манай монголчууд бүгдээрээ доктор, професоруудаас илүү давуу эрхтэй байна гэдэг бүх талаараа арай худлаа санагдах юм.

Хотын гэгддэг залуус нэг л их хөдөөний гэх тодотголтой хүмүүсийг элдэвээр хэлээд байдаг. Яг ингээд ярьвал тэр хөдөөний гэх хүмүүс чинь үзвэр үйлчилгээнд яг цагтаа ирдэг юм шүү дээ. Магадгүй хөөрч догдлосондоо тэгдэг байх. Гэхдээ л цагаа барьсан л бол болоо. Тэгэхээр айхтар хотын залуус минь та нар тэр дорд хэлээд байдаг хүмүүсээсээ бүр дор болж таарах нь ээ?

Гэхдээ энэ байдалд хэн буруутай юм бол? Миний кино үзсэн танхим 11 эгнээтэй, эгнээ бүр 26 суудалтай байсан. Хэнхэгтээ тоолоогүй, билет захиалж байхдаа мэдсэн юм. Гэтэл хоцорч ирсэн гучаад хүнээс болж цагаа барьсан 200-аад хүний эрх ашиг яагаад алдагдах ёстой юм бол бүү мэд. Тэр үзвэр үйлчилгээний газрууд 15 минут хоцорсон бол хаалгаа бариад “Уучлаарай, та 15 минутаас илүү хоцорсон байна. Оруулахгүй ээ” гээд хэлж болдоггүй л юм байх даа. Өөдөөс нь олон юм жон жон гэвэл “Таны эрх ашиг энд суугаа хэдэн зуун хүнийхээс илүү биш шүү дээ” гээд найрсагаар ёожловол болох юм шиг.

Эсвэл яршиг бүгдээрээ Жавхлантай адилхан зоогийн газар, үдэшлэг, хүлээн авалтанд халбага сэрээ хэрэглэхгүйгээр улаан гараараа хоол идээд, үзвэр үйлчилгээнд 1 цагаар ч болов хоцроод ирж байя. Үхэр монголчууд гэдэг шиг.

Вэб хуудас ачаалахад дуу, хөгжим дуугарах нь бүдүүлэг

2009-12-24T14:29:00.001+08:00

Анх блогууд ямар нэгэн дуу, хөгжим дуугаргадаг widget –тэй болж байхад тоодоггүй л байлаа. Одоо гэтэл бүх блогууд, бүр маш олон сайтууд дуу, хөгжим, видео дуугаргадаг болж. Олон хуудас ачаалаад эхнээс нь уншаад эхлэх гэж байтал гэнэт л баахан хөгжим холилдоод л, давхралдаад л сонсогдох тийм ч сайхан биш. Тэгээд ч тухайн хүний, тухайн үед ямар хөгжим сонсохыг хүсч байгааг мэдэхгүй байж ингэх нь бүдүүлэг юм шиг. Нөгөө талаас өөрийн сонсох дуртай дууг бусдад тулган шаардаж сонсуулж байгаатай ялгаагүй зүйл.

Ядах нь ээ намуухан аятай цочоож сандаргахгүй аяз байвал болох юм шиг. Гэтэл бөмбөр нүдэлтийн хүнд чанга чимээ, гэнэт цочоосон дуунууд нь үнэхээр дарамттай.

Дээхнэ би яаж ч яваад билээ нэг сайтыг ачаалчихаад компютерээс холдоод арваад минут болж байлаа. Гэтэл гэнэт нэг жаахан охин хашгирах нь тэр. Ганцаараа оффис дээрээ байсан хүн үнхэлцэгээ хагартал айв. Чимээ гарч байгаа зүг рүү эргээд хартал нөгөө ачаалаад орхисон хуудас дээр нэг жаахан охин амаа дараад инээж байгаа флаш анимашн байдаг байгаа. Ямар дэггүй хүн нь тийм юм хийдэг байнаа.

Энэ мэт жишээнүүд их л байна. Хэрэв блог, бэв хуудас дээрээ дуу ачаалахыг үнэхээр хүсэж байгаа бол тухайн блогд нэвтэрсэн хүн өөрөө Play товч дарж эхлүүлдэг байвал зүгээр юм шиг.

Босс хүн байх ёстой чухал шинж

2009-12-18T12:09:00.000+08:00

Яг одоогоор ийм дүгнэлтэнд хүрээд байна би.

Босс хүн ажилтандаа даалгасан ажлаа дүгнэхдээ өөрийн хий гэсэн very long list буюу маш урт хийх ёстой зүйлийн дараалал гаргаад түүнийг нь ягштал даган хийсэн байвал заавал нэг өө гаргаж нэмж засах юм өгөх. Хамгийн гол нь заавал нэг өө гаргах. Энэ хэсэг зайлшгүй байх хэрэгтэй.

Магадгүй ингэх нь босс хүний нэг кайф авах арга байх.

Кино урлагийг хайрладаг минь ааваас маань үүдэлтэй

2009-12-07T15:44:00.007+08:00

Monkey.mn сайтнаас зохион байгуулж буй Сэтгэлд хоногшсон кино уралдаанд явуулж буй нийтлэл.

Насан багын балчир байхад аав бид 2 хуучин муу хар зурагтынхаа урд зэрэгцэж суучихаад тухайн үед гардаг байсан ганц орос суваг болох ОРТ-оор Ну Погади үздэг байсан сан. Хүсэхэд хясаж байна уу гэдэгчилэн хааяа зурагт жирэлзэхэд аав минь босоод “Өө муу хог чинь” гээд магнай дээрээс нь дэлсээд авдаг байж билээ. Кино урлагийг донтон сонирхох болсон нь энэ үеэс эхлэж дээ. Дараа нь Чебарушка, Ерелаш гээд л хүүхэд насны сайхан дурсамжууд тэдгээр бүтээлүүдтэй нягт хоногшин үлдэж дээ.

10 настай байхдаа өөртэйгөө үе тэнгийн нэгэн жаалын кино театрт кино үзэхийн тулд талхны мөнгөөрөө тасалбар аваад ээждээ зодуулдаг тухай кино үзэв. Тэр киног үзээд яг л өөрийгөө харж байгаа мэт санагдаад явчих нь тэр. Арай ч талхны мөнгөөрөө кино үзчихдэггүй байсан ч кино үзэхийн төлөө нойр хоолоо хугаслаад ээждээ зодуулахаас наагуур болдог байсан юм даг. Cinema Paradiso киног үзсэнээс хойш кино найруулагч болохыг хүсэх болж орой унтахаар хэвтэхдээ үзсэн киноныхоо нэгэн баатар болон мөрөөдөж, хэрэвээ би найруулагч байсан бол гээд бодлын далайд умбан шумбасаар үүрийн гэгээ орж байхад сая нэг унтдаг байж билээ. Ингээд би найруулагч болох түмэн хүсэл дунд өсвөр насаа өнгөрөөсөн билээ. Энэ хүсэл нь “Диваанжингийн кино театр”-аас л үүдэлтэй.

Амьдрал саад тотгор, уйтгар гуниг, аз жаргал ээлжлэн байдаг. Тэр нэгэн өдөр аав минь тэнгэрийн орныг зорин одсон билээ. Хамтдаа суугаад хүүхдийн, хүүхэлдэйн кино гэж гололгүй зэрэгцэж суугаад үздэг байсан аав минь байхгүй болж сэтгэлд хоосон орон зай үлдэхэд намайг нэгэн кино аварч байсан юм. Тэр бол Life is Beautiful. Амьдрах сайхан, аавтай байх бүүр сайхан гэдгийг энэ киноноос мэдрээд Жошуагын аавыг харах бүрдээ “Миний аав ч ийм сайхан хүн байсан даа. Дандаа инээж, надад дандаа сайхан бүхнийг мэдрүүлдэг байж дээ” гэж бодон хаа нэгтэйгээс харж л байгаа гэсэн гэнэн цайлган, сайхан сэтгэлээр яваад өгсөн аавынхаа хувь тавилантай эвлэрч билээ.

Өсвөр нас минь ид дундаа өрнөж анхны шохоорхолтой учрав. Жаахан хүүхэд хайр гэж юу байдаг талаар хэрхэн мэдэх билээ. Харин тэр үед Roman Holiday, Singing In the Rain киног үзэж хайрын сайхныг мэдэрч, анхны хайртайгаа учрахыг хүсдэг болж билээ. Дараа нь Сибирийн үсчин киног үзээд шөнөжин цурхиртал уйлж, 7 хоног зүрхэндээ хүнд чулуу тээн явсан нь тод санагдана. Хайр сайхан, хамтдаа байхдаа жаргалтай, харин хагацахдаа уйтай, гашуун, магадгүй харгис хэрцгий. Гэхдээ хайр байгаа цагт амьдрал үргэлж байдаг гэж энэ киноноос л ойлгосон доо.

XXI зууны Дэлхийн түүхэнд томоор бичигдэх нэгэн гамшигт үйл явдал болсон нь 9 сарын 11 байлаа. Тэр өдөр хичээлээсээ ирэхэд ах, ээж 2 зурагтны урдаас салахгүй, намайг ирсэнийг ч огт тоохгүй байсан. Удалгүй АНУ, Ирактай дайн зарлаж байсныг та сайн мэдэх биз. Энэ явдлаас удалгүй би Steven Spielberg-ийн “Шиндлерийн бүртгэл”-ийг үзэж билээ. Хүмүүс яагаад дайныг хүсдэг юм бол? Дайнд олон мянган ард иргэд, олон мянган аав, хүү, хайрт залуу, хань нөхөр нь үрэгддэгийг мэдсээр байж яагаад тэмүүлдэг юм бол? Энэ бүх асуултууд миний бодолд ар араасаа цуварсаар, дайны хор уршигыг Шиндлерийн бүртгэлээс мэдэрсээр. Хэдэн өдөр бодол болж, ганц дайны тухай л бодож байсан сан. Тэр үе өчигдөрхөн мэт тод санагдана.

Удалгүй нас минь 16 хүрч хүний мөс, хүн чанарыг ойлгох хэрэгтэйг шаардах ч шиг. Яг энэ үед би Акира Куросовагын “Рашимон” киног үзэж билээ. Хүн чанар, хүний мөс, хүмүүний бодит байдал, үнэн, худал, гэм, зэм. Энэ бүхнийг Рашимон киноноос хангалттай сайн ойлгож амьдрал харагдаж байгаа шигээ байдаггүй гэдгийг ухаарч байсан юм. Хүүхдийн гэхэд арай томхон ч цэвэрхэн цагаан цаасан дээр томоос томоор “Амьдрал үнэн, худлаас бүрдэнэ. Харин түүнийг ялгах амаргүй” гээд биччихсэн. Түүнтэй эвлэрхэд анхандаа тийм амар байгаагүй ээ.

10-р ангиа төгсдөг жил хамгийн сайн найз минь найз залуугаасаа болоод харуй бүрий болсон байхад манайд уйлаад ирж билээ. Тухайн үед найзыгаа тайтгаруулах сайхан үгс байхгүй, гагцхүү түүнд мэдрүүлэх хэрэгтэй гэсэндээ би Love Actually киног үзүүлсэн юм. Найз маань тэр киног үзээд битүүхэн санаа алдаж, бяцхан инээмсэглэчихээд дахин уйлахгүй унтаад өгч билээ. Харин дараа нь би найзтайгаа адил шалтгаанаар, бүүр дараа нь жинхэн хайртайгаа учирчихаад “Жинхэн хайр”-ыг өгүүдэг энэ киног үзээд сэтгэл тайвширч, тухтайхан унтдаг болсон сон. Одоо удахгүй Зул сарын баяр болно. Харин Зул сарын баяраар хайртай ханьтайгаа энэ киног зэрэгцээд үзнэ гэдэгтээ итгэлтэй байна. Хайр байгаа цагт амьдрал хэвлийд бойжино.

Эцэст нь амьдралын минь чухал хором бүхэн кино урлагын нандин бүтээлүүдтэй яагаад ч юм давхцаж байсан нь хачирхалтай.

Юун ... бүүр хүүхэлдэйн баатартай шүү

2009-11-25T16:57:00.000+08:00

Сая Monkey.mn-ээс энэ бичлэгийг уншлаа л даа. Нэг Япон залуу хүүхэлдэйн киноны баатар эмэгтэйтэй гэрлэлтээ баталгаажуулж гэнээ. Уншаад үнэндээ огт итгэсэн ч үгүй. Хуулийн баталгаа, зөвшөөрөл гэх мэт нь яаж ч бүрдэж болдог юм бүү мэд. За тэр яахав, тэр тэгээд зүүдэндээ ч болов гэрлэж гэж бодъё. Тэгсэн програмистууд эхнээсээ яагаад байж болохгүй гэж гээд эхэллээ шүү бурхан минь.

Юун гомо, лесби тэд нар чинь хүнд дурладаг. Тэгвэл бүүр хүүхэлдэйн киноны баатартай гэрлээд эхэллээ дээ хэхэ.

Нэртэйгээр нь Firefox-ийн галт үнэгтэй, Yahoo Messenger-ийн хэлээ гаргаж байгаа смайлитай, UNIX-ийн пэнгвинтэй гэрлээч хөө хэхэ. Итгэхэд бэрх зүйл их ч болох юм даа хорвоо дэлхий дээр.

Жич: Програмист бүхэн тийм тэнэг компютерийн донтой байдаггүй юм шүү бурхан минь.

Хөгжилтэй орнуудын боловсролдоо хийдэг хөрөнгө оруулалтын нэг жишээ

2009-11-17T10:42:00.000+08:00

Сая Twitter-ээ үзээд байж байтал их сургуульд хамт сурч байгаад Япон явсан найз ингэж хэлсэн байна.

Хөгжилтэй орнууд их сургуулиудад асар их мөнгө цацах юм. Ямар ч профессор улсаас мөнгө гаргуулаад судалгаа хийх боломжтой. Ямар сайндаа л би багшдаа "Дараа жил төгсөлтийн ажлаа iPhone дээр хиймээр байна" гэхэд "Тэгвэл би чамд iPhone, iMac 2 авч өгье" гэхэв дээ.

Удахгүй манайх ийм болох байх аа гэж ерөөе дөө.

Халтираа гулгаатай үед такси барьвал илүү мөнгө төлнө

2009-11-12T13:02:00.000+08:00

Манай ажлаас гэр хүртэл, гэрээс ажил хүртэл тогтмол 1300 төгрөг гардаг боловч надаас бүгд 1500 төгрөг нэхдэг. Тэгээд өдөрт би 3000 төгрөгийг таксинд зарцуулдаг билээ.

Тэгсэн өглөөний сайхан цаснаар цээж дүүрэн амьсгалаад такси бариад ажилдаа иртэл 1800 төгрөг нэхэж уурыг минь хүргэв. 300 төгрөгөнд сүртэй юм гэж магадгүй л байх. Гэхдээ л мөнгө шүү дээ. Тэгээд 1500 гардаг учраа хэлтэл өөдөөс гэмгүй царай гарган "Гулгаа ихтэй байгаа болохоор илүү км заасан юм байлгүй" гэв. Учир мэдэхгүй, хужир тунгаадаггүй жолооч биш би бээр ихэд гайхаад 1500 төгрөгөө өгөөд жуумалзан таксинаас бууж ажилдаа орсоныхоо дараа жолооч болсон залуугаас асуутал халтиргаа гултгаатай үед машины урд талын дугуй хий эргээд км их гардаг гэнэ шүү. Үнэхээр л тэгдэг юм байлгүй. Жолооч биш хүн яаж мэдхэв. Дараа нь халтиргаатай үед такси бариад илүү мөнгө нэхвэл хөмсөг зангидхаасаа өмнө учрыг тунгаах хэрэгтэй юм байна шүү :D

Чиний ХОРДОХ эсэх нь надад хамаагүй

2009-11-04T15:09:00.000+08:00

Бас л эмч, эмнэлгийн байгууллагатай холбоотой бичлэг. Сая Болор-Эрдэний энэ бичлэгийг уншаад бүүр бичмээр санагдаад тэссэнгүй.

Системээрээ буруу. Ийм үг сүүлийн үед их моданд орж байгаа болоод ч тэрүү ашиглах боломж олдож байгаад их баяртай байна. Манай эмнэлгийн үйл ажиллагаа системээрээ буруу юм шиг санагдсан сүүлийн 4 хоногийн гүехэн туршлагаасаа бичих гэсэн юм.

Сүрьеэ өвчин их аюултай өвчин бололтой. Түүнийг илрүүлэх даацтай ажил хийж байгаа нь гэр бүл болохыг хүсэгчид болон жирэмсэн эхчүүдийг сүрьеэгийн үзлэгт хамруулах явдал бололтой. Сүрьеэтэй эсэхийг оношлохын тулд Цээжний Флюрографи зургийг авхуулна. Энэ нь рентген шинжилгээ хийлгэнэ гэсэн үг. Тэгэхээр эрүүл ч бай биш ч бай рентген туяагаар биеэ хордуулна гэсэн үг. Хэрэв нөгөө хүн маань хөл хүнд хүн байвал бүүр өөрийгөө хордуулаад зогсохгүй хэвлийд байгаа ургаа хордуулна гэсэн үг. Тэгээд хордуулан байж шинжилгээ хийлгээд цээжний зургаа эмчид өгөхөд ЭРҮҮЛ гэсэн хариу өгөх жишээтэй. Угаасаа сүрьеэ байтугай ханиадгүй хүн арга ч үгүй. Тэр хэвлийд байгаа хүүхдийн хордох эсэх нь огт хамаагүй, ёстой л гэсэн бол ёстой.

Миний бодлоор эхлээд сүрьеэгийн шинж тэмдэг байгаа эсэхийг тэр хүнийг үзсэний дараа тодорхойлоод шаардлагатай бол зураг авдаг байвал зүгээр юм шиг байгаа юм. Гэтэл үгүй юм аа.

Хамгийн инээдтэй нь цээжний зураг авах өрөөний үүдэн дээр РЕНТГЕН ШИНЖИЛГЭЭ МАШ ХОРТОЙ гэсэн бичиг наасан байгаа юм. Доог тохуу хийж байгаа юм шүү биднээр.

Бас нэгэн инээдтэй зүйл нь ЭХО -д дотор эрхтэнээ харуулаваа. Тэгсэн тэр нунжгай шингэн юмаа гэдэс, цээжин дээр минь дусаачихаад нэг жижиг аппаратаар хамаг биеийн маань гижгийг хүргэн байж гэдэс гүзээ, цээжээр нөгөө шингэнээ нялан байж элэг бөөр, дэлүүг минь харчихаад арчих цаас ч өгөхгүй буруу хараад суучих юм. Салфетка өгөхөө мартсан байх гээд асуутал "Өөрсдөө алчуураа авчрахад яадаг юм" гээд загнав. Үүнийг мэдээгүй би арга ядаад маскаараа биеэ арчлаа. ЭХО-ний өрөөнд нэг ариун цэврийн цаас тавьхад тэгж их дундарч дуусдаг төсөвтэй газар юм болов уу гэж бодоод бас өрөвдөх ч шиг.

Энэ мэтээр арай гэж эмч дээр бүх шинжилгээгээ бариад очтол "4 сарын дараа ирээрэй. Бүүр өвдөөд муудвал ирнэ биз" гэж айлдаваа. Миний бүүр хөх инээд хүрч, хөхний сүү гоожих шахав. Тэр 4 сард би өвдөхгүй байвал миний аз болж таарах нь. Өвдүүлэхгүй байх ёстой хүн маань өвдөөд хэцүүдвэл ирнэ биз гэж байх шиг.

Энэ мэт инээдтэй зүйл их болох юм даа улсын эмнэлгүүдэд. Харин хувийн эмнэлгүүд хангамж арай өөр ч гэлээ хангалттай мөнгөгүй л бол зүглэх хэрэггүй газар.

Тэгэхээр өвчин тусах нь битгий хэл эмнэлгийн авах ёстой үйлчилгээгээ ч авахад хэцүү болсон цөвүүн цаг байна шүү.

Богтлогдсон

2009-10-22T10:36:00.001+08:00

Уруу газар ургана гэдэг чинь дээ хө
Улиас модны жам юмаа хө
Ургийн газар очино гэдэг чинь дээ хө
Бүсгүй хүний заяа юмдаа хө
Хажуу газар ургана гэдэг чинь дээ хө
Хайлаас модны жам юмаа хө
Харийн газар очино гэдэг чинь дээ хө
Бүсгүй хүний заяа юм даа хө...

Өчигдөр намайг бэр гуйж ирэхэд нагац эгчийн дуулсан дуу. Дуулахаасаа өмнө нүдэндээ нулимс цийлэгнүүлсэн. Тэгээд энэ дууг сонсоод сэтгэл нэг л сонин болов. Нагац ах маань “Манай нутгийнхан дуулах дуугаа ч бодож дуулдаг” гэж хэлэхэд ардын ухаан, монгол дуу гэдэг гүн гүнзгий утгатай юм гэдгийг ухаарах шиг боллоо.

Урьд цагт эрд гарсан бүсгүйг хүртэл булаагаад авдаг байсан. Тэр үед бүсгүй хүний дотор юу бодогддог байсан бол? Таньж мэдэхгүй хүний өвөрт, танихгүй хүний гэрт, танихгүй нутагт, аав ээжийн гэрээс хол, танил бүхэнгүй нутгийг гэрээ болгож насаараа амьдрана гэдэг ямар хэцүү бас их ухаан шаардсан зүйл байсан бол?

“Одоо ингээд чи манай хүн болсон” гэж хадам ах хэлэхэд ёстой л “Би юу хийчих вэ? Ээжийн охин хэвээрээ шдээ” ч гэж бодогдох шиг ккк...

Гэхдээ хэн ч надаас гэрлээч гэж гуйгаагүй байхад намайг бэр гуйгаад авчихна гэдэг чинь одоо би богцлогдсон гэсэн үг биздээ? Одоо цагт бас богцолж авдаг аавын хүү байнаа байна хэхэ.

Дэлхийн алдартай зургууд цуврал - Дайны үе

2009-10-07T15:42:00.004+08:00

Хүн төрөлхтний бүтээсэн нэг аймшигт зүйл дайн. Дэлхийн 2-р дайн хэт удаан үргэлжилсэнээс болж бараг бүх цэргүүд нь философичид болсон гэдэг. Дайн гэж юу вэ? Би юуны тулд дайтаж байна вэ? гэхчилэн өөрийн эрхгүй бодогддог байсан биз. Яг үнэндээ бол би Монголд төрсөндөө баярладаг. Ямар азаар 2-р дайны үед Еврей болоод төрчихөөгүй юм, ямар азаар Палестин, Иракт төрчихөөгүй юм гэж боддог. Ингээд дайны үеийн олныг цочроосон зургуудыг та бүхэнд толилуулъя.

1. Пан охин

Вьетнамын дайн. 1972 он 6 сарын 8.

Зургийг Nick Ut гэх зурагчин авчээ. 9 настай Пан охин нуруундаа хэд хэдэн түлэгдсэн шархтай гудамжаар уйлаад гүйж байх үед нь авчээ. Пан охин болон түүний эцэг эх өмнөд Вьетнамын оршин суугчид ба 1972 оны 6 сарын 8-ны өдөр хойд Вьетнамын цэргийн хүч онгоцоор охины амьдардаг тосгоны дээр бөмбөг хаяснаас уг үйл явдал болжээ. Одоо зураг дээрх бүсгүй маань Канадын иргэн болсон гэнэ. Магадгүй эх орондоо амьдрах нь түүнд олон таагүй дурсамжуудыг санагдуулдаг байх.

2. Viet Cong

Вьетнамын дайн. 1968 оны 2 сарын 1

Уг дайны үеэр олон зургууд авагдсан боловч энэхүү зургийг чухалчилан үздэг нь Вьетнамын дайн нь угтаа Америкчуудаас болоогүй юм гэдгийг харуулжээ.

Зураг дээр Өмнөд Вьетнамын цагдаагын дарга хоригдогчоо цаазлаж байгааг харуулсан юм. Хоригдсон хүн юу ч хийсэн хамаагүй цаазлаж байжээ.

3. Omaha арал

Дэлхийн II дайн. 1941 он

За энэ их танил арал байгаа биз. Saving Private Rain кинон дээрээс та бүхэн харсан байх. Гэтэл бодит амьдрал дээр ийм байж.

4. Нагасаки

Дэлхийн II дайн.

Хирошима, Нагасаки 2 хотод Америкчуудын хаясан атомын бөмбөгнөөс болж Хирошима хотод 140 мянган хүн, Нагасаки хотод байсан 80 мянган хүн нас баржээ. Эдгээр хүмүүсийн 15-20 хувь нь бөмбөгдөлтөөс үүссэн гал түймэр, сүйдэлт, долгионд цохиулж нас барсан бол үлдсэн нь хорт хавдар болон бусад атомын бөмбөгөөс үүдсэн өвчнөөс болон нас баржээ.

Бөмбөгдөлтөөс 6 хоногийн дараа Япончууд бууж өгсөнөөр II дайн дууссан гэдэг.

5. Buchenwald хорих лагер

Дэлхийн II дайн

II дайны үед хамгийн их хэлмэгдсэн ард түмэн бол яах аргагүй Еврейчүүд билээ.

Уг хорих лагер нь Германы хамгийн эхний бөгөөд хамгийн том хорих лагер байж. Хоригдогсодын ихэнхи хувь нь Еврей, Польшууд байж. Үлдсэн нь улс төрийн гэмт хэрэгтэн, Хятадууд, шашны гэмт хэрэгтнүүд, гомочууд болон дайны ялтангууд байжээ.

Тэр үед ямар ч айхтар ялгаварлан гадуурхдаг байж вэ дээ. Уг хорих лагерт нийтдээ 56,545 хүн нас барсан гэдэг тоо гарчээ. Үүнээс SS-ийн цэргүүдэд алуулсан - 33,462 хүн, буудуулсан - 8,483 хүн, дүүжлүүлсэн - 1,100 хүн, нүүлгэн шилжүүлэлтээр - 13,500 хүн нас баржээ.

6. Сүүлчийн Еврей

Дэлхийн II дайн - 1941 он

Украйны Виница хотод байсан сүүлийн Еврейг буудан хороож буй зураг. Тэр хотод нийт 28,000 Еврей байсан гэдэг ба бүгдийг нь хороосон байна.

Уг зураг Einsatzgruppen -ийн нэгэн цэргийн хувийн альбомонд байжээ.

7. Гэрээ зурсан нь

1948 он.

Дайны дараа өнчин, эцэг эх, таних ойр дотны хүмүүсээсээ хагацсан хүүхдүүд олон байсан нь ойлгомжтой. Тэр хүүхдүүдийн зүрхэнд дайн ямар том хар толбо үлдээсэн нь тодорхой. Асрах төвд нэгэн охин самбар дээр утга учиргүй баахан зураас зурсан байна. Түүнээс юуны тухай зурж байгааг асуухад "Гэр" гэж хэлжээ.

8. Иво Жимад тугаа мандуулсан нь

Дэлхийн II дайн - 1945 он

Иво Жимад хийсэн тулааны тухай олон кино хийснийг та бүхэн мэдэх байх. Яг уг зураг дээрх 4 цэргийн амьдралыг харуулсан кино хийгдсэнийг та бүхэн үзсэн бизээ. Америкчууд Иво Жима арлыг эзэлсэн тэр үеийг буулгасан хамгийн алдартай зураг энэ билээ.

9. Reichstag -ийн туг

Дэлхийн II дайн - 1945 он

Зөвлөлтийн цэргүүд 1945 оны 5 сард Германы нийслэл Берлинд нэвтрэн ороход авсан зураг. Хэрэв та зургийг сайн анзаарвал дээш мацаж буй цэргийн 2 гарт цаг байгаа. Тэгэхээр мань хүн үхсэн цэргийн цагийг авсан, эсвэл хулгайч цэрэг байсан байх нь. Гэхдээ туг мандуулаад авсан азтай аавын хүү.

10. Үхэж буй цэргийн аврал

1962 оны 6 сарын 4, Венесүэлийн Пуерто Кабело тэнгисийн цэргийн бааз.

Уг цэрэг мэргэн буудагчийн овоо хараанд өртөн буудуулаад үхэхийнхээ өмнө гудамжаар явж байсан ламтан дээр очин зүүгдэж буй зураг.

Магадгүй диваажинд очихыг хүссэн байх уг цэрэг.

11. Цагаач эх

1936 оны 2 эсвэл 3 сар. Фото зурагчин Dorothea Lange.

Өлссөн, сэтгэл санаагаар унасан цагаач эх. Зурагчинг өөрийнх зургийг авч байхад тэрээр юу ч асуугаагүй гэнэ, зурагчин ч түүний тухай түүх, нэрийг нь асуугаагүй. Гагцхүү насыг нь л асууж. Тэрээр 32 настай байжээ.

Гэтэл 50 гарсан мэт харагдаж байгаа биз. Түүнд байсан гал цог, хүсэл эрмэлзлэл нь дайны хөлд үрэгдэж дээ.

12. Ганцын хүч

2006 он. Израйл.

Одоо арай орчин цагын зургийг харъя.

Израйлын цэргийн хүчнйи эсрэг ганц эмэгтэй. Уг зургийг авсанаар фото зурагчин Oded Balilty өндөр үнэлгээ авчээ. Олон ч шагнал бас авч.

13. Танкны эсрэг

2003 он Пакистан.

Палестин хүү Израйлын цэргийн танк руу чулуу шидэж буй нь.

Ийм багаасаа дайнд өөрийн хувь нэмрээ оруулж байдаг зоригтой хүү юм.

14. Хуту залуу

Rwanda гэдэг кино гарч олон түмнийг шуугиулаад Оскарт бараг номиници бүрээр өрсөлдөж байсныг та бүхэн санаж байгаа байх. Гэтэл яг амьдрал дээр хэдэн мянган хүн иргэний дайнд амь үрэгдсэн бол? Тутцигын босогчдын гарт эрэмдэг болтлоо тамлуулсан Хуту залуу.

1994 он Rwanda.

Эцэст нь Үнсэлт

Юутай ч дайн эхэлсэн л бол заавал дуусдаг. 1945 он, New York -ийн Times Square гудамж.

Дайн дуусаж дайнд явсан залуус эх орондоо эргэн ирж буй нь. Усан цэрэг энэ залуу хайртай бүсгүйгээ үнсэж байна гэж та бодож байна уу? Гэтэл үгүй юм. Уг залуу маань баярласан уу, дүрсгүйтсэн үү ямартай ч зөрөн өнгөрсөн сувилагч бүсгүй бүрийг барьж аван үссэн байна. Харин уг бүсгүйг үнсэж байхад нь Alfred Eisenstaedt зурагчин зургийг нь авсанаар түүхэнд тодоор үлдэх алдартай зураг болжээ. Харин үнсэж дууссаных нь дараа сувилагч бүсгүй маань сахилгагүй залууг сайн гэгч нь алгадаад авсан гэнэ лээ шүү :P

“Блог бидний амьдралд” өдөрлөгийн эргэн тойронд

2009-10-05T11:40:00.003+08:00

Өнгөрсөн баасан гарагт буюу 10 сарын 2-нд IT Park дээр Блог бидний амьдралд нэртэй өдөрлөг болсон билээ. Ажлын өдөр байсан болохоор бага хүн ирсэн боловч олон хүнд хэрэгтэй мэдээлэл өгсөн байх гэж найдаж байна. Ялангуяа Санакаегын илтгэлээс Адсенсийн талаар өөрийн мэдэхгүй олон зүйлийг мэдэж авав.

За би бээр өөрөө Блог ба Аюулгүй байдал сэдвээр илтгэл тавьсан. Илтгэл тавьж байх үедээ сандарсан уу, мартсан уу 10 секунд хэртэй чимээгүй зогссон тал бий бий :D

Monkey.mn сайт дээр илтгэлүүдийг тавьна гэсэн. Тэгэхээр очиж амжаагүй хүмүүс нь илтгэлүүдийг унших боломжтой болсон. Би өөрийн илтгэлийг блог дээрээ бичлэг болгож оруулнаа. PPT файлаар тавьбал хүмүүст ойлгомжгүй байх болов уу.

Харин надад уулзаагүй удсан блогчидтойгоо, бас блогоор нь сайн мэдэх ч уулзаж байгаагүй блогчидтойгоо уулзаж авсан сайхан өдөр байв. Өдөрлөгийг эхлүүлэх гээд Зараа ахтай ярилцаад Санакаегын утсыг хайгаад зогсож байтал мань хүн хажууд зогсож байсан байгаа юм ккк. 2007 оноос хойш Messenger –р харилцаж байснаас биетээр уулзаж байгаагүй тул хажууд зогсож байсныг нь мэдэхгүй “Санакае ирээгүй байна шдээ” гэтэл “Би байна шдээ” гээд хажууд зогсож байгаа юм даа.

Бас Ганга эгчтэйгээ уулзаж хацар дээрээ үнсэлцэж авав. Бодож байснаас өөр хүн байсан шүү. Их намбалаг сайхан эгч байна лээ. Бум-Эрдэнэ ахтай уулзав аа бас. Ах маань миний төсөөлж байснаас бүүр өөр хүн байна лээ хэхэ. NTV-ийн Зочны цаг нэвтрүүлгээр харж амжсангүй гэж бодож байтал өдөрлөгөөр тааралдав.

Мөн Өнөөгийн Монгол сэдвээр насанд хүрэгчдийн дунд блог нийтлэлийн уралдаан зарласныг хүмүүс мэдэх байх. Гэтэл 3р байранд нэг бяцхаан, жижигхээн, жоохоон хүүхэд шалгарав. Сүрхий хүүхэд байна лээ шүү. Тэр охин насанд хүрсэн үү, үгүй юу мэдэхгүй :P

Монголын блогчид маш олон болох болтугай гэж ерөөе.

Моонки цэг Эм Эн

2009-09-18T10:08:00.000+08:00

Монголын блог портал энэ шинэхэн сайт үйл ажиллагаагаа явуулаад удаагүй байгаа хэдий ч маш олон хэрэглэгчидтэй болсон байгаа билээ. Порталын дизайн нь өвөрмөц, нүдэнд дулаахан, цомхон бөгөөд ойлгомжтой.

Монки Тийм-ийн зүгээс одоо Өнөөгийн Монгол нэртэй блог нийтлэлийн уралдааныг зарласан байгаа. Гэтэл бас 7 хоног бүр шилдэг нийтлэлээ тодруулдаг юм байна. Тэгсэн эхний 7 хоногийн шилдэг нийтлэлээр миний ЭНЭ нийтлэл шалгарсан байх юм. Зараа ахыг хэлэхээр нь баярласан гэж яаваа. Энэ талаарх мэдээллийг ЭНДЭЭС уншаарай. Тэгээд та бүхэн ч Моонки Эм Эн-д нийтлэл бичиж байгаарай, тэр шагналыг нь аваарай, Өнөөгийн Монгол блог нийтлэлийн уралдаанд нь ороорой гэж хүсье.

Дэлхийн хамгийн алдартай 10 фото зураг

2009-09-12T22:27:00.003+08:00

1. Афганистан охин [1984]

Уг зургийг National Geographic-ийн фото зурагчин Steve McCurry авчээ. Зураг дээрх охины нэр Sharbat Gula, дүрвэгсдийн лагерь дахь нэгэн сургуулийн сурагч аж. Уг охин зургаа авхуулж байхдаа ойролцоогоор 12 настай байсан гэдэг.

Фото зурагчин: Steve McCurry

2. Omayra Sánchez [1985]

Omayra Sánchez нь 1985 оны 11 сарын 14-нд болсон Колумбын Nevado del Ruiz галт уулын дэлбэрэлтэнд өртсөн 25,000 хүний нэг бөгөөд тэрээр усан дотор нэгэн төмөр бетоноос зууран 3 хоногийн турш байсан байна. Уг зургийг авсан зурагчинг Колумбын засгийн газар шүүхэд өгч эмгэнэлт явдлыг олон түмэнд зарласан гэж буруутгасан байна. Гэвч охиныг нас барсны дараа уг зургийг дэлхий даяар цацжээ.

Фото зурагчин: Frank Fournier

03. Черчилын хөрөг зураг [1941]

Уг зургийг Канадын зурагчин Yousuf Karsh авсан байна. Уг хөрөг зураг нь дэлхийн хамгийн их хуулбарлагдсан зургаар тодорчээ.
Фото зурагчин: Yousuf Karsh

4. Косовогын дүрвэгсэд [1999]

Уг зураг нь Вашингтон Постын зурагчны авсан зураг ба Косовогын дүрвэгч 2 настай Agim Shala хүү хэрхэн төмөр торны цаанаас өвөө эмээ дээрээ очин Арабын нэгдсэн Эмират руу дүрвэх гэж байгаа зураг юм. Хүү эцэг эхтэйгээ Косовогийн мөргөлдөөн намжсаны дараа эргэн нийлсэн байна.

Фото зурагчин: Carol Guzy

5. Өвчтэй хүү хоол хайн мөлхөж буй нь [1994]

Дээрх зургийг 1994 оны Суданы өлсгөлөнгийн үеэр авчээ. Зураг дээрх хүү 1 км-ын цаана байрлах НҮБ-ийн хоол тараадаг лагер луу мөлхөж явсан ба дэргэдэх тас шувуу хүүгийн үхлийг хүлээн даган явсаар байсан байна. Энэ зураг дэлхийг тэр чигт нь цочроов. Үүний дараа хүүд юу тохиолдсоныг хэн ч мэдэхгүй ба зургийг авсан фото зурагчин Суданыг орхисноос 3 сарын дараа сэтгэлийн гутралаа давж чадалгүй амиа хорложээ.

Фото зурагчин: Kevin Carter

6. Тусгаарласан угаалтуур [1950]

Энэ зургийг хараад бүгд ойлгох биз. Америкад 1800 оноос эхлэн ноёрхсон арьс өнгөөр ялгаварлах үзлийг бүгдэд харуулсан зураг.

Фото зурагчин: Elliott Erwitt, Magnum Photos

7. Өөрийгөө шатааж буй лам [1963]

1963 оны 6 сарын 11-нд Вьетнам ламтан Сайгон хотын их хөлийн бүсэд өөрийгөө шатааж тухайн үед өмнөд Вьетнамын засгийн газрыг удирдаж байсан Деймийн Католик дэглэмийн залхаан цээрлүүлэлтийг эсэргүүцэж байгаагаа илэрхийлжээ.

Тэрээр шатаж байхдаа нэг ч булчингаа хөдөлгөөгүй гэнэ.
Фото зурагчин: Malcolm Browne

8. Амар тайван [~2000]

Компьютер хэрэглэдэг хүн бүрийн мэдэх зураг. Уг зураг дээрх газар Калифорниагын Сонома уулын хөндий юм. Уг зургийг авсныхаа төлөө фото зурагчин маань зар сурталчилгаанаас 200 сая доллар авсан байна. Гайхалтай биш гэж үү?

Фото зурагчин: Charles O’Rear

9. Triangle Shirtwaist-ийн түймэр [1911]

Уг зураг дээрх цогцоснууд нь Triangle Shirtwaist компаны гаднах талбайд хэвтэж буй юм. Компанийн дүрмээр бол ажлын цагаар компанийн гаднах хаалга үргэлж цоожтой байх ёстой ба ингэснээр хулгай гарахгүй гэдэг байжээ. Гэнэт түймэр гарснаас бол 146 хүн нас баржээ. Тэдний ихэнхи нь цагаач эмэгтэйчүүд байж.

Фото зурагчин: Олон улсын эмэгтэйчүүдийн байгууллагын ажилтан

10. Карл Марксын хөрөг.

За энэ хүнийг бүгд мэдэх бизээ.

Эх сурвалж: http://wickedreport.com

Үүн дээр өөрийн бодлоо хэлэхэд манай монголын фото зурагчид олширч, сайн зургууд авч байгааг та бүхэн Агшин, Зураг, Сүүдэр, Виндов зэрэг фото сайтуудаас харж болно.

Миний ажигласнаар зурагчид эхлээд цэцэг авч гараагаа эхэлдэг юм байна лээ :P. Бас нэг онцлог нь манай олон зурагчид өнгөний хэт их мэдрэмжтэй. Зургийнхаа өнгийг хэт ихэсгэсэн нь жаахан хуурамч харагддаг ч дэлхийн хэмжээнд танигдсан сайн зурагчид болохыг гэж ерөөе.

Монголын зурагчид маш олон болох болтугай :)

Коктейльний түүх хийгээд коктейль парти

2009-09-08T10:58:00.004+08:00

Хүн болгонд мөрөөдөл байдаг шдээ. Би тэгэхээрээ тэгнэ дээ гэсэн. Надад нэг ийм мөрөөдөл байдаг юм. Тусдаа гарахаараа мини бартай болоод тэндээ коктейль хийж найзуудыгаа дайлна гэсэн. Гэхдээ байнга урьж дайлаад, олон түмний хөлд дарагдах биш хааяадаа тэмдэглэлт өдрүүдээр олуулаа бужигнах гэж л (лаг нүхээ малтсан хэхэ)

Тооны хичээл дээр зайлшгүй бөгөөд хүрэлцээтэй нөхцөл нь гэж ирээд л заадаг. Тэрэн шиг хүрэлцээтэй нөхцөл нь бүрдэж тусдаа гарж байгаа болохоор коктайл хийх талаараа бодож эхэлсэн. Коктейль хийдэг ком бол Номин их дэлгүүрт 35К гээд байдаг юм билээ. Ганц хэцүү зүйл нь коктейльны найрлаганд орох архи, дарс, жин, рум зэрэг л байна. За хаанаас ч юм олж болох боловч тун чиг л үнэтэй тусах байх даа. За ингээд коктейльний түүхээс цухас тонирхуулъя.

Коктейльний түүх

XIX зуунаас анх коктейлийг хэрэглэж ирсэн байна. Хамгийн анхны коктейль хийж байсан тухай материал 1803 оны 4 сарын 28-нд хэвлэгдсэн The Farmer’s Cabinet номонд байжээ. Мөн анхны коктейльний тодорхойлолтыг 1806 оны 5 сарын 13-нд хэвлэгдсэн The Balance сэтгүүлд (АНУ-ын) бичиж байсан байна. Уг тодорхойлолтонд “Коктейль гэдэг нь ликёр, бүх төрлийн спирттэй шингэн, сахар, ус болон гашуун амтат шингэний холимогыг хэлнэ” гэсэн байжээ.

Анхны орчин үеийн коктейлийг Мартини хэмээн нэрлэж олон түмний хүртээл болгожээ. Уг коктейль нь Martinez (1862 он) хэмээх коктейлийн найрлагын гол бүрэлдэхүүн нь болсон байна. Martinez-ийн найрлаганд чихэрлэг улаан вермут дарс, жин ордог ба тоороор чимэглэдэг байна. Уг найрлагыг Jerry Thomas гэх эрхэм maraschino болон лимоны шүүсээр амталж багахан өөрчилсөн байна. Ингээд л шинэ шинэ коктейлиуд ар араасаа цуварч оюун ухаант хүн төрөлхтний төсөөллөөр шинэ шинэ коктейлиуд төрөн гарч эхэлсэн байна.

Одоо бидний уудаг хуурай мартинийн найрлаганд жин, цагаан вермут дарс ордог ба чидун жимсээр чимэглэдэг билээ. Хэрэв та анзаарсан бол James Bond-ийн цувралд гол дүрийн агентийн уудаг коктайл нь үргэлжид хуурай мартини байдаг. Гэхдээ хуурай мартинийн харагдах нь анги анги шинээр гарах тусам өөрчлөгдөж байдаг. Эхэндээ гурвалжин хундаганд хийсэн цагаан мартиниг зөөгч авч ирж өгдөг байсан бол яваандаа чидун жимсээр амтлан, бүүр сүүлийн анги дээр өнгөн давхарга үүсгэсэн байдаг. Ингээд л хүний төсөөллөөр коктайлууд зулай зулайгаа гишгэн бий болдог байх нь. (эсвэл хундага хундага тагшин ккк...)

1934 – 1959 он бол гайхамшигт нээлтийн жилүүд юм. 1948 онд анх Маргарита төрөн гарчээ. АНУ-ын Даллас хотын нийгмийн ажилтан Маргарита Самис хэмээгч хатагтай гэртээ Зул сарын үдэшлэг хийж байгаад санамсаргүйгээр текила, далдуу модны шүүс хольсноор уг ундааг гаргаж авсан бөгөөд үдэшлэг дээр байсан хүмүүс уг ундааг тамшааж түүний нэрийг бүхэл америк даяар түгээжээ.

1900 оны сүүлийн хагаст хувийн бар, ресторан ажиллуулдаг хүмүүс өөр өөрсдийн брэнд болох өнгө, үнэр, амтаар ялгарсан коктейлиудыг хийж олны хүртээл болгосоор ирсэн байна.

Миний бодлоор бол эхэндээ олоход хялбар найрлагуудаар хийсэн коктейлиар найзуудыгаа дайлнаа. Ингээд жагсаагаад бичвэл:

1. B52

Найрлага: Kahlua, Bailey's Irish Cream, Grand Marnier

B52 коктайлын түүх.

B52 нь Вьетнамын дайнд ашиглагдаж байсан бөмбөгдөгч онгоцны нэр юм байна. Анх 1977 онд Keg Steakhouse гэдэг хүн хийж олны хүртээл болгосон байна. Танд баярлалаа.

Уг коктайлын санааг цааш нь дэлгэрүүлээд В53, В54, В55, В56, В57, В61 гэх нэртэй коктайлуудыг бүтээжээ. Эдгээрийн ялгаа нь амарето, ванил, водка, какаоны крем хольсноороо ялгагддаг юм байна.

2. Black Russian

Найрлага: Kahlua, Vodka

Түүх.

Анх 1949 онд Бруселийн Метропол нэртэй зочид буудлын бармен залуу хийж байжээ. Тэгээд л нэртэй коктайл болсон байна.

3. White Russian

Найрлага: Vodka, Kahlua, Cream. Заримдаа cream -ны оронд сүү ч хийж болдог.

Түүх.

Анх 1965 оны 11 сарын 25-нд АНУ-ын Калифорн мужийн Оакландад хийгдсэн байна. Хэн гэдэг хүн хийсэн талаарх мэдээлэл байсангүй.

Энэ дээрх Black, White Russian коктайл нь Оросын уламжлалт сархад биш юм. Зүгээр л алкохолын найрлага их болохоор л тэгж нэрлэсэн бололтой.

4. Irish Creme

Найрлага : Baylies, Vodka

Түүх.
1974 онд анх бий болсон ба Irish виски, ликёр, кремийг хольж Байлисийг гаргаж авсан байна. Ингээд л Baylies -ийн найрлагатай олон олон коктайл гаргаж авах үндэс суурийг тавьж өгч ээ.

5. Bloody Mary

Найрлага : за найрлаганы гол бүрэлдэнхүүн нь архи, лоолийн шүүс. Тэгээд өөрийн хүслээрээ хольж өгнө дөө. Уг 2 дээр тобаско саус, чидун жимс, давс гэх мэтийг нэмээд чимэглэнэ.

Түүх.
Анх 1926 онд New York-ийн нэгэн барны эзэн болох Fernand Petiot уг ундааг сэдсэн байна. Ингээд л олны хүртээл болж дээ.

За ингээд өнөөдөртөө дуусгая. Маргаашнаас үргэлжлүүлнээ.

Зүүд, аймшигтай зүүд

2009-09-04T17:32:00.000+08:00

Зүүдний учрыг эрдэмтэд, энэ шинжлэх ухаан гээч зүйл нь хурдан тайлаасай. Тэгээд учир начирыг нь ойлгох юмсан. Бага байхад зүүд гэж учир нь олддоггүй эд байдаг байлаа. Одоо томроод ирсэн биш зүүд илүү утга учиртай, илүү нарийн ширийн, бас дэндүү бодит болоод ирэх юм.

Сайхан зүүд, жишээ нь, ойд аялж байтал моднуудаас нь элдэв сайхан жимс жимсгэнэ ургачихсан, би авч идээд л гэж зүүдэлвэл илүү бодит байх тусмаа сайхан. Гэтэл эсрэгээрээ үнэхээр хар дарсан зүүд зүүдэлвэл аймшигтай. Өвдөлт нь хүртэл мэдрэгдэнэ. Өчигдөр шөнө дунд уйлагнаж сэрэв. Амьдралыг мартагдуултал зүүд тийм бодит байсан гэхээр итгэмээргүй.

Киноны тусгай эффект хийдэг ПХ-ууд ба Цахирмаа

2009-08-26T12:18:00.002+08:00

Transformers – Revenge of the Fallen киноны тусгай эффектүүдийг хийхэд 350 чадварлаг инженерүүд өдөр шөнөгүй ажиллаж байлаа гэж ирээд л кино сурталчилгаа эхэлсэн санагдаж байна.

Одоо кино хийнэ гэдэг амар ажил биш болсон. Хүмүүс илүү их зүйлийг шаарддаг болсон болохоор тусгай эффект, дуу алдам animation байхгүй бол тэр кино амжилт олохгүй нь тодорхой болжээ. Үүнийг өөрийн мэргэжлийн зүгээс хараад нэг бичлэг бичье гэж бодлоо.

Мэдээж тэр тусгай эффект, animation-уудыг хийхэд програм хангамж болон маш сайн супер компютерүүд хэрэг болно. Хамгийн энгийн програм хангамж (ПХ) гэхэд IMAX гэх програм байна. Энэ нь дүрсийг хэд дахих томруулж дууг хэд дахин чанга гаргах чадал бүхий систем юм. Үүнийг та бидний үзэх дуртай Transformers, Jurassic Park, Star Wars зэрэг кинонуудыг хийхэд ашигласан. Мөн IMAX камер гэж байх ба түүгээр дүрсүүдийг авч янзалдаг байна.

AutoDesk 3D Max гэх 3D дүрс үүсгэн ажиллах програм хангамж байх ба түүний үнэ нь 3,495$. Мөн Autodesk Softimage гэх тусгай эффекс гаргах боломж бүхий ПХ байх ба үнэ 4,695$. Энэ бол тэр олон ПХ-уудын бяцхан хэсэг нь.

Бөгжний эзэн кино хамгийн их тусгай эффектүүдийг ашигласан бүтээл болохоор уг киног хийхэд ямар ПХ ашигласныг дурдъя.

MASSIVE – Олон түмэн холхилдсон хэсгийг хийхэд ашигладаг. Жишээ нь байлдаан, тулаан, цэнгэлдэх дүүрэн хүн гэх мэт. Бөгжний эзэн дээр маш олон тулаан, нүсэр арми гардаг. Энэ бүхнийг уг програмаар хийсэн байна. Мөн уг програмыг дараахи кинонуудыг хийхэд ашиглажээ. The Chronicles of Narnia: The Lion, the Witch and the Wardrobe, King Kong (Jackson 2005), I, Robot, 300, Wall-E гэх мэт.

RealFlow – Ямар нэгэн шингэн урсамтгай зүйлийг дуурайлган хийх (Бөгжний эзэн дээр галт уулны лаваг уг ПХ-ээр хийсэн), усны гадаргуу, шингэн зүйлсийн харилцан үйлчлэл, том биетүүд, хатуу зөөлөн, сүлжилдсэн биетүүдийг үүсгэх, хийхэд ашигладаг. Уг програмыг X-Men 3: The Last Stand, Sweeney Todd: The Demon Barber of Fleet Street, Benjamin Button, The Da Vinci Code, 300, The Matrix Reloaded, Tomb Raider, Lost (TV series) зэрэг кинонуудыг хийхэд мөн ашигласан байна.

Artificial intelligence – Өөрийн ой ухаантай машинуудыг бүтээхэд ашигладаг.

Motion database – За энэ бол тодорхой. Гүйх, хариах, зугтах, үхэх зэрэг бүхий л хөдөлгөөнүүдийг хадгалдаг бааз байх нь. Үүний програм хангамж + сервер ямар үнэтэй байх вэ гэдэг нь ойлгомжтой.

Мэдээж эдгээр програмуудыг та бидний өдөр тутам ашигладаг компютерүүд дээр ажиллуулна гэж байхгүй. Тусгай супер компютерүүдийг ашиглах ба тэдгээр нь маш үнэтэй тул Бөгжний эзэн киног хийхэд супер компютерүүдийг түрээсэлж ашигласан гэдэг.

Кино хийх төсвийн багагүй хувийг эдгээр ПХ-ууд болон түүнийг ажиллуулах техник төхөөрөмжүүд, мөн эдгээрийг ашиглахыг эзэмшсэн IT инженерүүдийн цалин хөлс эзэлдэг байх нь.

Ийм их оршил бичсэн нь би өчигдөр Цахирмаа киног үзсэнтэй холбоотой. Монголын анхны компютер график ашигласан кино. Гэтэл тэр 90-д минутын киноны тусгай эффектүүдийг ганцхан залуу хийсэн гэнэ.

Transformers үзсэн хүний хувьд Цахирмаа мэт нь тун хөгийн харагдах байх. Гэхдээ юм бүхэн ингэж л хөгждөг. Кино багынханы хувьд дээрх олон ПХ, компютерүүдийг авах мөнгө байхгүй тул кракдаж олсон програмаа гайгүйхэн шиг үзүүлэлттэй ПиСи дээр суулгаад л тамын ажлаа эхэлсэн нь ойлгомжтой.

Та бүхэн голж шилэлгүй уг киног сайн үзээрэй. Учир нь таны оруулсан хөрөнгө оруулалт дараагын удаад нэг ПХ авахад, өөр нэг графикч залууг хөлслөхөд, магадгүй өмнөх ганцаараа уг киног хийсэн залууг гадагшаа 6 сарын сургалтанд сургахад, илүү сайн график ашигласан кино хийхэд маш том хөрөнгө оруулалт болох юм.

Дараагын удаад илүү сайн графиктай, илүү чанарлаг кино бүтээхэд та бид хөрөнгө оруулалтаа хийцгээе.

Блогшилт хүндрэхээрээ ...

2009-08-25T16:53:00.004+08:00

8 cарын 28-нд хийсэн тайлбар

Crab-ын блогоос чирээд ирлээ. Тэгэхээр би өөрөө хүндрээд тариандаа орчихсон хүн юм байна шд.

Өөрөө аймар сайхан амьтан шиг хийрхдэг болдог, бусдыг шүүмжилдэг, бусад хүний ертөнцийг хүлээж авах чадваргүй болдог, өөрийгөө хүний хийдэггүйг хийж боддоггүйг боддог юм шиг санана, нэг л их эх орондоо хайртай дуртай хүн болно, аягүй чухам нийгмийн төлөө болж хувирна. Ер нь блогшилт хүндрэхээрээ худлаа хэнээ тусна. Заассссс.................

8 сарын 26-нд хийсэн тайлбар

Хүнд үгээ зөв ойлгуулж чадахгүй би нээрээ хннн....

Анх блог гээч нэг зүйл бий болсоноос хойш 9 настай жаал блогтой болжээ. Тэгээд тэр хүү блог дээрээ ёстой авч өгдөг байж. Аав тэгдэг ингэдэг, ээж тэгдэг, аав ээжийг зоддог, аав ажлаасаа ирээд ээжтэй тэгж ярьж байсан гээд л. Тэгсэн үр дүн нь аав нь шоронгын хаалга татсан юм. Учир нь ажлаасаа юм дэлсдэг нэг тийм нөхөр байж л дээ гэх мэт жишээнүүд зөндөө цаагуур чинь.

Юм гэдэг учиртай. Учиртай блогдож байгаарай гэж хэлсэн юм. Тэрнээс тэр хүний үгээ хэлэх, үзэл бодлоо илэрхийлэх эрх чөлөөний тухай огт яриагүй ээ, бичээгүй ээ :)

Анх Ига, Юки эгч, Гамп ах нар ярианы аялгаар бичлэгүүдээ бичиж эхлэхэд хүмүүсийн хэл нь дульдчаад л эхэлсэн. Одоо нийт блогчдын талаас илүү нь дульдчаа бичлэг бичдэг болсон. /монгол хэл устах талаар огт яриагүй шүү!!! :)/

Тэгсэн нэг хүн “Миний анхны секс” гээд бичлэг бичсэн чинь маргаашнаас нь эхлээд за ёстой авч өгч байнаа энэ хүмүүс. “Даргатайгаа хийсэн с”, “Ажлын залуутайгаа хийсэн с”, “Хамгийн тийм ийм с” гэх мэт. Хүсэхгүй бол битгий унш, чамд уншуулах гэж бичээгүй гэж хэлэх байх тийм үү? Би уншдаггүй ээ, санаа зоволтгүй. Ийм балай юм уншаад яваад байдаггүй. Гого, Банжигын нүүр хуудас руу орохоос өөдөөс ийм гарчигтай шинэ бичлэгүүд угтдаг юм.

Хүмүүсийг дагаж шуурах биш учиртайхан блогдож байвал эргээд өөрт чинь л хэрэгтэй гэсэн санааг л хэлэх гэсэн юм.

За өөрийгөө яая гэж байж бусдад санаа зовдог би нээрээ гэгээнтэн биш дээ тээ хэхэ.

Хар тамхинд орсон хүмүүс марихуан, кокейн гэх хүнд мансуурах бодис татаж эхэлдэггүй гэдэг. Эхэндээ сулхан мансууруулагч эм уудаг байсан бол яваандаа өвс татаж, бүүр хүндрэхээрээ марихуан /яаж бичдэгийг нь мэдэхгүй юм/ тарьдаг болдог. Энэ нь өмнөх эм нь сэтгэлд нь хүрэхээ байж илүүг хүсдэг болдогтой л холбоотой байх тийм үү?

Би блог бичээд 3 жил болж байна. Манайд 4 жилийн өмнөөс блог ид хүчээ авч эхэлсэн гэж би боддог юм. Анх блогшиж байхад хэн ч юу ч бичсэн амтархан уншдаг байлаа. Гэхдээ тэр үед хүмүүсийн бичлэг тун чанартай, олон түмэнд хүртээлтэй, мэдлэгт нэмэр болсон бичлэгүүд байдаг байсан. Над шиг ингээд л дэмий юм бичээд байдаг байсан хүн бараг байдаггүй байлаа. (хэхэ, баахан б) Гэтэл хүч нь бага багаар сулраад арай өөр зүг рүү хэвийгээд байгаа юм шиг санагддаг юм одоо.

Одоо нийт блогчдын 60-с илүү хувь нь секс, маасраа бичдэг болчихсон байх юм. Гого, Банжигаар ороод гарах бүрт шинэ бичлэгүүд нь заавал секс, маасраатай байна. Гоожуур блог нээгдсэнээс хойш сөрөг өнцгөөс харсан бичлэгүүдтэй блог ихээр нээгдсэн. Анх тийм блогуудыг уншаад байдаг л зүйл гэж боддог байсан бол одоо өөрийнхөө блогыг аль болох олон хүнд уншуулахын тулд сөрөг ПиАр хийх тохиолдол их болж. Хэр их сөрөг ПиАр хийнэ, төдий чинээ миний блогыг их хүн уншина гэсэн сэтгэхүйгээр их ханддаг болжээ. Нэг хэсэг Лянхуа нэртэй блогчин Хан Үндэстэн гэдэг блогыг БлогМН дээр нээж хэсэг бөөн шуурцгаасан. Гэтэл одоо ийм блогууд тоогоо алдаж.

Банжиг дээр гэхэд л өсвөрийн хэдэн хүүхдүүд порно блог хөтөлдөг байсан гэх юм.

Урьд цагт элдэв uncommon зүйл бичдэг блогуудын эзэд нь өөрийгөө их нууцалдаг байсан бол одоо огт хамаагүйгээр эр эмгүй секс, маасраа гэх мэт хачин хачин юм бичдэг болчихож. Тэгээд блогчидтой уулзаж учраад л явж байна. Одоо яахав ид блогын амтанд ороод элдэв юм бичихдээ санаа зовохгүй л байх байх. Гэхдээ жилийн дараа өөр юм бодоод эхлэх байх гэж бодож байна. Тэгээд ч эмэгтэй хүн эрэгтэй хүнээс арай ичимтгий байх хэрэгтэй байхаа.

Тэрийг нь хэлэхээр л хэнхэг, мэдрэл, шизотой болчихдог юм. Би олон ч хүнээр хэнхэгээрээ дуудуулж байна даа. Уул нь би хэнхэг биш л юм. 1000 хэлэхээр үнэн болдог гэсэн, удахгүй жинхэн утгаараа хэнхэг болох юм шиг байна ккк...

Тэгэхээр манай блогчид одоо хамгийн эхэнд дурьдсан жишээтэй харьцуулвал эмэнд сэтгэл нь ханахаа байгаад өвс татаад зарим нь тариандаа орох дөхсөн байна гэсэн үг байх нь тийм үү? Хэхэ.

Хурим хийх нь тийм муу зүйл юм уу?

2009-08-19T15:02:00.001+08:00

Нар хур тэгширсэн намрын сайхан өдрүүд эхлэж байгаа энэ үетэй зэрэгцээд манай Монголд найр хуримын улирал эхэлдэг. Яагаад энэ үед найр хурим ид хүчээ авдаг юм бүү мэд. Наадмын найраа үргэлжлээд хавтгайрдаг ч байж болох юм. За тэгээд гудамжаар машинаа шаараар чимээд хуримлаж байгаа хосууд бараг өдөр бүр тааралдаж байгаа байх та бүхэнтэй. Аа гэтэл түүнтэй зэрэгцээд “Түй түй, муу ёр” гэж хөмсөг зангидаж байгаа хүмүүстэй ч их тааралдах юм. Хэзээнээс Монголчууд 2 хүн хуримаа хийн, гал голомтоо бадраахыг муу ёр гэж үздэг болчихсон юм бүү мэд. Хуримтай тааралдах нь хамгийн муу зүйл юм шиг л нулимцгаах юм.

Миний нэг найз охин надад хэлж байсан юм. “Би хэзээ ч Монголд хуримаа хийхгүй” гэж. Яагаад гэвэл хүмүүс нулимаад эхлэнэ гэж тэр. Гэхдээ нээрээ бодоод байсан чинь би цагаан даашинз өмсөөд, нөхөр болсон залуугынхаа цээжинд наалдаад жаргалтай нь аргагүй явж байсан чинь гэнэт нэг хүн “Муу ёр, түй түй” гээд унавал ямар байх бол? Муу ёр гэж хэлүүлэх юу хийсэн болохоор тэгж байгаагаа ч ойлгохгүй хэцүү байдалд орох нь байна шд. Энийг ямар учиртайг тайлбарлаад өгөх хүн байна уу?

Сэтгэл татсан богино өгүүллэгүүд

2009-08-14T18:02:00.001+08:00

Саяхан Банжигын блог хэсэж яваад энэ блогыг олов. Богино өгүүллэгүүд бичдэг сайхан блог байна. Тэгээд өгүүллэгүүдийг уншиж явтал үнэхээр сэтгэлд нөлөөлөхүйц сургамжит өгүүллэгүүд байсан ба заримыг нь уншаад уйлах шахав хэхэ. Ингээд хэсгээс нь тонилуулъя.

Эх сурвалж: http://story.blog.banjig.net/
Харин энэ блогын эх сурвалж нь Сургамжит өгүүлэл 2 ном юм гэнэ.

Би түүндээ хайртай байсан…

Лам шарилын толгойн тус зогсоод залбирал уншиж байв. Гэнэт 50 жил ханилсан ханиа оршуулж байгаа настай эр ” би түүндээ хайртай байсан.” гэж чанга дуугаар цурхиран уйлж эхлэв. Нам гүм байсан оршуулагын ёслолыг ийнхүү хижээл эр эвдэв. Гэвч намдах шинжгүй үргэлжлүүлэн уйлсаар байсан тул тэнд байсан үр хүүхэд, найз нөхөд нь баахан санаа зовж эхлэв. Тиймээс хүүхдүүд нь “Ааваа бид нар мэдэж байна аа гэхдээ та одоо тайвшир, чимээгүй байл даа” гэж гуйх шаардах зэрэгцэн хэлж байв.

Өвгөн, шарилын хайрцагийг нүх рүү буулгах агшинд мөн л цурхиран уйлж эхлэв. Лам гэр бүлийнхэнд шарилын нүхэнд шороо хийх хэрэгтэй гэхэд өвгөн улам чангаар “Би чамдаа хайртай байсан шүү дээ, би чамдаа хайртай байсан шүү дээ,Би чамдаа хайртай байсан шүү дээ” гэж уйлж байгаа өвгөнийг хүүхдүүд нь аргадж байсан ч өвгөн огт тоосон шинжгүй “Би чамдаа хайртай байсан шүү дээ” гэж уйлж байв.

Удалгүй хүмүүс нэг нэгээрээ тарж эхэлсэн ч өвгөн явах янзгүй суусаар л байв. Чулуун дээр бичсэн нэр лүү гөлрөн суусан өвгөнд лам дөхөж очоод “Танд ямар хүнд байгааг ойлгож байна л даа. Гэхдээ одоо эндээс явцгаая, үхсэндээ хамт үхэх биш дээ. Бидний амьдрал үргэлжиж байна.” гэв. Гэтэл өвгөн шаналан “Би түүндээ хайртай байсан. Гэхдээ гэхдээ… залуу байхад аа нэг юм уу 2 удаа л хэлсэн. тэрнээс хойш нэг ч хэлээгүй” гэжээ.

Эцэг

Түүнийг гэртээ ядарч сульдаад ирэхэд 5 настай хүү нь хаалган дээрээ зогсоод хүлээж байлаа. Хүү нь түүнээс “Ааваа та нэг цагт хэр их мөнгө олдог вэ?” гэж асуужээ. Тэрээр энэ чамд хамаагүй гэж уцаарлан хэллээ. Гэхдээ ааваа хүү нь мэдмээр байна гэж хүү нь шалав. “За яахав 20$ олдог” хэмээн хариуллаа. Гэтэл хүү нь “та тэгвэл надад 10$ өгөөч” гэх тэр. Аав нь учиргүй уурлаж “Чиний хэрэгтэй хэрэггүй тоглоом янз бүрийн юманд чинь зарцуулах илүү мөнгө алга. Өрөөндөө ороод хаалгаа хаа гэжээ.
Хүү чимээгүйхэн ороод хаалгаа хаав. Аав ч уйртайгаар “Энэ хүүхэд яаж зоригтой асууж байнаа?” гэж боджээ. Нэг цагийн дараа тэрээр хүүдээ уурлаад мөнгөөр яах гэж байсаныг нь асуугаагүйгээ саналаа. Магадгүй үнэхээр чухал байсан ч юм билүү. Хүүгийнхээ өрөөнд ороод, орондоо хэвтэж байгаа хүүгээсээ “Унтаж байгаа юм уу?” гэж асуулаа. Хүү нь “үгүй” гэж хариулахад “Май энэ 10$-г ав. Түрүүн муухай аашилсныг минь уучлаарай өндөөдөр их хүнд өдөр байлаа.” Гэжээ. Хүү нь баяртайгаар үсрэн босоод “Баярлалаа ааваа” гээд орон дотроосоо бутархай мөнгө хадгалдаг хайрцагаа гарган, аавыгаа царайчлан хараад мөнгөө удаан гэгч нь тоолов. Аав нь мөн л уурлаж “Чамд мөнгө байсаар байтал яагаад надаас мөнгө авч байгаа юм бэ?” Чиний тоглоомонд оролцох зав надад байхгүй гэж хэлэхэд хүү нь “Ааваа би тантай нэг цаг баймаар байна. Энэ 20$-оор таны нэг цагийг авч болох уу?” гэжээ.

Цуурай

Найм ес орчим настай хүү эцгийн хамт ууланд аялж явжээ. Гэтэл хүү гэнэт хальтран унаад өвдсөндөө болон “ёо ёо” гэж орилжээ. Гэтэл дуу нь цуурайтан эргэн сонсогдожээ. Хүү хэн нэгэн бас “ёо ёо ” гэжорилохыг сонсжээ.

Өмнө нь ийм зүйлтэй огт тааралдаж байгаагүй тул гайхан:

“Чи хэн вэ”гэж хашгирав.

Хариу ч тэр дороо ирлээ.

“чи хэн вэ?”

Харин хүү бухимдан:

“хулчгар” гэв.

Хариу бас л ижилхэн:

“Хулчгар ” гэж ирэв.

Хүү аавда:

“Ааваа энэ чинь одоо юу болоод байгаа юм вэ би ойлгохгүй бна.” гэв

Аав нь:

“миний хүү сонсож бай” гээд,

“Бүх юм сайхан” гэж хашгирав

Уулнаас ирэх дуу нь эргээд

“Бүх юм сайхан” гэв.

Аав:

“Би чамд хайртай”

Уулнаас ирэх дуу:

“Би чамд хайртай”

Хүү гайхсан хэвээр сайн ойлгоогүй байлаа.

Үүнийг харсан аав нь: “Үүнийг цуурай гэдэг юм. Гэвч амьдрал үнэндээ яг цуурай шиг байдаг. Чиний хэлсэн, хийсэн бүр чинь эргээд чамд тэр хэвээр тусдаг. Амьдрал бол бидний өөрсдийн хийсэн, хэлсний цуурай мөн билээ. Амьдралыг сайн сайхан байлгаж, муу муухайгаас цэвэрлэхийг хүсч байгаа бол өөрийнхөө сэтгэлийг сайн сайхан байлгаж, муу муухайгаас цэвэрлэх хэрэгтэй. Бусдыг өрөвч, зөөлөн байгаасай гэж хүсч байгаа бол эхлээд өрөвч зөөлөн байх хэрэгтэй. Амьдрал гэдэг чи түүнд юу өгнө, эргээд яг түүнийг чамд өгдөг жамтай”. гэж хэлжээ.

Заяаны хань

Хаалгаар арай ядан тэмтчин орох залуу бүсгүйг автобусны зорчигчид их л өрөвдөнгүй харцгаана. Түүнийг Сузан гэх бөгөөд эмч нар буруу онош тавьж эмчилсэнээс гуч гаруйхан насандаа хараагүй болж, нэг л мэдэхэд уур уцаар, бухимдлын ертөнцөд унасан юм.

Хөөрхий бүсгүйд энэ ертөнцөд харах мэлмий, түших тулгуур болж үлдсэн цорын ганц хүн нь Марк байлаа. Тэрээр агаарын цэргийн армид алба хаана. Сузаныг хараагүй болоход түүний сэтгэл нь ихэд гутарсан боловч эхнэрээ өөртөө итгэлтэй, биеэ даасан эмэгтэй болоход нь туслах ёстой хэмээн Марк эрс шийджээ.

Сузан шинэ амьдралдаа өдөр ирэх тусам аажим аажмаар дасаж байв. Орон гэртээ байгаа айлын эзэгтэй хойно ойр зуурын ажлыг хөнгөхөн хийчихдэг боллоо. Тэр нэг үеэ бодвол хараагүй байна гэдэг тийм ч хэцүү зүйл биш болохыг ухаарч эхэлжээ. Цаг хугацаа өнгөрөх тусам тэд бие биенээ улам хайрлан, халамжилж, аливаа зүйлийг хамтарч хийдэг байв. Өдөр хоног ээлжлэн өнгөрсөөр Сузаны ажилдаа орох цаг нэгэнт болжээ. Эрүүл саруул байх үедээ ажил гэрийнхээ хооронд хол ч гэсэн автобусаар явж болоод л байдаг байсан. Харин одоо хараагүй болсон бүсгүйд ажил руугаа явна гэдэг хар дарсан зүүд мэт санагдана. Иймээс Марк өглөө бүр эхнэрээ ажил руу нь таксигаар хүргэж өгдөг боллоо. Сузан нөхөртэйгээ үргэлж хамт очиж, ирдэг болохоор сэтгэл нь тайван байдаг байв. Харин ингэж их анзаарч, асарч халамжлах нь ямар ч үр дүнгүй бөгөөд өөрөөс нь дэндүү их хараат болж байгаад Маркийн сэтгэл ихэд зовних болжээ.

Тиймээс орой Марк эхнэртээ өөрийн бодлоо хэлэхэд, Сузан ихэд цочирдон,
“Чи намайг мэдэж байна уу? Би чинь сохор хүн шүү дээ. Хаашаа явж байгаагаа яаж мэдэх юм бэ? Удахгүй чи намайг орхиод явахад, би гэдэг хүн хэрхэн амьдрана даа” хэмээн бухимдан уйлав.

Эхнэрийгээ ингэж хэлэхэд, Марк их өрөвдсөн боловч “Би чамайг ажилдаа өөрөө явж чаддаг болтол чинь автобусаар хамт явах болно” гэж хэллээ. Ингээд хоёр долоо хоногийн турш Марк цэргийн дүрэмт хувцсаа өмсөн, эхнэртэйгээ хамт ажилд нь очиж, ирж байхдаа хараанаас бусад мэдрэхүйгээ ашиглан, орчин тойрныхоо баримжааг яаж олох талаар мэддэг бүхнээ зааж сургав. Мөн ажилд нь хүргэж өгдөг автобусны жолоочтой танилцуулж, өглөө бүр нэг суудал хадгалж байхыг захижээ. Хэрвээ хүн өөрөө л хичээж зүтгэвэл, ямар ч бэрхшээлийг даван туулж чаддаг жамтай. Ингээд нэгэн өглөө Сузан эртлэн босож, ажилдаа ганцаараа явлаа. Анхны өдөр түүнд юм бүхэн хэцүү байсан ч өдрөөс өдөрт сайжирсаар, алхаа гишгээ нь хүртэл хөнгөн шингэн болж, бүхнийг хийж чаддаг болсон юм.

Нэг өглөө Сузан ажилдаа очихоор автобусанд суухад, жолооч түүнд хандан:
- “Бүсгүй та их азтай хүн юм” гэж хэлэв.
- “Хараагүй хүн яагаад азтай байдаг билээ?” хэмээн асуухад,
- “Өдөр бүр таныг автобусаар явахад цэргийн дүрэмт хувцастай нэг сайхан залуу байнга дагаж ирээд, гудамжаар ажилдаа хүрэх хүртэл чинь алсаас харж, ажил руугаа ормогц, гараараа үнсэлт илгээчихээд л яваад өгдөг юм даа” гэлээ.

Ингэж хэлэхэд, Сузаны нүднээс баярын нулимс мэлмэрч эхэллээ. Тэрээр нөхрийгөө ямар их ухаалаг, тэвчээртэй, өөрт нь дэндүү их хайртай, халамжтай, үнэнч хань болохыг энэ үед ухаарчээ. Зовох цагт нөхрийн чанар танигдана гэдэг энэ буюу. Бүсгүй их азтай хүн юм. Бурхан түүнд харах нүднээс илүү сэтгэлийн нүд, ханийн тэнгэр заяаж дээ.

Ёстой гоё өгүүллэгүүд байгаа биз :)

Дугуй - Тээврийн хэрэгсэл

2009-08-11T10:09:00.004+08:00

Манай ажил таксинаас өөр тээврийн хэрэгсэл очдоггүй хэцүү байрлалтай газар. Намрын налгар сайхан өдрүүд эхэлж байгаа болохоор алхахад тун чиг боломжийн сайхан байна. Ажил гэрийн хооронд алхахад 30 минут зарцуулна. Хэрэв автобусаар явбал 40 минут. Аа харин таксигаар бол 15 минут л зарцуулах боловч санхүүгийн гүн хямралд оруулах арга.

Гэтэл түүнээс сайхан нэг арга байгаа нь дугуй унах юм. 3 давхар оффистой болохоор 1 давхарт нь дугуйгаа эвхээд тавьчихна. Хэн нэгэнд саад болохгүй. Бас эвхэгддэг болохоор зай эзлэхгүй. Дээр нь төв зам хаасан байгаа болохоор автын аюулгүй, эрүүл, хурдан.

Гэтэл хүмүүс гайхаад хараад байх юм. Нэг костюмтай залуу бүүр инээж ирээд л харах юм. Энд гаж юм юу байгааг би огт ойлгохгүй байна. Манай Монголчуудын нэрэлхүү зан уу бүү мэд ээ дугуй унах нь шог зүйл юм шиг л хандах юм. Гадаадын бусад оронд дугуй унах нь энгийн зүйл байхад манай Монголд машингүй л бол гутамшиг юм байхаа.

За тэр ч яахав. Өнөөдөр ажилдаа дугуйтай ирсэнийх нэг зүйлийг мэдэж авлаа. Замын хашлагануудад дугуйтай хүн гарах хэсэг огт байхгүй юм. Дандаа өндөр хашлаганууд гарах гарцгүй барьчихсан. Ганц дугуйтай хүн гарахад зориулагдсан хашлагатай газар нь Сүхээ ахын талбайн хойдох зам. Өөр бусад газар бол арай нам хашлагатай газар нь гүрийгээд догонцоод гарах, эсвэл буугаад дугуйгаа түрэх. Тэр экстрийм гарууд нь л үсэрч ирээд л давах байх.

Одоо замаа засна гээд бүх хашлагануудаа авчихсан байгаа нөхдүүд буцаад хашлага барихдаа ядаж гарцтай хэсгээрээ дугуйтай хүн гарах налуу хэсэг хийчихээсэй.

Нэг хэцүү зүйл нь эмэгтэйлэг хувцас минь баяртай. Ахын авч өгсөн кеттэй дотно найзлаад авсан даа.

Энэ одоо юуных вэ?

2009-08-10T12:26:00.002+08:00

Эрэлт байгаа цагт нийлүүлэт байдаг гэдэг. Иймэрхүү мэдрэл юмнуудыг даган дуурайдаг хүмүүс байгаа болоод л ийм юм хийдэг хүмүүс байдаг байх. Нүүр будалтын зурхай гэнээ. Нүүрээ ямар ордоос хамааран будах нь байна шүү бүсгүйчүүдээ. Таны нүүрний арьс ямар өнгөтэй байх, шанаа нь хэр өргөн байх, хамар нь өндөр навтгар ямар байх, нүд нь онигор давхраатай байхаас үл хамааран гагцхүү ямар ордонд төрсөнөөсөө шалтгаалан нүүрээ буд гэж байна тэр зурхай гэгч зүйл нь. Одоо бов бор арьстай хүн байлаа гэхэд шав шараар нүдээ будаад явах юм байна л даа. Хаанаас ирсан алиалагч вэ. Хүн болгон ингэж хэлэх байх. Тэгээд хамгийн өрөвдөлтэй нь ийм юмыг даган дуурайгчид бас байдаг л байх даа.

Гого-ын блог хэсэж байгаад энийг олж уншив. Ямар блог байсныг нь мартсан болохоор зохиогчийн эрх хэн дээр гэдгийг мэдэхгүй байна.

Хонь

Таны нүдэнд зохих хамгийн гоё өнгө: Улаан

Яагаад: Энэ өнгө өөрөө хүч чадал, асар их хүсэл тэмүүлэл, урам зоригийг бэлгэддэг. Тиймээс аливаа шинэ зүйл, шинэ үйл явдал эхлэх үедээ хүч чадал, эрч хүчээ нэмэгдүүлэхийн тулд хэрэглээрэй.

Яаж будах вэ?: Завсрын эсвэл саарал өнгийн тенийг улаан тенийхээ өнгийг жаахан бууруулах үүднээс хольж тавиарай.

Үхэр

Таны нүдэнд зохих хамгийн гоё өнгө: Ногоон

Яагаад: Энэ өнгө оюун бодлыг залуужуулдаг. Эд баялаг, хүч чадлыг тань тэнцвэржүүлэх ба танд тайтгарал, тогтвортой байдлыг бэлэглэнэ. Энэ өнгийг хэрэглэснээр бие сэтгэлээ тэнхрүүлж, эд баялаг элбэг дэлбэг байдлыг өөртөө татна.

Яаж будах вэ?: Зовхин дээрээ үл мэдэг ногооноор будсаны дараа доод зовхио хар өнгийн хүрээлэгч /eyeliner/-ээр хүрээлээрэй.

Ихэр

Таны нүдэнд зохих хамгийн гоё өнгө: Шар

Яагаад: Эрч хүч, өдөөлтийг бэлгэддэг энэ өнгө нь гял цал, гэрэл гэгээгээр дүүрэн. Энэ өнгө таны санаа сэтгэлийг сайхан болгох увьдастай. Дурсамжаа, харилцааны чадамжаа дээшлүүлэх үүднээс энэ өнгийг хэрэглээрэй.

Яаж будах вэ?: Нарны гэрэл мэт гэгээлэг шар өнгийг нүдний урд хонхор хэсэг болон зовхины дотоод хэсгээр тавиарай. Дараа нь гадна талаар хар өнгөөр уусган тавиарай гэх мэт

Уссейн Болтуудын эх орон (Егөөдөл)

2009-08-04T16:06:00.001+08:00

Дэлхийн хамгийн хурдан хүн Уссейн Болт 100 м-г 9.69 секундэд туулсан гээд орой болгон Болд залуу рекламдаад байдаг даа. Ер нь бол манай Монгол орон чинь жинхэн Уссейн Болтуудын эх орон юм шүү дээ. Тэрийг тэр реклам хийгээд байдаг залуучууд ойлгодог юм уу бүү мэд. За яагаад вэ гэвэл гарц, гэрлэн дохио, жолооч нарын соёл гэгч зүйл маш том нөлөө үзүүлсэн гэж би хувьдаа боддог юм.

Гэрлэн дохио. Би анх гэрлэн дохиог ерөөсөө ойлгодоггүй байсан болохоор гэрлэн дохиогоор зам гарахыг огт хүсдэггүй байлаа. Энд миний IQ low байгаадаа биш юм. Балчир жаахан охин байхын л зурагтаар ногоон гэрэл асахаар хүмүүс цагаан шугамаар хөндлөн гулд ямар нэгэн саад бэрхшээлгүй гардаг гэсэн ойлголтыг тархинд бат суулгасан болохоор тэр юм. Гэтэл Монгол гээч эх оронд минь тэс эсрэгээр. Ногоон гэрэл аслаа (энэ үед уул нь замаар аюулгүй гарч болох ёстой) гэтэл эсрэг урсгалаас гэнэт машинууд цуварч эхлэнэ. Мэдээж гайхаад тэр машинуудыг өнгөрөөнө. Өнгөрөөж арайхийн дуустал улаан гэрэл (хайрт улаан гэрэл минь) асна. Тэгээд л машинууд бас цувраад л байна. Үнэхээр сонин. Багаас тархинд суугдсан зүйлээс тэс эсрэг зүйл болно. Би үүнийг програмист болсоныхоо дараа л ойлгосон. Манай Монголд гэрлэн дохиог буруу, дутуу, алдаатайгаар програмчлан ашигласан юм байнаа гэж. Орой болгон 4.30с эхэлдэг замын түгжрээний гол буруутан нь энэ. Гэтэл энийг хариуцдаг хүн хаана байдаг юм бол? Тэр хүмүүс, албан байгууллага одоо болтол яагаад энэ асуудлыг шийдвэрлэдэггүй юм бол? Мэдээж Монгол гэх сайхан эх орны минь халуун цустай залуучуудын хэн нь ч энэ алдааг өөр дээрээ авахгүй. Бусад руу л чихнэ. Тиймээс түгжрээд л, жолооч явган зорчигчгүй зам руугаа дайраад л байхаас.

Гэрлэн дохионы асах хугацаа. Манай Монголчууд уул нь цаг хугацаа, орон зайн баримжаа сайтай хүмүүс гээд өөрсдөөрөө их бахархдаг. Хаа газрын Монгол, Чингисээр өвчилсөн хэн ч тэнгэрт тултал магтаад цэнхэр дэлгэцээр залхтал ярьдаг. Гэтэл бодит амьдрал дээр ямар байна вэ? Арай алдаа багатай програмчилсан, эсвэл бурхны авралаас 3-4 замын уулзваргүй газрын гэрлэн дохион дээр жишээг авъя. Нэг замын эхлэлээс нөгөө зам хүртэл хүн Уссейн Болт шиг л гүйдэггүй юм бол амжиж гарнаа гэдэг үлгэр. Худлаа гэвэл би тэнд эндэхийн зам гээд баримттай хэлж чадна. Тэгээд тэр ногоон гэрлээр амжиж зам гарах гэсэн хүмүүс 8 настай балчираас 80 гарсан эмээ, өвөө нар хүртэл майжийгаад л гүйж өгнө дөө. Юун Уссейн Болт, тэр байтугай богино зайн уралдаанд гайхамшигтай хурдан гүйж ногоон гэрлээр амжилттай гарч байгаа юм чинь. Энэ бол манай үндэстний нэгэн бахархал шүү. Уул нь манайхан энэ тал дээр Олимпод тамирчин бэлтгэвэл их юм дуулгаж мэдэх юм.

Гэрлэн дохион дээр зогсож байгаа жолооч нарын соёл. Энэ бол маш стрессний асуудал. Ногоон гэрлээр гүйж гарах гээд бэлдэж байгаа хүмүүсийн гүйлтийн заман дээр нөгөө машинууд тэрийгээд зогсчихно. Тэгэхээр гүйгчийн зүгээс маш их авъяас, тэвчээр, бартааг туулна гэсэн үг. Тэгэхээр юун Уссейн Болт вэ, тэр чинь зүгээр л шулуун замаар 100 метр гүйдэг хүн. Харин манай Монголд бартаат замаар гүйгээд гарчихна. Уул нь цагаан гарцнаас зайдуухан эндээс хэтрэлгүй машинаа зогсоо гэсэн шугам байдаг л юм билээ. Манайхан тэрийг олж харахад хэтэрхий тэнгэрлэг хүмүүс юм байлгүй гүйгчдийн шугам дээр дандаа зогсдог. Тэгээд мөрөөрөө зогсоод байхгүй ээ, байн байн хаазлан төө, дэлэмээр урагшилсаар л байна. Сайхаан сайхан, сайхан хаазалдаг гоё “шаминтай” хүмүүс юм. Маш их стрессийг даван туулсаны дараа арайхийн зам ингэж гардаг байх нь.

Гэтэл бас дан ганц жолооч нар буруугүй юм аа. Манай Монголын нийслэл Улаанбаатар хотын минь төв гудамжны замуудыг хараад байгаарай. Бартаат замын жинхэн бодит илрэл. Гайхамшигтай. Энэ бол гайхамшиг. “Жолооч байнаа гэдэг бол эр зоригын асуудал хийгээд овсгоо, самбааны сорил” гэж миний найз залуу дандаа хэлдэг. Энэ бол үнэхээр маргашгүй үнэн үг юм.

Дээр нь нэг зүйл нэмээд донгосчихъё. Манай төрийн өндөрлөгүүд. Гайхалтай сайхан тэнгэрлэг хүмүүс шүү дээ. Түгжирч ядаж байдаг замыг 30 минут хаагаад гэрээсээ ажил руугаа явна. Ямар ч саадгүйгээр. Энэ бол тэдгээр хүмүүсийг ямар тэнгэрлэг хувьтай хүмүүс вэ гэдгийн бодит илрэлүүдийн нэг юм. 30 минут зам хаана, дээр нь түгжрээ арилтал 1 цаг орчим болно. Энэ хооронд маш олон хүнээр хараалгуулж, адлуулж, ална тална дээрээ тулуулж байсан ч өдөр болгон ажил гэрийн хооронд явсаар л байдаг. Буянтай айлын үрс юм аа та нар минь. Хайрлахаас өөр яахав.

Ишш Монголчууд минь, та бид ямар их хувьтай хүмүүс вэ? Өдөр бүр Уссейн Болтын амжилтыг давтаж, өдөр бүр шинээр Олимпын рекордыг эвдэгчдийг төрүүлж байдаг. Аль тэр Африк залууг дуудаж манайд бэлтгэлээ хий гэж хэл.

Швед ёс

2009-08-03T18:08:00.001+08:00

Швед ёс гэж их айхтар эд байдаг юм байна. Шинэ ажилд ороод анхны өдрөө л гайхлаа. Захирал маань Польш хүн боловч Шведийн иргэн гэж хэлүүлэх дуртай нэгэн. Монголд компани байгуулаад тэнд нь би өнөөдрөөс эхэлж “шинэков” ажилтан болон орж байгаа нь энэ. Гэтэл ажилласан ажлынхаа цалинг 2 сарын дараа авдаг гэнэ. Энэ ажилд орсон эхний өдөр шинэ ажлын хамтрагчид маань 6-р сарынхаа цалинг авч байна гэхээр нь үнэхээр гайхтал Швед ёс гэнээ.

Одоо цаг цөвүүн болсон үе. Ажиллуулж ажиллуулж байснаа цалин өгөхгүй “голорчих” ч юм шиг бас сонин сонсогддог эд юм гээч. 10 сарын 1 хүртэл цалингүй “элийгээ” хийнэ дээ.

Энэ бичлэгийг бичсэнээс 10 цагын дараа

Ажлынхаа эхний өдөр шинэ хамтрагчиддаа сайхан мад тавиулваа хэхэхэхэ. ЁСтой том онигоо шүү.

2012 он хүртэл нөөц дуусаа

2009-07-14T13:12:00.002+08:00

Экс ерөнхийлөгч ЭБ маань 2012 он хүртэлх одон медалийн нөөцийг дуусгасан гэнэ шүү. Одоо чинь 2009 он. Бүтэн 3 жил одооны ерөнхийлөгч маань хэнийгээ юугаараа шагнана даа. Чингисийн одонгоороо л нүүр тахлана даа, одоо "яадгүүлээ".

Үйлийн үртэй барилгууд

2009-07-08T14:24:00.022+08:00

Та бүхэн кино их үздэг байх. Би хувьдаа бяцхан донтон. Тэгээд олон кино үзсэний үндсэн дээр уг бичлэгийг бичих санаа орж ирээд. Юу вэ гэхээр кинон дээр байшин сав сүйдлээд л, бөмбөгдөөд л, нураагаад л, дэлбэлээд л байдаг. Гэхдээ тун цөөн хэдэн барилгуудын амар заяаг үзүүлэхгүй зовоодог.

За одоо өөрийн санаж байгаагаар жагсаагаад бичлээ. Та бүхэн нэмэрлэвэл би тун хурдан бичлэгээ шинэчлэн тавих болно.

1. Өчигдөрхөн Transformers үзсэн болоод ч тэрүү нэгд оруулж байна. ПИРАМИД. Үнэхээр үйлийн үртэй бүтээл. Хэдэн мянган жилийн өмнө хэдэн арван мянган хүний олон арван жилийн хөлс хөдөлмөр, нус нулимсаар бүтсэн болоод ч тэрүү уг бүтээл маань их үйлийн үр тээж явдаг юм шиг байгаа юм. Кинон дээр пирамидыг нураана, дэлбэлнэ, нэг автобот авирч гараад хэмлэнэ. Тайван байлганаа гэж байхгүй, дандаа байхгүй болгох талаас нь үйл явдал өрнөнө. Бас хамгийн их харь гаригынхантай холбоотой байж мэдэх барилга.

2. Эрх чөлөөний хөшөө. За энэ бол терористуудтай ч бай, терористуудгүй ч бай дандаа дэлбэлүүлж, элдэвээр оролдуулж байдаг эд. Олон хүнээс хандив нэртэйгээр дарамталж олсон хөрөнгөөр бүтсэн болоод тэгдэг юм уу бүү мэд ээ. Их л үйлийн үртэй эд. Гэхдээ америкчууд эрх чөлөөндөө хайртай болохоор тийм амар дэлбэлчихгүй ээ бас. Яаж байгаад ч болов үлдээхийг бодно.

3. Empire State Building. (За манайхан орчуулахдаа Эзэнт гүрний цайз ч билүү барилга ч билүү дээ элдэвээр орчуулнаа. Америкт ямар юмных нь эзэнт гүрний барилга байхав дээ.) New York-д үнэхээр олон барилга байдаг. Тэр олон барилга дундаас энэ барилга үнэхээр тайван байна гэж байхгүй. Очиж очиж өнөө муу Кинг конг хүртэл авираад амжихав дээ.

4. Гүүрнүүд. За гүүрнүүдийг бол ёстой элдэвээр зовоочихноо. Хамгийн их нурдаг, сүйддэг гүүрнүүд бол Golden Gate Bridge, Manhattan Bridge, Brooklyn Bridge. Хамгийн гоё нь X-Men III дээр шилжүүлдэг хэсэг. Миний бодлоор тэр Manhattan Bridge л байсан байх. Хүмүүсийг хайрланаа гэж байхгүй шүү, гүүрэн дээр байгаа машин дүүрэн хүмүүс бол хамтдаа "будаа" болцгооно шүү дээ.

5. Sphinx. За Сфинксийн хамрыг кино болгон дээр өөр өөрөөр тасдана шүү дээ. Ямар хэцүү хамаргүй байх заяатай бүтээгдсэн эд гэхээрээ ийм байдаг байнаа. Өнөө Остерикс ах маань хүртэл багтаж ядсан бяраараа тас татаад хаячихна гээч.

6. Линколины хөшөө. Линколины хөшөөны тухай ярьхад америкчуудын үнэхээр хайртай хүн болохоор бас хамаагүй дэлбэлчихэж чаддаггүй юм шиг санагддаг. Харин тэр хөшөөний өмнөх шат, багана бол сайхан дэлбэрнэ шүү дээ.

7. Нэгэнт Вашингтон ДиСи-д байгаа барилгын тухай ярьсных White House, Pentagon 2 бол байнгын терористуудын бай. Хөөрхий дөө, цөмийн бөмбөг, амиа хорлогч тээсэн онгоц хоёроос их л айдаг байх даа.

8. За дандаа дэлбэлж сүйдлээд яахав. Тэрнээс хэцүү байж мэдэх нэг хөшөөний тухай ярих гэж байна. New York-ын Хөрөнгийн Биржийн гадаа байдаг Бухын хөшөө. Ёстой үйлийн үртэй эддээ. Кино болгон дээр шахуу уг хөшөөний бөгсөн хэсэг гардаг. Ер нь ихэвчлэн бөгсөн хэсэг рүү нь толгойгоо чихэж байгаа ч юм уу нэг тиймэрхүү гол дүрийн залууг "байдалд оруулах" гэсэн зорилгоор ашиглана. Хэн дандаа бөгс рүүгээ толгой чихүүлээд байхыг хүсэх вэ дээ. (за энэ жаахан соёлгүй үг хэллэг ашигласан хэсэг болчихлоо. Уучлаарай) Доорх зурган дээр энэ танихгүй гадаад хүн хүртэл бөгсөн хэсэгт нь сууж зургаа авхуулсан байгаа биз. Бодвол хүмүүст их таалагддаг хэсэг бололтой ккк... (жаахан сахилгагүйтэв)

9. За одоо Европын барилгууд. Хайран сайхан урт настай барилгууд болохоор бас хамаагүй дэлбэлж байгааг харахад сэтгэл санаа хямрана гэж жигтэйхэн. Солир, терористууд дайрч байхад чичрээд зогсож байдаг алдарт барилгуудын тоонд Эфлийн цамхаг, Парисын Ялалтын хаалга, Берлины Бранденбург, Ватиканы сүм орно. Хэцүүдээ хэцүү.

10. За эцэст нь нураахгүйгээр дандаа бүтэн байснаар нь харуулдаг буянтай сайхан барилга бол Колисей билээ. Үнэндээ бол буянтай ямар ч зүйл байхгүй, гладиаторууд тулалдаж цусаа урсгадаг байсан газар. Гэхдээ олон кинон дээр бүтэн байгаагаар нь гаргадаг.

Алиса гайхамшигийн оронд

2009-06-30T11:02:00.010+08:00

Бага байхад ийм хүүхэлдэйн кино гардаг байж билээ. Тухайн үед жаахан охин ч байж аавтайгаа зэрэгцэж суучихаад л хүүхэлдэй үздэг байлаа.

Гэтэл энэ зохиолоор нөгөө алдарт, олон хүний хувьд гаж мэт харагдаж мэдэх миний шүтээн Tim Burton кино хийж байна гэнэ. Мэдээж түүний найруулсан кинонд наддаа л дэлгэцийн бурхан Johnny Depp заавал байдаг билээ. Ялангуяа иймэрхүү этгээд имижтэй бол бүүр ч.

Энэ 2 хүн нийлэхээрээ кино гэгчийг яаж яваад ч юм мэдэхгүй, үнэхээр сонирхолтой болгочихно. Ёстой яаж яваад ийм хүмүүс нийлчихдэг байнаа.

Гадаадын сэтгүүлүүд болон томоохон интертаймент вэб сайтуудаар ямар гээчийн гаж, хар дарсан зүүд шиг кино гарах болоо гээд л бичицгээж байна. Гаж нь ч гаж болох байхаа, гэхдээ үнэхээр сонин содон имижтэй уран бүтээлчид шүү. Зарим кино нь бие зарсхийлгэдэг ч үзэхэд урамтай гэж жигтэйхэн.

Ингээд тус киноны анхны зургуудыг харцгаая.

Үндэсний цэцэрлэгт хүрээлэн

2009-06-22T13:28:00.003+08:00

Зүлгэн дээр гэрээ бариад зүгээр л сайхан амьдрах юмсан гэж.

Улаанбаатар хотод хамгийн их хэрэгтэй байгаа зүйл бол цэцэрлэгт хүрээлэн. Хүүхэд залуусын чөлөөт цагаа өнгөрөөж, хөгшид хүүхдүүд тоглон нарлаж, залуус болзох тэр орчин хамгийн их дутагдаж байгаа билээ. Тэгвэл Нийслэлийн Засаг дарга бөгөөд Улаанбаатар хотын Захирагчийн 2009 оны 268 дугаар захирамжаар Улаанбаатар хотын Баянзүрх дүүргийн нутаг дэвсгэрт 670 га газарт “ҮНДЭСНИЙ ЦЭЦЭРЛЭГТ ХҮРЭЭЛЭН” байгуулахаар шийдвэрлэсэн байна.

Зорилго, ач холбогдол:
• Энэхүү цэцэрлэгт хүрээлэнг байгуулахад нийслэлийн нэг иргэнд ногдох ногоон байгууламж 6 м2 байгаа бол 12 м2 болон 2 дахин нэмэгдэнэ.
• Сая гаруй хүн амтай нийслэл Улаанбаатар хотод иргэдийн чөлөөт цагийг зөв боловсон өнгөрүүлэх спорт, амралтын цэцэрлэгт хүрээлэн байгуулах
• Нийслэлийн агаарын бохирдол өвлийн улиралд байх ёстой хэмжээнээс 5 дахин их байгаа бөгөөд нийслэлийн ногоон байгууламжийг нэмэгдүүлэх замаар агаарын бохирдлыг бууруулах
• Хүн ам ихээр суурьшсан дэлхийн нийслэл хотуудын жишигт нийцсэн Үндэсний цэцэрлэгт хүрээлэн байгуулах.
• Улаанбаатар хотын цэвэр усны нөөцийг хамгаалах

Байршил: Олимпийн гудамж, Маршалын гүүрнээс зүүн тийш Баянзүрхийн гүүр хүртэл Туул голын хойд хөндийд 670 га талбай

Зохион байгуулалт: Үндэсний цэцэрлэгт хүрээлэнг Монгол Улсын нийт иргэд, байгууллага, аж ахуй нэгжийн оролцоотойгоор байгуулна. Тус цэцэрлэгт хүрээлэнгийн нь зөвхөн ганцхан жилийн дотор баригдах бус 5 жилийн турш баригдах томоохон бүтээн байгуулалтын ажил тул 20 гаруй тэрбум төгрөг шаардлагатай.

Үндэсний цэцэрлэгт хүрээлэнгийн эхний ээлжийн ажил буюу 150 га талбайн төлөвлөлтийг хийсэн төдийгүй 2009 онд нийт 55 га талбайд мод, бут, сөөг тарьж ургуулах, хамгаалалтын хашаа, төв хаалгыг барих ажлууд хийгдэнэ. Тус ажилд зориулж Нийслэлийн 2009 он төсвийн тодотголоор 1 тэрбум төгрөгийг төсөвлөсөн.

Иймд уг бүтээн байгуулалтын ажиллагаанд иргэн, байгууллага бүрийн дэмжлэг хэрэгтэй байгаа тул бид дараах уриалгыг хүргэж байна.

1. “Нэг өдрийн цалин” аян: Уг үйл ажиллагаанд бүх иргэд оролцох боломжтой бөгөөд энэхүү аян нь 2009 оны 06 сарын 24-ны өдөр явагдана. Аянд оролцож нэг өдрийн цалингаа хандивлаж байгаа иргэд Үндэсний цэцэрлэгт хүрээлэнд өөрийн нэрэмжит модтой болно. Үүнийг байгууллагууд нэгдсэн журмаар зохион байгуулвал илүү тохиромжтой юм.

2. Дуудлага худалдаа:Үндэсний цэцэрлэгт хүрээлэнгийн зүрхэн цэгийг өөрийн нэрэмжит болгон тохижуулах эрхийн дуудлага худалдаа

Байгууллагуудын дунд энэ үйл ажиллагаа хэрэгжих ба гол хаалгыг угтсан газрыг өөрийн нэрэмжит болгох давуу эрхийг байгууллага эдлэхийн тулд дуудлага худалдаанд оролцох эрхтэй. Ингэснээр байгууллагын имиджийг бүрдүүлж, давуу талыг олж авах боломжийг хүртэнэ.

3. Машин бүр 1000₮: Улаанбаатар хотын бүх авто тээврийн хэрэгслийг үндэсний цэцэрлэгт хүрээлэнгийн ажилд нэмэр болгон I love UB гэсэн стикерийг бидний санал болгосон ШТС-ууд дээрээс итгэмжлэлт хүмүүсийн гараас худалдан авах.

Сүүлийн үйл ажиллагааг Пүрэв гариг 6 сарын 25-нд явагдах бөгөөд итгэмжлэлт төлөөлөгчид, ШТС-н нэрсийг дахин зарлая ;-)

Хэрэв та уг үйл ажиллагааг дэмжиж байгаа бол, мөн хамтран ажиллахыг хүсвэл өөрийн саналуудаа "Ногоон дэлхий" багт хандан тавихыг хүсье.
Холбогдох хаяг: 8811-1816, gantulgat at gmail.com, Y!: swissbank1

“Үндэсний цэцэрлэгт хүрээлэн” сангийн данс: Улаанбаатар төрийн сан банк 200051063 тоот данс

Цогц Монгол

2009-06-19T15:08:00.001+08:00

Манайхны сэтгэлгээ хэтэрхий цогц шүү. Бүр дэндүү цогц. Хэд хэдэн жишээ авъя.

Манай ерөнхий боловсролын хүүхдүүд. Тэнд 10-р ангийн нэг сурагч дуучин болмоор байдаг. Тэгсэн математик, физик, химийн багш нь зовоогоод байдаг. Үнэхээр сонирхолгүй байдаг, гэтэл заагаад тулгаад шалгаад байдаг. Муу дүн авбал толгойгүй. Тийм болохоор бүх хичээлдээ сайн байх хэрэгтэй. Үгүй ээ, ёстой ч юм уу.

Өөр жишээ гэвэл оюутны дипломын ажил. Тэнд нэг хүүхэд бүүр CRM-ийн сэдвийг тэр чигт нь авч байна. /пай базарваань/ Өөр нэг хүүхэд Иргэний бүртгэл мэдээллийн сэдвийг авч байна. /тэр дурак нь би. Гэхдээ Улсын биш дүүргийн. Тэгэхээр арай дөртэй байгаа юм/ Бас өөр нэг нь Нябо бүртгэлийн систем авч байна. Бүгд лут том сэдвүүд. Дотроо олон жижиг дэд системүүдтэй. Гэхдээ л нэг хүнд өгчиж л байгаа юм. Багш нь ч бүрэн хий гэж зөвлөхгүй, оюутан нь ч бүрэн хийхгүй, бүрэн хийж ч амжихгүй, хийлээ ч нуль алдаа. Миний бодлоор ингэж цогцоор нь НЭГ хүнээр хийлгэж байхаар 3 хүнд хуваагаад 1 цогц систем гаргаж авч болдоггүй юм болов уу. Би гэхдээ гайхсаар байгаад л сургуулиа төгсчихсөн юм.

Үнэхээр Universal л биш бол ажил олох гэдэг хэцүү болж. Өөрийн мэргэжлээр жишээ авъя. Програмист хүн – вэб мастер, график дизайнэр, флашийг төгс эзэмшсэн, өргөн хэрэглэгддэг бараг бүх програмчлалын хэлийг мэддэг байх мөн Oracle, MySQL, MSSQL зэргийг бүгдийг нь мэддэг, чаддаг байх шаардлагатай. Үгүй бол ажил олдохгүй юм шиг ээ. Нээрээ, энэ заруудыг хараад байхад яг тийм байгаа шүү.

Өөр жишээ авбал Biznetwork гээд сайхан портал сайт байна. Бүүр анх нээлтээ хийснээс хойш бидний өргөн хэрэглэдэг портал болсон. Гэтэл одоо Bolzoonetwork болчихож. Тэнд 2 хүн танилцаад хос болж байна, бүлэг үүсгээд шоу, парти зохион байгуулж байна, бүр бүлэг дамнасан парти ч болж байна, нэг оюутан хүн ажил ч олж байна, 2 бизнесмэн танилцаад түншүүд ч болж байна. Ерөөсөө бүх үйлчилгээ нэгэн дор, цогц портал. Сүүлдээ порталийн зорилго нь алдагдчихсан. Тэгж партидаад яваад байгаа залуус нь хүртэл анх ямар зорилгоор энэ портал бий болсоноо ч мэдэхгүй өөдөөс үг шидээд л ... Тэгээд хазайгаад байна гээд хэлэхээр шизотойгоор нь дуудаад л. Монголын анхны Фото блог Агшин байна. Анх миний санаж байгаагаар 3 хүн нээж байсан санагдана. Гэтэл одоо 50 гаран нийтлэгчтэй болчихсон. Гэхдээ онцлог нь яг зорилгынхоо дагуу, тэнд нийтлэгч хийж байгаа хүмүүс бүгд өөрийн авсан зураг, эсвэл алдартай зурагчны ярилцлага зэрэг яг фото зурагтай холбоотой зүйл оруулна. Нэг ч хүн тэнд шүлэг, дуу, партидий гэсэн юм оруулахгүй. Партидсан байлаа ч тэндээ ил тодоор бахархаад бичээд байхгүй. Ингээд л харьцуулаад хэлэхээр л шизотойгоор нь дуудаад байгаа юм даа.

Тэгээд ингэж цогцоор нь анхнаас нь сургасаар байгаад эхнээсээ асууж байна шд оюутнууд нь. Миний мэргэжлийн асуулт, гэхдээ олон хүнд ойлгогдох үүднээс санхүү, эдийн засгийн тал руу хөрвүүллээ. Асуулт нь “Нябо хүн яагаад санхүүгийн тайлан тооцоо гаргадаг юм бэ? Бүр учраа ч олохоо байлаа”, “Маркетингийн менежер хүн яагаад бараа бүтээгдэхүүнийг сурталчилдаг юм бэ. Бүр учраа ч олохоо байлаа” гэж. Тэгээд өөрөө төгсөх курсын оюутан гээд байгаа. Бүтэн 3-4 жил нябо /хөрвүүлээд/ -оор сурчихаад яагаад тайлан тооцоо гаргадгыг л мэдэхгүй эргүүтэж явна шдээ тэнд.

Миний бодлоор аливаа юм салбарлаж байж, салбарлан хөгжиж байж илүү цогц болох ёстой юм биш үү. эсвэл нэг хүн бүхнийг хийх ёстой гээд зүтгээд байх юм уу? Манайд л тэгдэгээс өөр оронд бол тэгдэггүй юм шиг ээ.

Biznetwork??? Эсвэл болзоо тогтоох газар уу?

2009-06-14T13:17:00.003+08:00

Манай монголд Hi5, MySpace, Twitter шиг залуусын хооронд холбоо тогтоох портал сайт байхгүйгээс болж ганц нээгдсэн Biznetwork нь "Царайлаг биш Сингл залуус"-ын бүлэг, учраа олоогүй оюутан охины "Uchraa ch olohoo boliloo" зэрэг ганц асуулт асуух зорилгоор үүсгэсэн бүлэг (ядаж байхад тэр асуусан асуулт нь ээ) зэргээр дүүрч байгаа бололтой. Уул нь Biznetwork-ын гол зорилго нь нилээн албаны ба бизнесменүүд хоорондын зууч, ажил олгогч, хайгч хоёрын гол гүүр нь болох байсан. Гэтэл одоо энэ зорилгоосоо нилээн хазайсан бололтой.

Миний ойлгосноор бол эхлээд залуусын энэ цангааг тайлсан портал сайт үүсгээд жил болсны дараа Biznetwork мэтийн албаны портал гаргах хэрэгтэй байж. Тэгсэн бол уг портал зорилгынхоо дагуу элдэв маасраагүй портал болох ёстой байж л дээ.

Уг бодлоо нэг бизнетворкын гишүүнд хэлтэл учиргүй их өмөөрсөн зүйл болсон. Гэхдээ албаны зүйл албаны, хувийн зүйл хувийн л байх хэрэгтэй биз дээ. Юуны учир

Өөрийн бизнесээ сурталчил
Компанийхаа үйлчилгээг таниул
Бизнесийн түншээ ол
Хуучин танилуудтайгаа уулз
Шинэ хүмүүстэй танилц - мэдээж таны бизнест хэрэг болох хэн нэгэн чадварлаг мэргэжилтэн
Ирээдүйн бизнесийг өнөөдрөөс
Интернэт-д байр сууриа эзэл - интернетээр дамжуулан өөрийн бизнесийг сурталчил

гэсэн зөвлөгөөтэй байгаа юм бэ? Энд ямарч Хосоо ол, Царайлаг Синглүүдийн үдэшлэг зохио гэсэн зүйл байхгүй байгааг харж байгаа байх.

Би Biznetwork анх нээлтээ хийгээд 2 билүү 3 сарын дараа "Анхны хос төрлөө" гэсэн гарчигтай хэлэлцүүлэг олж харсан. Би тухайн үед нь хэлж л байсан "Энэ хосоо олж болзоо товлох газар биш. Зорилгынх нь дагуу нэг ч болов зүйлийг ашиглаж суръя" гэж. Энэ шүүмжид хариу цохилт өгөх л байх. "Хүмүүс хаана ч танилцаад хос болж болно" гэж. Тэгвэл ийм олон түмэнд дэлгээд байх шаардлагагүй зүйлийг бахархалтай нь аргагүй дэлгэж тавьснаас болж өнөөдөр ингэж зорилгоосоо хазайсан зүйл болчихсон байна.

Одоо ингэж хэллээ гээд нөгөө царайлаг биш синглчүүд нь бариад идчих вий дээ. Би бодлоо л хэлсэн шүү.

Цэлмэг тэнгэр, Зөөлөн буулт

2009-06-09T16:47:00.004+08:00

Нисэгч хүний хүсэх ганц зүйл. Цэлмэг тэнгэр зөөлөн буулт.

Та нарын хэн нэг нь хэзээ нэгэн цагт нисэгчийн кабинд суугаад онгоцоор нисэж үзсэн үү? Тэгвэл би үзсэн. Бас азтай байгаа биз. Яг л үүлэн дээр алхаж, хэний ч мэдэхгүй тэр орон зайд орчинсон юм шиг. Дахин тэр мэдрэмжийг мэдрэх юмсан.

Мөрөөдлөөр болдог бол аавынхаа бариад нисч байгаа онгоцны кабинд суугаад нисэх сэн.

Тархины шүүлтүүр

2009-06-08T17:16:00.002+08:00

За ёстой сүр гарчиг өгчихлөө. Гэхдээ боддогоо л биччихье.

Одоо энэ ТВ, радио, сонин хэвлэл, интернетээр гарч байгаа мэдээллүүдээс үнэн зөвийг нь шүүгээд наанатай цаатай ойлголт авчих хүн хэр олон бол? Хэн нэгнийг луйварчин, хулгайч, танхай новш, хогийн хужаа болгох ч амархан болж дээ хөөрхий. Нийт хүмүүсийн масс нь шууд хүлээж аваад тархиндаа гүн суулгачих юм.

Тэгээд учрыг нь ойлгуулах гээд хэлэх гэхээр сайн найзтайгаа хүртэл андын тангараг таслах шахам болох юм. Сайн найзтайгаа Элбэгээг хужаа эсэх дээр яриад муудаж байхад нэг блоггэр андтай бол ана мана үзэлцэх нь энүүхэнд юм.

Тархиндаа шүүлтүүртэй байцгаая. Бусдыг хэлэлтгүй би ч гэсэн.

Ээждээ баярлалаа

2009-06-05T09:22:00.002+08:00

Хайрламаар сайхан настайгаа золголоо доо. Ёстой хийдэг л нас ккк...

Миний төрсөн өдрийн битүүний битүүний битүүнээс битүүний битүүн, бас битүүнийг тэмдэглэсэн блогчиддоо баярлалаа. (би л лав ийм олон өдөр битүүн хий гэж хэлээгүй дэг) Ер нь блог бичээд 3 жил болжээ. Өчигдөр блогчидтойгоо хамтдаа төрсөн өдрөө тэмдэглэсэн. Энэ блогыг бичээд олж авсан сайхан зүйл нь найз нөхөд болсон та нар минь юм даа.

Дээр нь хамгийн гол нь ээждээ баярлалаа. Надтай найз болсондоо баяртай явдаг бол ээжид минь баярлаарай :)

Монголдоо дургүй Монгол

2009-05-28T14:40:00.000+08:00

Гадаад оронд амьдарч Галуу шувууны мах идсэн хүмүүсээс гардаг хамгийн түгээмэл зан. Монголдоо дургүй Монгол. Магадгүй илүүг үзсэндээ тэгж ярьдаг байх. Хамгийн наад захын жишээ. Энэ Блог дундын чатад уур амьсгалыг тэр чигт нь өөрчилдөг Мисс Ворлд. Монгол хүүхнүүд ийм тийм, Монгол хүүхнүүдийг дуурайсан чинь тийм ийм. Монгол залуус тийм ийм... (харин тэр бүсгүй/залуугын харьцаа ямар билээ? Гайхалтай бүдүүлэг)

Бас гадаадад амьдардаг эсвэл амьдарч байсан босстой ажилчид. Тэдний хоорондох харьцаа. Нөгөө ажилчин залуус бүүр сүүлдээ яаж харьцахаа мэдэхээ байчихсан. Монгол, гадаадын орон дамжсан бизнес хийх гэж байгаа бол тухайн орныхоо ч монгол орныхоо ч онцлогыг бодож ажилчидтайгаа харьцах хэрэгтэй байх. Гэтэл эсрэгээр гадаад орны хүмүүс гайхамшиг, Монголчууд эргүү малууд шиг л харьцана.

Би нэг юманд үнэхээр гайхдаг. Өөрөө Монгол биш юм шиг яагаад тэгж ярьдаг юм бүү мэд. Миний бодлоор бол манайхны нийтлэг дутагдал нь тийм шүү. Харин энд бол өөр байдаг. Тиймээс аль болох тэгж ажиллаарай гэх ч юм уу тайлбарлаж хэлэхийн оронд “Монголчууд ер нь ийм заваан, яасан ийсэн” гээд л дайрч гардаг. Энэ нь “Би ер нь их заваан, тэгдэг ингэдэг” гэж байгаа юм шиг л сонсогддог.

Зөв шаардлагагыг зөв тавих л хэрэгтэй байх.

За би цөөнх хэдэн хүнд л хандаж ингэж бичсэн билээ. Тэрнээс бүх хүмүүсийг хэлээгүй шүү. (Сонгууль 2009 ингэж л нөлөөлсөн байна шүү дээ хэхэ)

Нэгэн түүх ийм бөлгөө

2009-05-14T22:01:00.002+08:00

1990 он, Ардчилал гарч Монголчууд гадаад орон руу чөлөөтэй явах эрхтэй боллоо. Энэ үеэс тэдний амжилтын гараа эхэлжээ. Эхэндээ 2 найз гахай зөөн наймаа хийдэг байлаа. Өдөр ирэх бүрт тэдний наймаа амжилттай болж их мөнгөөр эргэдэг боллоо. Гэхдээ амжилтын зам дардан байсангүй Оросын атамануудад дээрэмдүүлж, өөрийн хүч хөдөлмөрөөр олсон мөнгөө ингээд алдаж байгаатай эвлэрч чадахгүй гар зөрүүлэн бүүр эмнэлэгт хүнд биетэйгээр хэвтэж байв. Энэ тэдний амжилтын уртаас урт замын эхний саад болов. Хүний халаасыг ухна гэдэг дэндүү өрөвдөлтэй зүйл. Гэвч тэд шантарсангүй.

Харин нэг найз нь гадаад оронг зорин боловсрол олохоор аянд гарав.

1996 он, тэрээр Монголдоо ирэв. Ирсэн даруйдаа найзтайгаа нийлж валют солилцооны жижигхэн төв нээлээ. Тэд хүний гар харалгүй, хэн нэгнээс луйвар хийлгүй өөрсдийн хөдөлмөрөөр мөнгө олж жижигхэн төвөө томруулсаар томруулсаар байв. Их ч хөдөлмөр зарж ажлын байраа гэрээ болгон хэдэн жил маш шургуу ажиллаа.

2000 он, тэд нэгэн банкыг байгуулав. Анхны хувийн банк. Гурван залуугын цэвэр хөлс хөдөлмөрөөр бүтсэн банк. Энэ бол нөр их ажлын эхлэл төдий л байв. Маш шургуу ажиллаж Монголын Банкны Системийн топ банк, Монгол улсын төсвийн 10 хувийг бүрдүүлдэг томоохон банк болон хувирав. Харин энэ үетэй зэрэгцэн улс төрийн байдал тогтворгүй болж ирлээ. ХУ ахын бороохой олон түмнийг балбаж авилгал гэх аалзны торыг бий болгов.

2008 он, СОНГУУЛЬ. Тэд хэнд ч авилга өгөхийг хүссэнгүй. Ху ахад ч мөнгө өгч сонгуульд амжилттай оролцоорой гэж бялууны хэсэгхэн горьдож суудаг бяцхан жаалууд шиг царайлсангүй. Харин Ху ах мөнгө өг гэж атаманддаг байж тэднийг.

2008 оны 12 сар, тэдний халаасанд Ху ахын гар оров. Хувийн өмчийг нь эзлэн авахыг оролдов, эздийг нь шоронд хийв. Хүний халаасыг ухна гэдэг дэндүү өрөвдөлтэй зүйл. Энэ тэдний амжилтын хоёр дахь саад болов. Гэвч тэд шантарсангүй. Амжилтын уртаас урт зам үргэлжилсээр, тэд тэмцсээр...

Бурхаан, яг ингээд бичиж байхад Ху ахын ивээлд байх нэгэн хорооны дарганцар гэрт орж ирээд 5000 төгрөг өгчихөөд гараад явлаа.

Ху ахын гарыг хүндрүүлээгүйн төлөө торны цаана ордоггүй төртэй нийгэмд амьдрахыг хүсч байна.

Анод банкны гүйцэтгэх захирал Д.Энхтөр: Өлсгөлөн зарлах мэдэгдэл

2009-05-11T12:00:00.002+08:00

Миний Монголын ард түмээн,

АНОД Банкны өнгөрсөн 17 жилийн үйл ажиллагааг товч дүгнэн хэлвээс хадгаламжийн хүүгээр 200 мянган хүнийг амьдралтай залган, зээлийн үйл ажиллагаагаар 20 000 хүнийг ажлын байртай болгон хэдэн зуун тэрбумын орлогыг төсөвт төвлөрөхөд шийдвэрлэх нөлөөтэйгээр оролцон, Монгол улсын эдийг засгын 10 хувийг бүрдүүлэн ажиллаж байсанд оршино. Бид жирийн нэгэн монголын ажил хэрэгч хүмүүсийн хувьд хийж буй ажлаараа бахархан, төрийн дээд шагналыг хүртэн, Тэргүүний Санхүүч, Татвар төлөгч, Бизнесмэн зэрэг шагналуудыг удаа дараа авч байсан.

2007 оноос дэлхийн санхүүгийн хямрал эхлэн, банк санхүүгийн хөгжлөөрөө дэлхийд тэргүүлдэг Швейцар, Англи, Америк зэрэг олон улсын том банкууд толгой дараалан дампуурч, эдийн засгаа аврахын тулд хүндэрсэн банкуудаа засаг төр, төв банкинд мөнгө байршуулах зэргээр хүмүүнлэг арга хэмжээг авч буйг та бүгд бид хэвлэл мэдээллээр байнга сонсч байгаа.

2008 онд Монголын эдийн засаг дээрх хямралд өртөн зэс цайр, малын түүхий эдийн үнэ унасан болон аялал жуулчлал зэрэг гол экспортын борлуулалт унаж, төсвийн алдагдалд орон, банкуудын идэвхтэй үйл ажиллагаа суларч, барилгын салбарт санхүүжилт зогссоноос олон дуусаагүй барилга үлдэж, олон нэрийн барааны борлуулалт буурсан. Мөн өнгөрсөн онд улс төрийн сонгууль ихээхэн будилаантай болж, 7 сарын 1-ны үйл явдал, шинэ Засгийн газрын бүрдүүлэлт сунжран цаг алдсан зэрэг улс төрийн үйл явдлууд тэртэй тэргүй хүндэрч байсан нь эдийн засагт томоохон цохилт болж, Монгол үйл ажиллагаа эрхэлж байсан жижиг дунд хөрөнгө оруулагчид мөнгөө татах зэргээр төгрөгийн ханш унагах, будилаан самуунаар харилцагчид банкнаас мөнгөө татах гэх мэт эдийн засаг, санхүүгийн сөрөг үр дагавруудыг бид туулсан.

Манай банкны хувьд дээрх гадаад орчны таагүй нөхцөл байдал дээр дотоод менежментын доголдол, хамтын засаглалын зарчим алдагдах зэргээр цэвэр бизнесын үйл ажиллагаанаас болж банкны төлбөр түргэн гүйцэтгэх чадварын эрсдэлд орсон. Харамсалтай нь төв банк АНОД банкыг 17 жил хянаж ажиллаж байсан мөртлөө энэ хүнд үед биднийг олон арван тэрбумыг хувьдаа завшсан мэтээр худал гүтгэлэг, хар PR тараан шоронд хориуллаа. Дээрээс нь цагдаагийнхан биднийг банкны үйл ажиллагаа, хөрөнгө оруулалт, үнэт цаасны зах зээл, эрсдэлүүдийн талаар анхан шатны мэдлэггүй хүмүүсээр байцаалт явуулан, хүн бүрт 10-20 жилийн ял тулган, онц аюултай хүнд гэмт хэргүүдийг хүлээлгэхээр 5 сар шоронд хорин залхааж байна.

Ардчилсан хүмүүнлэг оронд бол эдгээр хохирогч болгон зарлахаар зэхэж буй 1200 жижиг хувьцаа эзэмшигчдийн эрх ашгийг зохицуулах олон аргууд байдаг. Цагдаагийн газрын явуулж буй энэ бусармаг үйл ажиллагаа нь ардчилсан оронд байж болшгүй хэлмэгдүүлэлт бөгөөд 1937, 1960, 1980-аад оны хэлмэгдүүлэлтийг санагдуулж байна. Монголын Банкуудын Холбоо, Монголын Худалдаа Аж Үйлдвэрийн Танхим, Монголын Бизнесийг дэмждэг, хүний эрхийг дээдэлдэг олон улсын байгууллагуудад энэхүү болж буй үйл явдал анхаарлаа хандуулахыг хүсч байна.

Би энэ шударга бус үйл явдлыг эсэргүүцэн, өөрийн үр хүүхэд, гэр бүлийн төлөө амь насаа дэнчин тавьж, өлсгөлөн зарлаж буйгаа мэдэгдэж байна.

Шударга үйлс дэлгэрэх болтугай.

Нэгхэн саналаар ирээдүйг бүтээнэ

2009-04-29T12:36:00.000+08:00

2008 онд Америкын Нэгдсэн Улсын Ерөнхийлөгчийн сонгууль болсныг хэн хүнгүй мэднэ. Харин ид сонгуулийн компанит сурталчилгаа явуулж байх үеэр Холивудын нэрд гарч яваа найруулагч Joshua Michael Stern нэгэн киног хийж залуучуудыг сонгуульд урин дуудаж ердөө нэгхэн саналаар ирээдүйг бүтээдэг юм шүү гэдгийг анхааруулахыг зорьжээ.

Уг кинонд АНУ-ын ерөнхийлөгчийн сонгуулийн үр дүн гайхалтайгаар яг тэнцүү гарч ердөө ганцхан хүний саналаар Бүгд Найрамдах болон Ардчилсан намаас нэр дэвшигчийн хэн нь АНУ-ын ерөнхийлөгч болохыг шийдэх болдог.

Харин манай Монголд ээлжит Ерөнхийлөгчийн сонгууль болоход сар хүрэхгүй хугацаа үлдлээ. Гэтэл УИХ-ын эрхэм гишүүнээс эхлээд саналаа өгөхөөс татгалзаж олон залууст хэнээрхэл үүсгэж байх юм. Би хувьдаа тэр эрхэм гишүүнд саналаа өгсөндөө учиргүй харамсаж эхлээд байгаа хүн. УИХ-ын гишүүнээс эхлээд сонгуульд саналаа өгөхгүй гэж байхад манай монголд ноён Баабарын хэлсэнчилэн Эзэнбаяр байсаар л байна. Залуучуудаа, төрийн эрхийг барих мөч ердөө сонгуулийн үеэр л чиний гарт ордог билээ. Гэтэл яагаад сонгуульд саналаа өгөхгүй гэж маадгар ярих болов оо. Ердөө ганцхан саналаар ирээдүйг бүтээнэ. Чиний өгөх санал ямар их нөлөөтэй болохыг мэдэхгүй байна гэж үү?

Магадгүй саналыг чинь луйвардах байх. Луйвраар сөрөг санал өгөх явдал бишгүйдээ их гарах байх, тооллогын явцад тог таслах байх. Гэсэн ч яаж ч луйвардаад барахаа больжээ гэтэл нь саналаа өгцгөөе. Цаана чинь яаж ч луйвардаад далхан хүний саланаар ялж гишүүн болсон хүн байна. Энэ нэгийг дуулгаж байгаа бизээ. Бүгдээрээ сонгуульд идэвхитэй оролцож АРДЧИЛСАН НИЙГМИЙГ бүтээцгээе.

Солонгос киноны онцлогууд

2009-04-25T14:49:00.001+08:00

Солонгос, Хятадын соёлын довтолгоонд манайхан өртөөд нилээн хэдэн жил боллоо. Анх ганц нэг кино үзчихдэг байсан юм аа. 3 дахь киноноос эхлээд л явцгүй болж ирсэн юм. Гэтэл улам лавширан тахин шүтэгчид нэмэгдээд байх юм. Харамсалтай юм аа. Тэгээд би бодож үзлээ. Бас хэсэг блогчидын хэлсэн зүйлийг хураангүйлаад бичихээр шийдлээ.

Монголчууд Солонгосчуудыг сайн мэддэг болсон байх. Ямар хүмүүс байдаг, ямар зан араншин, соёл шүтлэгтэй гээд л. Тэгээд доор сийрүүлэн бичвэл ийм байна.

1. Солонгосчууд нэр цээжлэх дургүй улс

Хэрэв та солонгосд очоод хэдэн хүнтэй найз болвол зөвхөн нэгнийх нь нэрийг нь цээжилсэн байхад л хангалттай юм шиг байгаа юм. Тэгээд нөгөө найзыг нь дуудах хэрэг гарвал тэрний найзаа гээд л болоо. Жишээ нь Үнжээ (энэ нэрийг гүй ээ мөн олон сонсож байнаа. Ямар хүн байдаг юм болоо нэг харах юмсааан). Үнжээгийн найзаа, Үнжээгийн найзын найзаа гэх мэт. Хэрэв энэ хүний гэрт нь зочилбол аав ээжийнх нь нэрийг мэдэх бүүр ч шаардлага байхгүй. Үнжээгийн ааваа, ээжээ, дүү, ахаа, эгчээ. Ганц хүний нэрийг мэддэг байхад танил бүх хүмүүсийг нь хэнээ гэхгүйгээр дуудчиж болж байгаам. Гэтэл бүүр хамгийн гайхалтай нь энэ Үнжээ гэгчийн аав ээж нь нэг нэгнийгээ Үнжээгийн ааваа, Үнжээгийн ээжээ гэж дууддагт байгаам. Одоо манайхаар бол өвгөөн, хөгшөөн, ханиа, хайраа гэхгүйгээр хүүхдийн ээжээ, ааваа гээд л дуудах нь байна шдээ. Хэрэв манайд хэн нэгнийг Балдан гуайн бага охины хуучин найз залуугын шинэ найз охион гэж дуудвал яах болоо? Аягүй бол зодоон болно шүү.

2. Солонгосчууд өөрөө өөртэйгөө их ярьдаг хүмүүс

Батаа (гэр бүлийн хүчирхийлэлд Үнжээ гэдэг кино үзэхээс өөр аргагүй болсон хүн) ахын хэлсэнээр хэрэв та Солонгосд очвол хэн нэгэн баян хүнийг ол. Тэгээд сайн дага. Ялангуяа ганцаараа байх мөчийг нь тэсэн ядан хүлээ. За ганцаараа тэр хүн нэг газар байгаа бол хаана ямар мөнгө, хадгаламжийн дэвтэр, үнэт цаас, хувьцааны бичиг, үл хөдлөх хөрөнгийн гэрчилгээ гээд бүх зүйлээ нууснаа ярьна. Тэгээд мэдэж аваад, хайж олоод, барьцаа болгож тавиад зээл ав. Тэгээд л баяжлаа гэсэн үг.

3. Солонгосчууд ухаж ойлгохдоо муу хүмүүс

За бүхэл бүтэн улсын бүх хүмүүсийг ингэж хэлсэн нь болж байна уу гүй юу. Гэхдээ хийсэн кино болгон дээр нь энэ зүйл ажиглагдаж байна. Нэг хүн ярина, сонссон нэг нь “Тэр чинь тэгээд тэгнэ гэсэн үг үү?” гээл маанаг царайлаал заавал асууна. Жишээ нь “Би чамайг цаазаар авахаар яллаж байна” гэж нэг түшмэл хэлвэл ялтан этгээд “Би одоо тэгээд үхнэ гэсэн үг үү?” гээл маанаг царайгаа гаргаад л асууна гэх мэт.

4. Арчаагүй хүмүүсээ хүндэлдэг хүмүүс

За юу гэх гээд байна вэ гэвэл кино болгон дээр нэг мэдрэл муутай (голдуу эрэгтэй хүн байна) хүн заавал байна. Тэр нь тэгээд нүүр амаа сонин сонин болгож харна, хэн нэгэнд байнга зодуулна(жишээ нь эхнэртээ), үглүүлнэ. Миний ойлгосноор бол уг дүрээр л киногоо чимэх гээд байгаа бололтой. Гэхдээ яаж сэтгэхээрээ дандаа доожоогүй, мэдрэл муутай, архичин голдуу хүмүүсээр киногоо чимдэг байнаа.

5. Солонгосчууд их яргачин хүмүүс

За Бороо ийн өгүүлсэн билээ. Юув гэхлээр, хэрэв хэн нэгэн хүн кинон дээр үхэж байгаа харагдвал хажууд нь байгаа хүн туслая гэж заяа нь бодохгүй. Ядаж түргэн дуудна гэсэн ойлголт ч байхгүй. Үхэх гээд тарчилж байгаа хүнийг нэрээр нь дуудаж сэгсэрнэ, цохино, алгадна, амьсгалж ядаж байхад нь чанга тэврэнэ. Ядаж өрөвдөөд тайван үхүүлчихнэ гэж байхгүй шүү. Тэгээд нээх манжаа, үхсэнийх нь дараа үүрч гүйгээд эмнэлэг дээр авчирна. Лаг HERO болох бөөн хүсэл дүүрэн хүмүүс юм шиг ээ.

6. Солонгосчууд ижил хүйстэн хүнийг дэмждэг

За энэ бол ижил хүйстэн хүмүүст тун сайхан мэдээ шүү. Энд хүн хавчиж гадуурхаад амьдрахад хэцүү байвал Солонгос явж тайван амьдар гэж зөвлөх байна. Учир юу гэвэл Солонгосын ямарч кинон дээр, бүүр хаа байсан хэдэн зуун жилийн өмнөх түүхэн кинон дээр хүртэл заавал нэг гомо залуугийн дүрийг байлгана. Орчин үеийн кино байтугай хаан маантай түүхэн кинон дээрээ хүртэл гомо залуугийн дүрийг байлганаа гэдэг чинь нэг юм хэлээд байнаа манайхаан.

Тэгээд эцэст нь хэлэхэд их хэрүүлч, өшөөч хүмүүс. Суваг солиол явж байх хооронд заавал нэг хэрүүл хийж байгаа үе юм уу хэн нэгэн “Би хэзээ ч өршөөхгүй” гээд хөмхийгөө зуугаад хэлж байгаа үетэй тааралдана.

Тэр Эхнэрийн Урхи гэдэг киног ам барьж байгаа жүжигчид яг галзуурч байгаа байхаа. Удахгүй мэдрэлийн тасагт хэвтэх байх шүү хөөрхийс.

За тэгээд эцэст нь хэлэхэд бүсгүйчүүд, охидууд, зарим залуус, хайрт эхнэрүүд минь магадгүй нөхөр/эхнэр чинь ажлаа тараад ядраад ирсэн байх, ажил дээрээ асуудалтай байгаад түүнийгээ зохицуулах гээд их ч стресс-дсэн байх. Гэртээ ирээд нэг тайван амрах гэхэд нь битгий хэрүүлийн буг шингэсэн солонгос кино үзэх гэж суваг булаацалдаж зовоогооройдоо.

Scientist and Academician (Эрдэмтэн, академич)

2009-04-14T15:46:00.001+08:00

“Эрдэмтэн” - шинжлэх ухааны ямар нэг салбарт онцгой мэргэжсэн ба эрдмийн зэрэгтэй хүн

Цэвэлийн тольноос

Тэгэхээр эрдэмтэн хүн маань тухайн салбартаа олон жил ажиллан бүтээл туурвиж, түүнийгээ улс болон олон улсад танилцуулсан хүн байх ба дор хаяж доктор зэрэгтэй байх хэрэгтэй байх нь ээ гэж ойлгож болох нь.

Манай ажил дээр олон настай хүмүүс холхилдоноо. Ихэнхи нь тэтгэврийн, цөөн хэсэг нь тэтгэвэрт гарах дөхөж байгаа хүмүүс. Тэдний бусад настангуудаас ялгагдах нэг гуншин нь ЭРДЭМТЭН. Айхтар том гуншин шүү. Гэтэл тэднийг харах бүрийд

“Эрдэмтэй хүн даруу
Их мөрөн дөлгөөн”

гэсэн зүйр үг яалтчгүй санаанд тодрон бууна. Учир нь тэдгээр хүмүүс огтхон ч ЭРДЭМТЭН шинжГҮЙ. Ажлын оффис дээр ирээд тоохчгүй тамхи баагуулна. Сархад өвөртлөн ирээд хүртэх ч тохиолдол цөөнгүй. Нэг л том ярьсан, инээлдсэн хүмүүс байна. Гэтэл нэг өдөр буюу өчигдөр тун сонирхолтой зүйл болов оо. Ургамал, ойн чиглэлийн эрдэмтэн нэг хүн ирээд том том ярьж, цэцэрхэж байх үед нь оюутан бололтой нэг залуу ирээд мод тарих хүсэлтэй байгаа ба ямар мод яаж, хаана тарих хэрэгтэйг асуутал мань хүний хэр эрдэмтэн болох нь тодорхой болов.

Эхлээд “Ямар мод тарих хэрэгтэй вэ?” гэж асуухад “Одоо УБ-д байгаа модоо л тарь л даа. Ямар ч байсан яадаг юм бэ” гэлээ. Тэгтэл би тэвчилгүй “Одоо УБ-д тарьсан байгаа моднууд буруу моднууд юм шиг санагддаг юм. Учир нь дандаа эм моднууд байгаа. Тэгээд хавар болохоор цагаан юм хийсч, хамар ам руу ороод алергий үүсгэдэг. Тийм болохоор ядаж эр мод тарих хэрэгтэй болов уу” гээд тавиад туучихлаа. Дараа нь нөгөө залуу маань “Одоо энэ УБ-д тарьсан байгаа моднуудын нэр нь юу юм бэ?” гэхэд мань эрдэмтэн ээрчихлээ шүү. Би бас л “Улиас л байлгүй дээ” гээд туучихлаа. Яг үнэндээ улиас мөн эсэхийг мэдэхгүй байна. Гэхдээ л ээрсэн эрдэмтнээс илүү модны нэр мэддэг юм байна гэж бодлоо. За тэгээд нөгөө оюутан хүү ч улам асуултаар булж эхэллээ. Гэтэл нөгөө эрдэмтэн “Зөв, зүйтэй, би дэмжиж байна. Яг зөв шүү, дэмжих хэрэгтэй гэснээс нөгөө нээрээ ...” гэж ирээд л ярианы сэдэв өөрчилж эхлэв.

Би насыг нь хүндэтгэх хэрэгтэй байх л даа, гэхдээ л тэвчилгүй том дуугармаар байна. Эрдэмтэн гэж ийм хүнийг хэлдэг юм уу? Академич гэвэл яахав нэг академийн гишүүн болоод л тийм гуншин авчихна байх. Гэтэл эрдэмтэн гэж дуудуулдаг хүн шүү дээ.

Тэгээд нөгөө эрдэмтдийн хүсдэг зүйл нь шагнал авах. Манайхаар эргэлддэг нэг том зорилго нь шагналд тодорхойлуулах. Гавъяат, Алтан гадас, Хөдөлмөрийн баатар гэх мэт. Одоо шагналд тодорхойлсон хүний анкет 2 сарын дотор 20 дөхөж байна. Би ямар дүүргийн хороон дээр ажиллаж байгаа биш дээ. Ийм олон анкет ирнэ гэдэг бас л гайхалтай шүү. за тэгээд шагналын талаар энд, бас энд тун сонирхолтойгоор бичсэн байгаа. Уншиж сонирхоно биз дээ.

Миний энэ бичсэн бол зөвхөн тэр өөртөө хэт хүндэдсэн гуншинтай хүмүүст холбоотой шүү. Монголд хичнээн сайн эрдэмтэд байгаа нь тодорхой. Харин нэр баастагчид бас хэрээ мэдэх хэрэгтэй л баймаар

Beauty and Big Brain

2009-04-08T10:49:00.003+08:00

Өмнөх бичлэгтээ жаахан онцгүй зүйл нийтэлсэн бол одоо холливудын хамгийн ухаантай, боловсролтой хийгээд үзэсгэлэнтэй халуухан бүсгүйчүүдийн тухай сонирхуулхаар шийдлээ.

Эдгээр бүсгүйчүүд бүгдэд хүлээн зөвшөөрөгдсөн гайхалтай сайхан гоо үзэсгэлэнтэйгээс гадна үнэхээр сайн сургуульд суралцаж байсан боловсролтой эмэгтэйчүүд юм.

Natural Sexy Ladies :-)

10: Emma Thompson

Тэрээр жинхэн авъяаслаг Англи бүсгүй. Бидний мэдэх маш олон кинонд тоглосноос миний хувьд Love Actually кино нь тун ихээр таалагддаг.

Тэрээр Камбрижийн Их Сургуулийг Утга, Уран зохиолын чиглэлээр төгссөн.

Шилдэг кино зохиол номинациар Оскарын шагнал хүртэж байсан байна.

9: Rashida Jones

Жүжигчин, дуучин, модель тэрээр The Office сериалаар олны танил болсон нэгэн билээ.

1997 онд тэрээр Харвардын Их Сургуулийг Гүн Ухааны чиглэлээр төгссөн байна.

8: Alicia Keys

Грэмийн 8 удаа, Биллбоардын 11 удаагын шагналын эзэн энэ бүсгүйг танихгүй хүн үгүй биз. Түний цомог 20 сая хувь борлогдсон гайхалтай амжилтыг үзүүлсэн билээ.

Тэрээр 16 насандаа Манхэтэн дахь Дүрслэх урлагын Мэргэжлийн сургуулийг төгссөн ба Колумбын Их Сургуульд тэтгэлгээр суралцах урилга авсан боловч өөрийн хөгжмийн карерийг хөөхөөр болж татгалзсан гэдэг.

7: Jennifer Beals

Тэрээр анх 1983 онд Бохир Бүжиг кинонд тоглон олны танил болжээ. Уг кинон дахь дүрээрээ тэрээр олон залуусын зүрх сэтгэлийг эзэмдэж гарцаагүй дур булаам бүсгүй гэдгээ баталсан юм.

Женифэр Yale -ийн Их Сургуулийг Утга, уран зохиолын чиглэлээр баклавр зэрэгтэй төгссөн.

6: Kate Beckinsale

Түүний хамгийн их шуугиан тарьсан кинонууд бол яах аргагүй Pearl Harbor, Click, Under World билээ.

Тэрээр өсвөр насандаа хэд хэдэн удаа W. H. Smith-ний нэрэмжит залуу бичээчдийн шагнал хүртэж байсан ба Оксфордын Их Сургуулийг Гадаад хэлний Уран зохиолын ангид суралцан дүүргэсэн байна.

5: Sharon Stone

Камерын өмнө гайхалтай зоригтой, айдасгүй тоглодог маш цөөн жүжигчдын нэг тэрээр өсвөр насандаа олон таагүй хэрэгт орооцолдож байсан боловч гайхалтай амжилтанд хүрсэн нэгэн.

Тэрээр Их Сургуульд суралцаагүй ч тооны хичээлдээ маш сайн сурдаг, онцгой авъяастай сурагч байсныг багш нь хэлсэн байдаг. Түүний IQ-г 154 гэж тогтоосон нь энэ жагсаалтанд орох бололцоог өгсөн байна.

4. Jodie Foster

Эрэмгий, хурц, хүнд дүрүүдийг гайхалтай бүтээдэг уг жүжигчин маань Хурга майлахаа болино киногоороо Оскарын шагнал хүртэж ялгуусан их амжилтанд хүрсэн билээ.

Тэрээр Yale-ийн Их Сургуулийг утга уран зохиолын чиглэлээр төгсөж хамгийн сайн оюутан байсан тул төгсөгчдийн үдэлтийн үйл ажиллагаан дээр үг хэлж байсан байна.

3. Jennifer Connelly

Төгс оюун ухаан кинонд гайхалтай халамжтай эхнэрийн дүрийг бүтээснээрээ олон залуусын мөрөөдлийн эхнэрийн сонгодог жишээ болсон уг бүсгүй маань уг киногоороо Оскарын туслах дүрийн шагнал авч байсан билээ.

Тэрээр Yale-ийн Их Сургуульд Англи хэлний чиглэлээр сурж байсан ч Станфордын Их Сургуульд шилжин суралцаж тэндээ баклавр зэрэгтэй төгссөн байна.

Мөн гайхалтай үзэсгэлэнт уг бүсгүй маань 3 орны хэлээр ярьдаг гэнэ. (Франц болон Итали)

2. Natalie Portman
Мателда, дэггүй бяцхан өшөө авагч охины дүрээр олонд танил болсон уг бүсгүй маань насандаа баймгүй гайхалтай авъяас гаргасан нь кино шүүмжлэгчдийн зүгээс том сайшаал авсан гэдэг.
Ихэмсэг бардам төрх, хурц хараа, ялдам инээмсэглэлээрээ олон залуусын зүрхийг эзэмдсэн тэрээр Холливуудын хамгийн боловсролтой бүсгүй гэж хэлэгддэг билээ.
2003 онд Харвардын Их сургуулийг Сэтгэл судлалын чиглэлээр, мөн Ирусилемийн Еврэйчүүдийн Их Сургуулийг төгссөн. 5 орны хэлээр чөлөөтэй ярьдаг. Энэ их ажлын хажуугаар яам амжуулсан нь үнэхээр гайхалтай.
1. Elizabeth Shue

Гайхалтай дур булаам инээмсэглэлтэй энэ бүсгүй маань 80-аад оны халуухан бүсгүйчүүлийн нэг. Бидний мэдэх Ирээдүйгээр аялсан нь кинонд тоглож олонд танигдсан тэрээр

Wellesley -ийн коллежыг дүүргэн Харвардын Их Сургуульд суралцаж байсан боловч жүжигчний карераа хөөн түр завсардсан боловч 15 жилийн дараа сургуулиа дүүргэхээр дахин суралцаж эхэлсэн байна.

Сайн гүйлгээд тураагаад байгаарай

2009-04-06T17:00:00.002+08:00

Мэс засал хийлгээд муухай болсон одод

2009-04-02T18:04:00.020+08:00

Хэрэв гоо сайхны мэс заслыг буруу хийвэл нөгөө хүнээ бүрэн үгүй хийнэ. "Чацага алдцан юм шиг нүдтэй болчихсон шдээ тэр" гээд инээгээд ярьж байгаа хүнийг би хувьдаа олон харж байлаа. Харин одод, олон хүний нүдэн дээр амьдрал нь ил өрнөж байдаг хүмүүсийн хувьд бүүр ч олны амны зугаа болох хэцүү зүйл.

Ингээд хамгийн аймшигтай болсон 15 одын тухай товч танилцуулъя
15. Tara Reid (Хөх томсгож, гэдэсний өөхөө соруулсан)

14. Gary Busey (шүдээ арай том болгож янзлуулжээ)

13: Lil Kim (хөхөө томруулсан, нүүрэнд мэс засал хийсэн, арьсаа цайвар болгосон)

12: Janet Jackson (хөхөө томруулсан)
Силиконыг нь олигтойхон хийчихэж болоогүй л юм байх даа. Эсвэл арай хөхөө далдалсан хувцас өмсөх хэрэгтэй байж.

11: Jessica Simpson (уруулаа шивүүлсэн)
10: Kenny Rogers (үрчлээгээ арилгах гэж арьсаа татуулжээ. даанч түүний нүд нэг л сонин харагдаад байх чинь. арай их татчихаагүй байгаа даа.)
Нэг ийм онигоо байдаг даа. Эмчээ манай хүүхдийн нүд улам жартагар болоод байх юм. Та нэг хараач гэхэд эмч "Нүд ч зүгээр байна л даа, харин наад үсний боолтоо жаахан султгачих"

9: Tori Spelling (Хөхөө томруулжээ)
8: Hilary Duff (шүдээ янзлуулсан нь яг л морьных шиг болж гэнээ)

7: Victoria Beckham (хөхөө томруулсан нь яг л боксын бээлий наасан юм шиг болгосон гэж байх юм)

6: Donatella Versace (уруулаа шивүүлж, арьсаа татуулсан)

5: Vivica Fox (хөхөө томруулах гэтэл силикон нь ....)
4: Melanie Griffith (ямартай ч арьсаа татуулсан нь бүр хэд хэдэн удаа татуулсан нь үнэн. Гэхдээ өөр ямар мэс засал хийлгэснийг зөвхөн бурхан л мэдэх байх)

3: Pete Burns (уруулаа шивүүлсэн нь яг л Мэрилин Мансон шиг харагдаж байна ккк)

2: Jocelyn Wildenstein (тиймээ, энэ эмэгтэй чадсан. тэрээр 4 сая долларыг өөрийгөө хамгийн зэрэмдэг харагддаг болгох гэж хайр харамгүй үрсэн. )

1: Michael Jackson (арьсны өнгөө өөрчилсөн, хамраа засуулсан, уруулаа шивүүлсэн гэх мэт гэх мэт гэх мэт)

Пластик мэс засал буюу гоо сайхны мэс засал

2009-04-02T16:46:00.002+08:00

Гоо сайхны мэс засал хийлгэх олон шалтгаан байж болно. Эхээс сайхан төрсөн ч элдэв авар осолд орсон, түлэгдсэн, чих нь тасарсан, аймшигтай сорвитой үлдсэн, эсвэл төрөлхийн буруу хөгжилтэй ч юм уу. Түүнийгээ засуулж болно. Эсвэл жаахан царай муутай төрчихсөн, дөнгөж хөх нь ургаж байх үедээ түүнийг ямар нэг байдлаар гэмтээсний улмаас ургахаа больж бичкээн хөхтэй болсон гээд. Түүнийгээ хүн хүсвэл засуулж болно шүү дээ. Ямар насаараа матрушка гэж дуудуулалтай нь биш.

Анхны гоо сайхны мэс заслыг манай эрний өмнөх VI зуунд Энэтхэгт хийж байсан гэвэл ямрав дээ? Харин хөгшин Европод манай эрний өмнөх I зуунаас хийж эхэлсэн байх юм.

Гоо сайхны мэс заслыг дотор нь 2 ангилна.

Косметик мэс засал нь бие болон нүүрэн дээрх өө сэвийг янзалдаг. Үүнд: Гэдэсний хэсгээс өөх соруулах, харвин арилгах, зовхи татах, хөх томруулах, хөх багасгах (Памела хэдэн удаа томсгож, бас багасгасан болоо хэхэ.), өгзөг томруулах, уруул шивэх, чих янзлах, үрчлээ арилгаж нүүрний арьс татах, эрүү засах, давхраа хийлгэх, хацар шанааны хэсгийг засах, мөн сэвх толбыг лазераар арилгах зэрэг орно.

Нөхөн сэргээх мэс засал нь элдэв авар ослоос олсон шарх сорвийг эмчлэх, хөхний хорт хавдрын дараах гажигыг засах, арьс шилжүүлэн суулгах, төрөлхийн олдмол согог эмчлэх зэрэг эмчилгээг хийнэ. Арьс шилжүүлэн суулгахыг дотор нь 2 ангилна.

Allografts: Донорын биеийн яг тэр хэсгээс нь авч өвчний биед шилжүүлэн суулгах

Xenografts: Донорын биеийн өөр хэсгээс арьс авч өвчний биед шилжүүлэн суулгах

За тэгээд гоо сайхны мэс засал хийлгэх нь тухайн хүний эрхийн асуудал болохоор элдэвээр муучлахыг би хувьдаа урьтал болгоддоггүй. Хэрэв тэр бүсгүй хүсээд хөхөө томруулаад Playboy сэтгүүлийн нүүрэн дээр гарахыг хүсвэл тэгэг л дээ. Ямар чиний биеийг урж тасдаж, силикон чихээд, хувцасыг чинь тайчаад зургыг чинь авах гэж байгаа биш аттакер Аноним минь ээ. Юутай ч мэс засал хийлгээд өөртөө итгэлтэй болж байвал би л хувьдаа тэр хүнийг хүндэлнэ.

Онигоо

2009-04-01T11:18:00.001+08:00

Билл Клинтон, Жорж Буш, Жорж Вашингтон гурав живж буй завин дээр байна гэнэ. Завь живж эхлэхэд ерөнхийлөгчид хэлж байна гэнэ.

Жорж Вашингтон маш эрэлхэгээр “Эмэгтэйчүүдийг аварцгаая” гэхэд

Жорж Буш сандарсан байдалтай “бүсгүйчүүдээ хурдлаарай” гэтэл

Билл Клинтон “Бидэнд тийм цаг байгаа билүү?”

*************************************************************

Хичээлийн нэг өдөр Бяцхан Жоннигын ангийн багш нь санааширсан байдалтай “Бурхан минь та хаана байнаа?” гэж амандаа бувтнатал ангийн хүүхдүүд хэлж байна гэнэ.

Стив – Тэр диваажинд байгаа

Мэри – Тэр миний зүрхэнд байдаг гэтэл

Бяцхан Жонни – Тэр манай угаалгын өрөөнд байдаг. Багш гайхан учрыг асуутал

“Өглөө болгон манай аав угаалгын өрөөнд орохдоо миний газар унагасан саван дээр гишгэж халтирдаг. Тэгээд “Өө Бурхан минь” гэж орилдог” гэв

************************************************************

Галзуугын эмнэлэгт эмч өвчнүүдээсээ асуулт асууж байна гэнэ.

Эмч – Хэрэв би чиний нэг нүдийг ухаад авчихвал чи яах вэ?

Болд – Ганц нүд л хардаг болно.

Эмч – Хэрэв би чиний хоёр нүдийг ухаад авчихвал яах вэ?

Болд – Би сохор болно гэв. Эмч Болдыг эрүүл байна гээд эмнэлгээс гаргав. Болд гарах замдаа Тулгаад юу асуусныг хэлж гэнэ. Тэгээд Тулга эмч дээр очив.

Эмч – Би чиний нэг чихийг огтолчихвол чи яах вэ?

Тулга – Миний ганц нүд л хардаг болно

Эмч – Хэрэв би чиний 2 чихийг огтолчихвол чи яах вэ?

Тулга – Би юу ч харахгүй болно.

Эмч – Яагаад?

Тулга – Миний малгай чихэн дээрээ тогтохгүй, 2 нүдийг минь таглачих болохоор

*************************************************************

Нэгэн шаргал үст бүсгүй гутлын дэлгүүрт орж гэнэ. Гэтэл нэг гутал үнэхээр таалагдаад авах гэтэл мөнгө нь хүрсэнгүй. Тэгээд бүсгүй худалдагчид “Би маргааш мөнгө олж ирээд авъя” гээд явж.

Маргааш өглөө нь шаргал үст маань дэлгүүрт гартаа буу барьчихсан ирэв. Тэр банк дээрэмдээд, мөн дэлгүүрт байсан хэдэн хүнийг алчихсан байв. Тэрээр худалдагчид гутлын мөнгийг төлөөд өмсөж үзээд “Чөтгөр алгад гэж, хэзээ ч ийм сайхныг өмсөж үзсэнгүй”

*************************************************************

Apple posts graphics update for new MacBook Pro

2009-03-26T11:21:00.001+08:00

Apple has issued a fix for the graphics problems suffered by some owners of the company's new 17-inch MacBook Pro.

The firmware update was released Wednesday for owners of the MacBook Pro announced at Macworld and shipped in February. Some owners had reported problems with vertical lines polluting the display, and Apple says the new firmware should fix the problem.

Please let us know if you had any problems installing the update, or if the firmware update doesn't fix the problem. Based on the release notes for the firmware, it 's not clear whether this fix is related to the instability issues noted by some 17-inch MacBook Pro users when running Nvidia's discrete graphics cards.

Microsoft touches more on Windows 7

2009-03-26T11:18:00.000+08:00

Microsoft has already gone into plenty of detail about the touch features in Windows 7. In fact, touch was the first thing that the company shared when it came to how Windows 7 would look and feel.

But for those that really want to go deep, the company on Wednesday posted an even more detailed look at the thinking that went into building touch into Windows 7.

The company also noted that it continues to tweak the way gestures work as it gets more feedback from the beta version of Windows 7 that was released in January. For example, in its earlier incarnation, the recognition engine was missing many quickly performed gestures.

"We tuned the gesture detection engine with sample gesture input provided by real people using touch in pre-release builds," Microsoft said in the blog posting. "These tuned gestures are what you will see in the (release candidate) build."

The company also notes which touch-capable machines already in the market support the pre-release versions of Windows 7, namely HP 's TouchSmart All-in-One PCs (IQ500 series & IQ800 series), its TouchSmart tx2 Tablet PC, and Dell's Latitude XT or XT2 Tablet PC.

Magazines I like to read

2009-03-25T20:21:00.003+08:00

Туршилтын журмаар өөрийн сонирхдог, унших дуртай сэтгүүлүүдээ жагсаагаад биччихлээ.

Intertainment Сэтгүүлүүд:
Playboy
People
Time
Entertainment Weekly
Boxoffice Magazine
Billboard
Art Times
Maxim
Cosmopolitan
Women's Health
Food & Wine
Reader's Digest

Дэлхийн Усны Өдөрт

2009-03-23T10:44:00.000+08:00

Дэлхийн нийт усны нөөц 1386.0 сая шоо км бөгөөд 97.5 хувийг далай тэнгисийн мөсөн уул, мөсөн голын ус, 2.5 хувийг цэвэр цэнгэг ус эзэлдэг байна. Монгол орны усны нөөц дэлхийн усны нөөцийн 0.00004 хувийг эзэлдэг бөгөөд ашиглаж болох боломжит нөөц нь 34.6 км3/жил, үүнээс газар доорхи ус 6.1 км3/жил, гадаргын ус 28.5 км3/жил байдаг.

Дэлхийн усны гамшиг бол орчин үеийн нийгмийн хамгийн тулгамдсан асуудлуудын нэг бөгөөд дэлхийн хүн амын 20 орчим хувь буюу ойролцоогоор 1,1 тэрбум хүмүүс цэвэр усны хомсдолд ороод байна. Барагцаалбал өдөрт 4500 хүүхэд цэвэр аюулгүй усны гачигдалаас болж нас барж байна. Баримтаас үзвэл 2004 онд 2,2 сая хүн цэвэр усны хомсдолоос болж нас барсны 90 хувь нь 5 хүртэл насны хүүхдүүд байжээ.

Дэлхийн цаг уурын дулаарал, хүний зохисгүй үйл ажиллагааны улмаас сүүлийн жилүүдэд гадаргын усны нөөц хомсдож байна. 2003 онд хийсэн гадаргын усны тооллогоор Монгол улсын хэмжээнд 5565 гол горхи, 9600 булаг шанд, 347 рашаан, 760 нуур тоологдож байсанаас 683 гол, 1484 булаг, 10 рашаан, 760 нуур ширгэсэн байсан. 2007 онд тооллогоор энэ 5128 гол горхи, 3747 нуур тойром, 9306 булаг шанд, 429 рашаан тоологдсоноос 852 гол горхи, 1181 нуур тойром, 2277 булаг шанд, 60 рашаан ширгэж хатсан байна. Энэ эмгэнэлт тоо баримт цаашид нэмэгдэх эсэх нь хүн бүрийн байгаль дэлхийдээ хандах хандлагаас бага ч гэсэн хамаарна.

Ингээд усыг хэрхэн хэмнэлттэй ашиглах вэ гэсэн зөвлөмжийг хүргэе.
1. Гэр бүлд:

а. Бид шүд угаахад зарцуулах усны хэмжээг хэрхэн хэмнэж чадах вэ?
v Шүдээ угаахдаа усныхаа цоргыг хаалгүй угаахад 5-10 литр ус урсгадаг байна. Энэ нь 1 жилд 1825-3650 литр, 10 жилд 18250-36500 литр усыг үр ашиггүй зарцуулж үүнийхээ төлөө жилд 2007.5-4015.0 төгрөгийг зөвхөн шүдээ угаасныхаа төлбөрт төлж байна. Хэрвээ та усаа стаканд хийж шүдээ угаавал 250-500 гр ус буюу жилд 91.25-182.5 литр, 10 жилд 912.5-1825 литр усыг зарцуулна. Ингэснээр та усаа хэмнэлттэй ашиглах төдийгүй мөнгөө ч бас хэмнэнэ.
б. Та нэг удаа усанд орохдоо хэдий хэмжээний ус зарцуулдаг бол? v Та усныхаа онгоцоо дүүргэж ороход 150-180 литр зарцуулдаг, харин 15 мин шүршүүрт ороход 200-250 литр ус ашигладаг байна.Та биеээ савандаж байх үедээ усаа хааж байхаа битгий мартаарай, ингэснээр 2 дахин бага буюу 100-125 литр ус хэмнэж чадна.
в. Бид аяга тавгаа угаахдаа хэдий хэмжээний усаар угаадаг вэ?
v Бохир аяга, таваг, сав суулгаа ойролцоогоор 10 мин крантаа хаахгүйгээр угаахад 43.4 литр ус зарцуулдаг байна. Харин угаалгын шингэнээр угаахдаа крантаа хаах, цэвэр усаар зайлахдаа крантаа бага хэмжээгээр гоожуулан угааснаар 25 орчим литр ус хэмнэж чадна.
г. Та авто машинаа хэдэн литр усаар угаалгадаг вэ?
v Авто машиныг даралттай усаар угаахад цагт 500 литр, ус зөөж угаахад 50 литр ус зарцуулагддаг байна. Машинаа цэвэрхэн байлгаж, бохирдсон үед нь даралттай усаар угаалгахаас татзалзая.

2.Зочид буудлуудад:

а. Хүн нэг удаа гараа угаахдаа 3-5 литр ус зарцуулдаг байна.

б. 00-ын усыг 1 удаа татахад 6-10 л литр ус зарцуулдаг байна.

Бид ядаж шүдээ угаахдаа усаа хааж заншвал ямар их усыг хэмнэж болохыг та харж байгаа бизээ.

Олон улс хийгээд дэлхий даяар тэмдэглэн өнгөрүүлдэг өдрүүд

2009-03-18T17:28:00.003+08:00

Дэлхий даяар тэмдэглэн өнгөрүүлдэг олон тэмдэглэлт өдрүүд байдгаас манай Монголд ДОХ-ын эсрэг өдөр, Тамхигүй орчин, Эмэгтэйчүүдийн эрхийг хамгаалах өдөр, Хүүхдийн эрхийг хамгаалах өдрийг л онцлон тэмдэглэдэг. Гэтэл цаана нь ийм олон тэмдэглэлт өдөр байдаг юм байна.

Дутуу нэгийг нь нэмээд хэлээд байгаарай.

Дээр нь Монголчуудын тэмдэглэдэг баяр хийгээд төрсөн төрөөгүй өдрийн баяруудыг нэмбэл жилийн 365 хоног бүр тэмдэглэлт өдөр болох нь ээ.

Аа тийм, доорхи баяруудыг тэмдэглэхийг хүсэж байгаа бол үүнийг хэвлэж аваад Дүүргүүдийн Архигүй өдрүүдтэй хавсаргаад халааслаад яваарай :D

1 сарын ? – China New Year нэрээр танигдсан Цагаан сар (Хятад, Япон зэрэг орнуудад)
2 сарын 21 – Олон улсын эх хэлний өдөр
3 сарын 8 – Олон улсын эмэгтэйчүүдийн эрх хангах, эв санааны өдөр, Мөн олон оронд Ээжүүдийн баярыг энэ өдөр тэмдэглэдэг
3 сарын 21 – Дэлхийн Ойн өдөр, Дэлхийн яруу найрагчдын өдөр
3 сарын 22 – Олон улсын Усны өдөр
4 сарын 1 – Fool’s Day буюу Инээдмийн Баярын өдөр
4 сарын 4 – Олон улсын тэсрэх бөмбөг ашиглахаас татгалзах өдөр
4 сарын 7 – Олон улсын эрүүл мэндийн өдөр
4 сарын 23 – Дэлхийн ном болон зохиогчийн эрхийг хамгаалах өдөр
5 сарын 3 – Олон Улсын Мэдээллийн эрх чөлөөний өдөр
5 сарын 2 дахь бүтэн сайн өдөр - Мөн олон оронд Ээжүүдийн өдөр болгон тэмдэглэдэг
5 сарын 15 – Олон улсын гэр бүлийн өдөр
5 сарын 17 – Дэлхийн мэдээллийн нийгэмлэгийн өдөр
5 сарын 21 – Хамтын ажиллагаа, хөгжлийн төлөө дэлхийн соёлын өвийг дэмжих өдөр
5 сарын 22 – Олон улсын биологийн төрөл зүйлийн өдөр
5 сарын 29 – НҮБ-ын Энхийг сахиулагчдын өдөр
5 сарын 31 – Дэлхийн тамхигүй орчны өдөр
6 сарын 4 – Олон улсын хүүхдийн эрхийг хамгаалах өдөр (6 сарын 1????)
6 сарын 5 – Дэлхийн байгаль орчны өдөр (миний төрсөн өдөр, байгалиа хамгаалаад л байхаас даа)
6 сарын 2 дахь бүтэн сайн өдөр – Аавуудын баяр
6 сарын 17 – Дэлхийн ган, цөлжилтийг бууруулах өдөр
6 сарын 20 – Дэлхийн дүрвэгсдийн өдөр
6 сарын 23 – Төрийн албан хаагчдын өдөр
6 сарын 26 – Хар тамхи хэрэглэх, худалдаалахыг хориглосон ба эрүү шүүлтэд өртсөн хүмүүсийг дэмжих олон улсын өдөр
7 сарын 4 – Олон улсын хоршоодын өдөр (The Independence Day of USA)
7 сарын 11 – Дэлхийн хүн амын өдөр
8 сарын 9 – Дэлхийн уугуул иргэдийн олон улсын өдөр
8 сарын 12 – Олон улсын залуучуудын өдөр
8 сарын 23 – Боолын худалдааны хохирогчдын дурсгалыг хүндэтгэх өдөр
9 сарын 8 – Олон улсын бичиг үсгийн өдөр
9 сарын 16 – Озоны давхаргыг хамгаалах өдөр
9 сарын 21 – Олон улсын энх тайвны өдөр
9 сарын 28 – Олон улсын далайн тээврийн өдөр
10 сарын 1 – Олон улсын ахмадын өдөр, Дэлхийн хот төлөвлөлтийн өдөр
10 сарын 4 – Дэлхийн сансрын өдөр
10 сарын 5 –Олон улсын багш нарын өдөр
10 сарын 7 – Олон улсын байгалийн гамшгийг бууруулах өдөр
10 сарын 9 – Дэлхийн шуудан холбооны өдөр
10 сарын 10 – Дэлхийн сэтгэл мэдрэлийн эрүүл мэндийн өдөр
10 сарын 16 – Дэлхийн хүнсний өдөр
10 сарын 17 – Олон улсын ядуурлыг бууруулах өдөр
10 сарын 24 – НҮБ-ын өдөр, Дэлхийн хөгжил, мэдээллийн өдөр
10 сарын 25 – Олон улсын зэвсэглэлийг зогсоох өдөр
11 сарын 6 – Зэвсэгт мөргөлдөөн, дайны үйл хэрэгт байгаль орчныг ашиглахын эсрэг өдөр
11 сарын 14 – Дэлхийн Чихэрийн шижингийн өвчинтэй тэмцэх өдөр
11 сарын 15 – Авто осолд өртөгсөдийн дурсгалыг хүндэтгэх өдөр
11 сарын 16 – Олон улсын нийгэмд хүн хүнээ хүндэтгэх, хүлээцтэй хандах өдөр
11 сарын 20 – Хүүхдийн эрхийг хамгаалах олон улсын өдөр
11 сарын 21 – Дэлхийн телевизийн өдөр
11 сарын 25 – Олон улсын эмэгтэйчүүдийн эсрэг хүчирхийллийг зогсоох өдөр
11 сарын 29 – Палестинчуудтай эвлэлдэн нэгдэх өдөр (юу ингэнэ вэээ хэхэ)
12 сарын 1 – Дэлхийн ДОХ-ын эсрэг өдөр
12 сарын 2 – Дэлхийн боолчлолын эсрэг өдөр
12 сарын 5 – Эдийн засаг, нийгмийн хөгжлийг дэмжих сайн дурынхны өдөр
12 сарын 7 – Олон улсын иргэний нислэгийн өдөр
12 сарын 9 – Олон улсын авилгалын эсрэг өдөр
12 сарын 10 – Хүний эрхийн өдөр
12 сарын 11 – Олон улсын уулын өдөр
12 сарын 18 – Олон улсын цагаачдын өдөр
12 сарын 19 – НҮБ-ын хөгжиж буй орнуудын хамтын ажиллагааны өдөр
12 сарын 20 – Олон улсын эв нэгдлийн өдөр

Монголчуудын лаг латериал сэтгэлгээ

2009-03-16T16:53:00.000+08:00

Би IQ Test төвөөс орчуулж гаргасан Тархины чадамж, Оюун ухаанаа хөгжүүлье, тийм ч ийм ч интелектээ хөгжүүлье гэсэн олон ном уншиж байсан. Тэгээд тэр номнуудыг бичсэн мундаг хүмүүсийн тодорхойлсоноор латериал сэтгэлгээ гэгчийг бага сага гадарлахтайгаа болоод байгаа. Манай монголчуудын латериал сэтгэлгээ гүй ээ мөн айхтар хөгжсөн гэж би боддог юм.

1990-д оноос (чолк тавиад шорттой гүйдэг бакцаан байсан дөө) Дорж гуай ТҮЦ ажиллуулжээ. Тэгсэн орлого цөм хийв. Гэтэл хөрш айлын Балдан ах “Доржийнх ТҮЦ ажиллуулаад овоо юм олж байна. Би бас ТҮЦ ажиллуулнаа” гээд ТҮЦ байгуулав. Тэгсэн хэдхэн сарын дотор тэр гудамж ТҮЦ-үүдээр дүүрэв ээ гэж. (Микробус бас яг ингэсэн юм шиг санагддаг юм)

За тэгээд траншейнийхэн гэгч тодотголтой хүмүүс олширч тэдний санхүүгийн эх үүсвэр нь гуйлга гуйх болсон. Нэгнээсээ илүү гарах гээд гуйлга гуйх арга нь улам нарийссаар ирсэн. Дуу дуулна, баяан бариад дуулна, хоршиж дуулна, хамтарч дуулахдаа хол гараа нэг хэмнэлтэй хөдөлгөж дуулна гэх мэт. Гэтэл энэ арга байгаа онохоо болиод ирэхтэй зэрэгцэн нөхдүүд илүү өрөвдөлтэй царай гаргах гэж хичээх болсон. Хөлгүй, гаргүй, сохор, хэлгүй гэх мэт. Энэ нь бас явуургүй болоод ирэхээр гүй ээ мөн золигын арга сэтгэж байгаамаа. Ой гарсан уу гэмээр нялх хүүхэд тэврээд, нөгөөхөө уйлуулаад суучихна. Нэг бацкаан сансарын тунелээс уруудах гудамжинд дүүгээ уйлуулаад, өөрөө дуугаа дуулаад суутал нөгөө дүүг нь өрөвдсөн хүмүүс (тэрэн дотор би бас орно) мөнгийг хайргүй өгөв өө. За яасан? Тэгсэн ой гарантай хүүхэд уйлуулж суулгаад гуйлга гуйдаг моод дэлгэрсэн.

За энэ байгээ гэхэд одоо яаж байна? Жирийн дундаж орлоготой айлын цэвэрхэн царайтай, цэвэрхэн хувцастай, хичээлийн цүнх үүрсэн бацкаанууд гуйлга гуйгаад ирсэн. Нэг бус удаа надтай тийм хүүхэд тааралдав.

Тохиолдол 1
Нөгөө бацкаан: Эгчээ мөнгө байвал өгөөч?
Би: Аайййн? Яагаад? Чи ингэж явах хүүхэд биш л байна даа
Нөгөө бацкаан: Хоол авч идэх гэсийн
Би: Гэртээ хариад хоолоо идээ миний дүү.

Тохиолдол 2
Нэг бацкаан: Эгчээ 50 төг байвал өгөөч?
Би: Аайййн? Яагаад? Чи ингэж явах хүүхэд биш л байна даа
Нөгөө бацкаан: Автобусанд суух гэсийн
Би: Зальтай бацкаан байх нь гэж бодно

Шүлэг

2009-03-11T11:42:00.002+08:00

Хэнийх нь бүү мэд нэг шүлэг байна. Өнгөрсөн жил Draft-даа хадгалсан байх юм. Би өөрөө санадаггүй ээ. Юу бодож хадгалсан юм бүү мэд. Сонирхолтой байж магадгүй гээд блогтоо оруулчихлаа.

Намуун шөнийн нойрыг чи хулгайлж
Ноцсон халуун уруулаараа үнгэдэгч
Надад ердөөч халуун байгаагүйг
Нэг удаач болов анзаарсангүй

Өнөөх л идэр биеийн аашаараа
Өөрийг минь чи хичнээн эзэмдэвч
Өрцөнд минь үлдэх дурсамж үгүй
Өөрөө чи гунигтай амьтан

Залуу биеийн ганц шөнийг авсанч
Заяаны хань насны амраг болохгүй ээ чи
Зөвхөн чинийх байх гэж би төрөөгүй
Зуун олон учрал халуухан амьсгааг мэдэрмээр байна

Олон эрийг сэтгэж ийн өгүүлсэнгүй ээ
Олиггүй хуурамч чамд л зориуллаа
Охин заяаг минь хэнэггүй гараар үймүүлсэн
Орчлонд ганцхан чамд л зориуллаа

Хайртай гэж худлаа битгий хэл
Хайртай юу гэж хачин юм бүү асуу
Хэзээ юм учирсан ч хагацах л тавилантай
Хөвгүүн чи одоо бүр явчихаач!

Америкын эзгүйрсэн хотууд

2009-03-04T16:06:00.003+08:00

Хөрөөтэй алуурчин билүү дээ нэг кино байдаг даа. Техасын нэгэн бөглүү хот. Тэр хотыг дайран гардаг зам байхгүйгээс болоод мартагдсан хотын нэг гэхэд буруудахааргүй болсон хотод багаасаа мах нядалгааны газар өссөн жаал томроод аллага хийгээд байдаг. Гол нь тэр хот эзгүйрсэн тул дайран өнгөрсөн аялагчдыг яаж ч алж талж байсан ч хэн ч мэддэггүй. Хүний махаар хооллож байгааг нь бүүр сүүлд мэддэг.

Яг л үүн шиг, гэхдээ арай ч ийм дээрээ тулчихаагүй эзгүйрсэн хотууд саяханы судалгаагаар гарчээ. Гэтэл судалгааны үр дүн нь хамгийн их хүн ам олширсон, байнгын овоо хараанд байдаг хотууд эхний байранд орсон байх юм. Энэ нь нөгөө алдарт Хямралтай холбоотой байхдаа. Уг судалгааг гаргахдаа ажлын байрны хомсдол болон түрээсийн төлбөрийн чадамжийн хослолоор гаргасан юм байна. Залуу маркетер илүү ихийг бичнэ биз дээ.

Las Vegas олон түмэн холхилдсон зугаа цэнгэлийн хот. Гэтэл яав? Эдийн засгийн хямралаас болоод ажлын байр хомс болж. Нэгэнт ажлын байр байхгүйгээс хойш ямар ч мөнгөөрөө зугаа хөөхөв. Зугаа хөөх нь битгий хэл байрны мөнгөө ч төлж чадахгүй шүү дээ.

Хоёрт нь алдарт Эминемийн төрсөн нутаг Detroit оржээ. Мөн л ажилгүйдэл ихэссэн шалтгаантай байгаа юм байна. Гуравт Atlanta удаах байранд Greensboro, Dayton гээд л яваад өгч.

Статистик үзүүлэлтээр Америк яах аргагүй хямарчихсан байгааг харж болно. Харин манайх сургаар нь чичрээд л. Өнгөрөгч даваа гарагт Монголын Үндэсний ТВ-р нэг кино гарав аа. Америкчуудын даван туулсан нэгэн томоохон хямралын үеийг нэгэн гэр бүл хэрхэн даван туулж байгааг харуулсан сайхан кино. Онцлог нь ямар ч хар бараан зүйл байхгүй. Зөвхөн гэрэл гэгээтэй сайхан зүйлс л гардаг. Тэр киног үзсэн биш сэтгэл амар болчихсон.

Уг кинон дээр аав нь ажил хайх гээд Чикаго явдаг. Гэтэл ажил олддоггүй. Чикагод гэр бүлээсээ хол ажилгүй байснаас төрсөн хотдоо гэр бүлтэйгээ хамт ажилгүй бай л даа гэж охин нь захиан дээрээ бичдэг ч тэр захиагаа аавдаа явуулдаггүй.

Миний бодлоор үүнтэй адил Чехэд гэр бүлээсээ хол ажилгүй байснаас Монголдоо гэр бүлтэйгээ хамт ажилгүй байя л даа. Дассан газрын даавуу зөөлөөн гэж.

Үр хөврөл ба Бид үүсэн бий болохуй

2009-02-20T10:54:00.001+08:00

2007 оны 5 сарын 8-ны бичлэгээ дахин орууллаа. Тэр үед ямар ч хөөрхөн бичдэг байсан юм. Тэгтэл одоо хэрэг алгаа. Энэ бичлэгийг минь уншаад комент үлдээгээд байгаа хүмүүстээ баярлалаа.

Сая өнгөрөгч хагас сайнд TV5 сувгаар хүн эхийн биед хэрхэн бүрэлдэн бий болдог тухай баримтат киног ээжийн хамтаар үзэж сонирхлоо. Ёстой сонин байсан, би урьд нь хэзээ ч тийм ил байдлаар нь үзэж байгаагүй болохоор бүүр сонин байсан. За ингэдэг гэнээ.

Эмэгтэй хүний өндгөн эс сард нэг удаа боловсроод үхдэг гэнэ. Хэрэв тэр боловсорсон үед нь эмэгтэй хүн эрэгтэй хүнтэй бэлгийн харьцаанд орвол үр тогтох магадлал хамгийн өндөр байдаг. Эрэгтэй хүн бэлгийн харьцаанд ороод дур тавихдаа 500 сая эр бэлгийн эсийг гаргадаг гэнээ. (юун ч сүрхий олон юм бэдээ) Нөгөө гайхал 500 сая маань өндгөн эс рүү тэмүүлэн аялахуй доор эмэгтэй хүний савны хүчиллэг бодистой жинхэн дайн хийнэ шүү дээ. (Спартакын Леонодис хаан түүний 300 дайчин эрс болон Персийн хааны сүрэг арми шиг л) Хүчиллэг бодис болон 500 саяын 2 тал бөмбөгдөлт, акагаар шүрших гэх мэтийн нүд халтирч сэтгэл зүрх эмтэрмээр баахан л тулаан хийцгээнэ. Гардан байлдаанд ч шаардлага гарвал ордог байх. Энэ бүх харгислалын эцэст хэрвээ 500 сая ялж чадвал хамгийн ихдээ ердөө хэдхэн мянган зэвсэгт нэгэн ахан дүүс нь амьд үлддэг байна. Нөгөө үлдсэн хэдэн мянга маань арай гэж өндгөн эс дээр ирнээ. Гэхдээ тэднээс хамгийн хамгийн адтай нэг нь л өндгөн эсэнд нэвтрэн орж үр тогтоодог байна. Хэдийгээр үр хөврөл тогтсон ч өндгөн эс бүр цаашид боловсрон хүмүүний заяаг бий болгодоггүй, тэдний ердөө тал хувь нь л тийм азтай тохиолыг бүрдүүлж чаддаг байна. Тэр ганц эсэнд хүүхдийн өндөр нам, нүдний өнгө, үсний өнгө гэх мэт маш олон мэдээлэл агуулагдаж байдаг гэхээр бас овоо муу гар байгаамаа.
Нэгэнт үр тогтсон өндгөн эсэнд эсийн хуваагдал гэж гайхалтай нэгэн байгалын үзэгдэл явагданаа. Өндгөн эс өөртэйгөө адилхан эсийг бий болгон 2-ын зэрэгтээр өсөн үрждэг байна.
• За үр тогтоод 8н долоо хоног өнгөрлөө, энэ үеийг үр зулбах хамгийн их эрсдэлийг агуулсан үе гэдэг. Яг энэ үед 6н үр хөврөлийн 5 нь саван дотроо үхдэг гэсэн. (хөөрхий зайлуул) Тэгэхээр үр тогтоноо гэдэг бол зүүний үзүүр дээр арвайн буудай тогтох адил ховор нандин тохиол байх нь ээ.
• 9н долоо хоногтой үр хөврөлд ходоод бий болдог ба хоол боловсруулах шүүс ялгаруулж эхэлдэг байна. Мөн жоохон хөөрхөн зүрх нь цохилж эхэлнэ. Гар хөл нь ч тодорхой ялгагдахаар болдог. Энэ үед л таны бичкэн үр эр эм алин болох нь мэдэгддэг.
• 12 долоо хоног өнгөрлөө. Таны үр 6 см 14 гр жинтэй болсон байна. За ингээд нөгөө аюулт мөчөө та ардаа хаях нь тэр. Одоо таны хүүдэд чинь ердөө л томорно, гар хөл нь илүү хүнд байх төрхөндөө орж эхлэнэ. Харин энэ үед эхийн биед зарим нэг өөрчлөлтүүд бий болдог байна. Эхийн бие хэт мэдрэмтгий байдаг тул өглөөгүүр огин бөөлжис хүрнэ. Мөн цусны эргэлт хурдасч хөх томорч эхэлнэ. Энэ нь эх таны хөхөнд сүү орохын эхний шинж тэмдэг болдог байна.

Жирэмслэлтийн дунд үед бяцхан үрийн таван мэдрэхүй бий болж эхэлнээ. Гэхдээ жирийн хүнийхтэй харьцуулбал маш муухан байдаг, тэр нь ч ойлгомжтой байх. Бяцхан үр хэвлийд байхдаа арьсаараа маш их мэдэрдэг гэнэ.
За өдөр хоног ч өнгөрсөөр бичкэн үр ч томорсоор. Жирэмслэлтийн сүүлийн 3 сард эхийн бие байж боломгүй их ачаалалтай ажилладаг байна. Эхийн сав 20 дахин томорч, цусны эргэлт 3 дахин ихэсч, 2 хүний ачааллаас болж зүрх нь томордог гэнэ хөөе. Сав хангалттай томрох тул тулгуур нурууны яс хазайдаг. Гүй ээ нурууны ясыг бөхийлгөөд байгаа юм чинь өвдөхгүй өөр яахав дээ. Тэгж л бэр эгчийнхээ “нуруу өвдөөд байнаа” гэж хэлдэг байсны цаад учрыг нь оллоо шд. Үүнтэй зэрэгцэн нарийн бүдүүн гэдэс ч шахагдан байрнаасаа хөдөлдөг гэсэн.
Төрөлт эмэгтэй хүнээс сэтгэл зүйн асар их хүчийг шаарддаг байна. Хамгийн гол нь эмэгтэй хүн жирэслэсэн үедээ тайван байж, аль болох муу зүйл бодохгүй, элдэв янзын сэтгэл зовоосон асуудлуудтай орооцолдохгүй байх хэрэгтэй.
Хүн гэдэг амьтан нь төгс биш. Хэрвээ эх хүн төгс хүнийг төрүүлье гэвэл дахин 12 сар хэвлийдээ бойжуулах хэрэгтэй. Гэхдээ яагаад 21 сар биш 9 сар л хэвлийдээ тансаглуулдаг вэ гэвэл эмэгтэй хүн хүүхдийг таазаараа гаргадаг болохоор тэр. Хэрвээ эх төгс хүүхдийг төрүүлдэг байсан бол амийг амиар гэдэг харгис байгалийн хууль ноёрхон байх байсан бизээ.
Төрөх цаг боллоо, ихэвчлэн эхний төрөлт 10 цаг өвддөг гэнэ. Бурхан минь, би ч зурагтны цаанаас хүүхэд хэрхэн хорвоотой анхлан танилцаж байгааг хараад авсан шүү. Эхлээд толгой нь, тэгээд бие нь. Нэг л их улаан нялзрай. Би анх төрөхдөө ийм царай муутай байсан байхдаа гэж бодсон. Тэгээл нөгөө дэлхийн шинэ иргэн маань ээжийнхээ элгэн дээр хэвтэж өөрийг нь зөвшөөрөөгүй байхад олон түмэн цагаан хувцас, масктай хүмүүсийн өмнө нүцгэн шалдан гаргасан гэж хэд гомдоллож жаахан уйлж аваад програмистуудын сонгодог жишээ болох “Hello World” гэж хэлээд л унтаад өгч байгаамдаа. Бид ингэж л хүмүүн болон мэндэлсэн юм байна шүү дээ.
Хэрвээ таны эхнэр, охин, дүү, найз бүсгүй чинь жирэмсэн бол та сайн гэгч нь халамжлаарай гэж хичээнгүйлэн хүсье. Өө бас буруу бичсэн хэсгийг мэдэх хүмүүс нь залруулаарай.

Гүнээ хүндэтгэсэн Pearle Deppsu

Балэнтэээн

2009-02-11T14:16:00.004+08:00

Valentine's Day.

Уул нь энэ баяраар эмэгтэйчүүд нь хайр сэтгэлээ илчилж залуудаа шоколад өгдөг. Харин нөгөө хар хүү маань хайртай гэж хариу сэтгэлээ илэрхийлж сарын дараа буюу 3 сарын 14-нд бүсгүйдээ чихэр өгдөг уламжлалтай. Аа одоо цаг үе өөр болж уламжлалт шоко-гоо өгнө үү, өөр зүйл өгнө үү тухайн хүний дур болсон зүйл.

Тэгсэн манайд яаж ч тэмдэглээд байгаа юм бүү мэд. 13-нд нь Синглүүдийн парри болдог гэнэ. Манай хэдэн охидууд тийшээ хамт явъя гэж урьж байх юм. Хэхэ, синглүүдийн парри нь синглүүддээ л зориулагдсан болоод "Синглүүдийн парри" гэж нэрлэгдээ байлгүй дээ. Надад ч тэр нь пад алгаа хөө. Тэгээд бас тэр миний ойлгосноор Синглүүдийн парри нь их сонин зүйлийг дэмждэг юм шиг байгаа юм. Миний эсэргүүцдэг тэр зүйлийг. Юу вэ гэхээр, 13нд хосоо олоод тэгээд 00 цагаас хойш хамтдаа Балэнтээнээ тэмдэглэдэг гэнээ. 00 цагаас хойш гэхээр чинь харанхуй шөнө хосууд одоо юу хийх үү? ... бас л сонин шүү тээ.

Манайхан ч тэгээд аливаа баяр цэнгэлийг update хийхдээ сайн. Update, edit хийгээд л өөрийн version-г гаргаад ирнэ.

Нэг хэсэг Thanksgivind Day буюу Талархлын баярыг бие биедээ талархлаа илэрхийлдэг баяр гэж ойлгоод учиргүй л "баярлалаа" -даад байсан. Уул нь учир начирыг нь ойлгож тэмдэглэж байвал гоё байх тээ.

Манайхны update хийсэн Балэнтээн гоё болох байхаа энэ жил.

Дахиад нэг зүйлийг хэлэхэд энэ бол цэвэр хайр сэтгэлээ илэрхийлэх боломжтой сайхан баяр. Тэрнээс биш бэлгээр уралдах, нэг нэгнийхээ авсан бэлэгээр найз охидууддаа гангарах, чамирхах зүйл огтоос биш. Нэг ч удаа гэсэн залуусдаа бэлэг өгч үз, хариу нэхэлгүйгээр айн бүсгүйчүүдээ. Эрчүүдээ хайрлая даа айн. Цаадуул чинь хүн болохоос бэрд биш шүү дээ.

Яг үнэндээ бол энэ баярыг тэмдэглэж өнгөрөөсөн сайхан дурсамж байдаггүй юмаа хэхэ. Тэгээл ингэж бичиж байгаа байхгүй юу ккк

Айхтар зураг вэ

2009-02-06T09:37:00.002+08:00

Энэ бас их айхтар зураг байна шүү. Сая санамсаргүй Reader-ээ ухаж байгаад гаргаж ирлээ. Ийм байдлаар гэр бүл салгасан хүмүүс жаргалтай байдаг болов уу даа. Мэдэхгүй юм.
Нэг гэр бүлийг нурааж нөгөөг үүсгэнэ.
За мэдэхгүй, амьдрал мэдэхгүй пацаан юу ч ярьж болно.

Аавдаа ээждээ хайртай

2009-02-02T16:13:00.003+08:00

Тэртээ 31 жилийн өмнө аав ээж 2 маань нэгэн бүлийг үүсгэж хос багана болон амьдралаа холбосон түүхтэй. Түүний үр дүн нь би гэдэг хүн та нарыг хэрэгтэй хэрэггүй бичлэгээрээ залхааж эсвэл дурлуудаад сууж байх юм.

Амьдрал гэдэг сайхаан, тулгын чулуу бололцож гал голомтоо бадраасан аав ээждээ хайртай. Ачит үр нь болсон надад аав, ээж маань хайртай нь угаасаа тодорхой.

Ай хөөрхий, би гэдэг хүний үүсэл ингэж л эхэлж дээ.

Тасартлаа оргилуун дарс уудаг өдөр дөө. Тийм түүхтэй юм гсн ккк...

Гарчиггүй

2009-01-29T15:59:00.002+08:00

Ажил эсвэл гэрт бүх л анхаарлаа тухайн хийж байгаа зүйлдээ хандуулсан тэр үе
Найзуудтайгаа ярьж хөгжилдөн бүх сэтгэл санаа тайвширч, элдэв дээдийн зүйлд сатаарахгүй байх тэр сайхан үе
Орой үдэш болж хамаг өдрийн алжаалаа юугаа тайлахаар дулаан хөнжилдөө орох үе
Өглөө сэрж, шинэ өдрийг эрч хүчтэй угтах тэмүүлэл дүүрэн байх тэр үе
Та төсөөлөөд үз. Ямар үед танд хамгийн ихээр таатай байдаг вэ? Яг тэр үе. Яг тэр үеэ сайтар төсөөлөөд үз.
Энэ сайхан үеийг юу үгүй хийж, духаа үрчийлгэх хэрэгтэй болгодог гэж бодож байна? ТАМХИ. ТАМХИНЫ УТАА.
Тамхи гээч хорыг хэрэглэдэг залуусаа, нэгийг бодоод үзээрэй.
Мөрөөрөө өөрөө л хордох хэрэгтэй шүү яг хатуугаар хэлвэл.

Jenni хөгшөөн, болохгүй бол найз нь чиний аргыг нэг хэрэглээд үздэг юм билүү? Жаахан хэцүүхэн арга санагдаад байгаа юм аа. Гэхдээ арга мухардвал хэрэглээд л үзнэ дээ тээ?

Нутгархаг

2009-01-15T11:56:00.000+08:00

“Манай Увсынхан гүй ээ мөн их ухаалаг хүмүүс шүү. Хаа газрын эрдэмтэд л Увсынх байх юм.”

“Завхан бол хутагтуудын орон. Цаанаасаа л ухаалаг хүмүүс гэдэг нь харагдаж байна.”

“Хэнтийнхэн бол угаасаа Боржигон овогтон. Жинхэн Алтан ургынхан.”

“Би бол Галданбошигтын удмын хүн. Та нар муусайн халхууд юу юм?”

Монгол хэдэн хүн амтай билээ? 3 сая орчим. Тэгтэл дотроо 21 хуваагдана. Бие биеээ муулна эсвэл магтана. 21 дотроо сум, дүүргийн тоогоороо хуваагдана. Цаашлаад маш нарийн байж болох нэгжүүдэд хуваагдан салцгаана.

Улаанбаатарт төрсөн залуучууд нь Багатойруугынх, 40 мянгатынх, Хорооллынх гээд л бас салчихна. 40 мянгатынх тийм, Бага тойруугынх тийм гээд л...

Би бодохдоо энийг шал илүү дэмий зүйл гэж боддог.

Энэ чинь цаад утгаараа өөрийгөө дөвийлгөөд, нөгөө хүнээ доош нь хийж байгаа гэсэн үг биз дээ? Эсвэл би буруугаар ойлгоод байдаг юм болов уу? Газар газрын онцлогоос шалтгаалан хүмүүс нь ондоо ондоо зан храктертай байдаг. Тэр нь зүгээр л нэг онцлог, ялгагдах шинж л болохоос биш учиргүй магтаж дөвийлгөх зүйл биш гэж бодож байна. Тийм үү?